KOLOSE 2:8 - KITTA KAREBA MADECENG

⁸ Sitinajako matike', aja' narapii engka palaiko siyo-siyo sibawa pangissengeng-pangissengeng tolino iya dé'é nakkéguna, sangadinna banna mappapusaé. Iyaro sining pangissengengngé dé' napolé ri Kristus, sangadinna poléi ri pallolongenna tolinoé bawang sibawa polé ri roh-roh iya makuwasaiyéngngi linoé.

KOLOSE 2:8 ပူးပေါင်းရင်းမြစ်များ

ELONG MARAJA 2:15

Tikkengngi iyaro sining asu ale'é, asu-asu ale baiccu'é iya solangiyéngngi palla anggoro'é, saba' mattengngangngi mabbunga palla anggoro'ta.

YEREMIA 29:8

Iyya Puwang, Iya Pommakuwasaé, Allataalana Israélié, paréngngerangiko kuwammengngi aja' muleppessangngi alému ribengnguwang ri nabi-nabi iya monroé ri tengnga-tengngamu iyaré'ga muwi niga iya powadaéngngi makkedaé naulléi mennang botoi wettu mangoloé. Aja' mujampangiwi nippi-nippinna mennang.

MATIUS 10:17

Jaga-jagako, saba' ritikkekko matu naripangolo ri Mahkamana Agamaé. Risissako matu risining bola assompangngé.

MATIUS 16:6

Nakkeda Yésus lao ri mennang, “Atike'ko lao ri raginna tau Farisié sibawa Sadukié.”

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

RIWAYA'NA RASUL-RASUL-E 17:18

Guru-guru iya maccowéé ri Epikuros sibawa maccowéé ri Stoa siddebba' toni sibawa Paulus. Siyagangngaré polé ri mennang makkeda, “Aga naisseng iyaé tauwé? Céddé bawang pangissengenna, iyakiya maéga bicarai!” Siyagangngaré laingngé makkeda, “Samanna nabbirittangngi passalenna déwata-déwata bangsa laingngé.” Makkeda makkuwairo mennang, nasaba mabbicarai Paulus passalenna Yésus sibawa passalenna atuwongngé paimeng purana amaténgngé.

RIWAYA'NA RASUL-RASUL-E 17:32

Wettunna naéngkalinga iyaro sining tauwé passalenna atuwongngé paimeng purana amaténgngé, engka polé ri mennang cawa-cawaiwi Paulus. Engkato makkeda, “Macinnaki méngkalingai Saudara mabbicara paimeng passalenna gau'éwé.”

ROMA 16:17

Saudara-saudara! Uwéllauwi sibawa masero: atike'ko lao risining tau iya paompoé assisalang sibawa pakacauwi atepperenna tauwé lao ri Puwangngé. Iyaro gau'é sisalai sibawa aga iya puraé riyappagguruwang lao ri iko. Abélaiwi sining tau makkuwaéro.

1 KORINTUS 10:12

Tau masengngéngngi aléta tettong masse, sitinajai matutu; aja' narapii menrung.

1 KORINTUS 8:9

Iyakiya, atike'ko! Aja' narapii kajajiyang makkedaé tau laingngé madosa – nasaba dé'pa namatedde atepperenna – nasaba laluwasai Saudara pogau'i agi-agi.

2 KORINTUS 10:5

sibawa leppoi sining bénténg atempongeng iya napatettongngé untu' méwai pangissengengngé passalenna Allataala. Ritawangngi pikkiranna sining tauwé sibawa mébbui mennang tunru' lao ri Kristus.

GALATIA 1:14

Ri laleng pajoppai agama Yahudié, upakacauriwi maégangngéngngi tau Yahudi iya uwéwaé sippangka. Masumange' senna'ka ri laleng gau'-gau' passalenna ade'na néné-nénéta.

GALATIA 4:3

Makkuwatoro sibawa idi: Riwettu dé'napa taballéré, ripowataki ri roh-roh iya makuwasaiyéngngi linoéwé.

GALATIA 4:9

Iyakiya makkekkuwangngé muwissenni Allataala, iyaré'ga lebbi coco'i, Allataala missekko. Na magi mumaélo lisusi ri roh-roh linoéwé, iya malemmaé sibawa kasiyasié? Magi mumaélo ripowatasi ri roh-roh-éro?

GALATIA 5:15

Iyakiya rékko sisulléko sikarebbé-karebbé, jaga-jagako, pada ancuru'ko matu.

EFESUS 2:2

Iyaro wettué muwaccowériwi sining abiyasanna linoéwé; bettuwanna matinuluko lao ri panguwasana langi marajaé iyanaritu roh iya makuwasaiyéngngi makkekkuwangngé atinna sining tau iya dé'é namatinulu lao ri Allataala.

EFESUS 4:20

Iyakiya Kristus Yésus iya muwissengngé dé' nakkuwaro!

EFESUS 5:6

Aja' muribellé ri assipabbicara-bicarang iya kosongngé. Saba' gau'-gau'énna ritu iya paompoéngngi caina Allataala lao risining tau iya dé'é namatinulu ri Aléna.

ULANGENG 6:12

jagaiwi madécéd-décéng kuwammengngi aja' muwallupaiwi Puwang iya puraé paleppe'ko polé ri Maséré, onrommu ripowata.

FILIPI 3:2

Atike'ko lao risining tau iya pogau'éngngi iya majaé, iyaro sining tauwé sipato'i riteppu ‘asu.’ Nadessa'i mennang sining tauwé kuwammengngi narisunna.

KOLOSE 2:18

Aja' muleppessangngi alému riparogi ri tau iya majjaiyéngngi pakariyawai aléna sibawa iya massompaé malaéka'-malaéka'. Iyaro tauwé matempoi sibawa sining pikkiranna iya linoémmi bawang enrengngé mammingki-mingkikengngi sining pakkitang dé'é padanna,

KOLOSE 2:20

Purani matéko silaong Kristus, sibawa purani ripaleppe polé ri roh-roh iya makuwasaiyéngngi alangngé. Nah, magi namutuwo pada-pada tau iya rikuwasaiyé mupa ri linoéwé? Magi saudara natunru lao ri peraturang-peraturang pada-padaéwé,

KOLOSE 2:22

Sininna iyaro peraturangngé iyanaritu passalenna gau'-gau' makkuwaéro iya ripakéénna dé'na nakkégunana. Iyaro banna peraturang-peraturang sibawa pappagguruwang-pappagguruwang iya naébbué tolinoé.

KOLOSE 2:23

Mémeng paitai iyaro gau'é makessingngi, sibawa pappétangngana kuwammengngi tauwé nasompai malaéka'é, pakariyawai aléna enrengngé sissai aléna; iyakiya iya manennaro dé' nakkéguna untu' makuwasaiwi napessunna tolinoé.

1 TIMOTIUS 6:20

Aga iya puraé ripaddettangekko, jagaiwi iyaro madécéd-décéng, Timotius! Abélaiwi sining assipabbicarang iya dé'é nakkéguna sibawa sining addebbakengngé passalenna gau'-gau' iya secara kalirué riyasengngi “Pangissengeng”.

2 TIMOTIUS 3:13

sedangkang sining tau iya majaé sibawa sining pabengnguwangngé pédé' majai matu. Nabengnguwangngi mennang tau laingngé padahal ribengnguwang towi mennang.

IBRANI 13:9

Aja' muleppessangngi sininna rupanna pappagguruwang makalallaingngé iya papusaékko. Harusu'i ripéwatangi atitta ri akessingeng atinna Allataala, iyanaro makessing; aja' napolé risining peraturangngé passalenna inanré. Sining tau iya matinuluriyéngngi riyolo sining peraturangngéro dé' nalolongengngi appalanna.

IBRANI 3:12

Saudara-saudara, atutuko aja' lalo naengka ri yelle'mu séddi tau iya maja makkuwaéro atinna enrengngé dé' namateppe', angkanna balé'i sibawa mabélaiwi Allataala iya tuwoé!

1 PETRUS 1:18

Muwisseng aga iya puraé nakkamajareng untu' paleppe'ko polé ri atuwong iya siya-siyaé iya nappammanarengngé néné-nénému. Pakkamajana tenniya séuwa iya weddingngé masolang pada-pada péra'é iyaré'ga ulawengngé,

2 PETRUS 3:17

Iyakiya iko, Saudara-saudara iya upojiyé, muwissenni passalenna gau'éro. Rimakkuwannanaro, atike'no, aja' narapiko ritiwi ri laleng apusanna sining tau maja ampé angkammu sempé' polé ri onrong akkellaremmu iya matedde'é.

2 YOHANES 1:8

Rimakkuwannanaro, jagaiwi aja' narapiko ateddéngeng aga iya puraé riusahangekko: Usahano kuwammengngi mutarima manengngi.