KOLOSE 2:7 - KITTA KAREBA MADECENG

⁷ enrengngé makkure' ri laleng Aléna. Sitinajako patettongngi atuwonna na Kristus selaku pallapi'na. Sitinajako pédé mateppe' lao ri Yésus Kristus manuru aga iya puraé ripagguruwangngékko. Nasitinajai atimmu luwang sibawa pattarima kasi.

KOLOSE 2:7 ပူးပေါင်းရင်းမြစ်များ

MAZMUR 1:3

Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

MAZMUR 92:13

Tau malempué cura'i pada-pada pong karomaé, sibawa tuwo macommo pada-pada pong camaraé ri Libanon.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

YEREMIA 17:8

Pada-pada pong ajué ri wiring salo massolo'é; makkalolo ure'na lettu ri uwai. Dé' namétau wettu timoé, tuli manyilai daud-daunna. Namuni nakennai timo wanuwaé, dé' namausé saba' tuli powassélé'i buwa.

LUKAS 6:48

Pada-padai tau iya wettunnaé mappatettong bola iya kaliyéngngi maliyung, nainappa naébbu pandaménna ri batué. Wettunna polé lémpe'é sibawa uwai saloé mappo'i iyaro bolaé, dé' naulléi pakédoi iyaro bolaé, saba' purai ripatettong ri yasé'na pandaméng iya makessingngé.

ROMA 16:25

Ripojiwi Allataala! Makuwasai péwatangiwi atepperenna Saudara situru Karéba Madécéng polé ri Allataala iya uwabbirittangngé passalenna Yésus Kristus. Uwabbirittangngi iyaro karébaé situru sibawa aga iya napannessaé Allataala; iyanaritu rancanana Allataala iya maddatu-datu taungngénna ittana dé' naissengngi tauwé.

1 KORINTUS 1:8

Aléna matu Kristus tanggukko lettu ri accappurenna; kuwammengngi ri wettunna polé paimeng, ripoléiko matu temmakkécella.

1 KORINTUS 15:58

Rimakkuwannanaro, Saudara-saudara iya uwamaséiyé, sitinajako mawatang sibawa makkamasé. Ajjamani' matteru untu' Puwangngé sibawa mattonget-tongeng, saba' muwissenni makkedaé sininna iya mupogau'é untu' Puwangngé, dé' nasiya-siya matu.

2 KORINTUS 1:21

Aléna muto Allataala mébbuki sibawa Saudara masse masséddi sibawa Kristus; Iyanaritu piléki banna untu' Aléna.

EFESUS 3:17

Tennapodo nasaba mateppe'ko ri Kristus, monroi Kristus ri laleng atimmu, sibawa atuwommu rilapiriwi enrengngé rikuwasaiwi ri pammasé.

EFESUS 4:21

Purani muwéngkalinga passalenna Aléna! Na selaku sining tau maccowériyéngngi, pura tono ripagguru passalenna sipa-sipa'na Allataala iya engkaé ri Aléna!

EFESUS 5:20

Tuli sibawa passalenna muwi aga, sitinajako mattarima kasi lao ri Allataala Ambo'é ri laleng asenna Yésus Kristus Puwatta.

KOLOSE 1:23

Iyakiya tentu harusu'ko tette' matinulu mateppe' sibawa tettong masse ri atepperemmu. Aja' narapii muleppessangngi amménasang iya puraé riwérékko wettunna mutarima Karéba Madécéng polé ri Allataala. Iyaro karébaé purani riyabbirittang lao ri tungke' tau ri sininna linoé. Na untu' iyanaro iyya, Paulus, namancaji pattumani.

KOLOSE 3:17

Sininna aga iya mupogau'é iyaré'ga mupowadaé, harusu'i iyaro ripogau' sibawa ripowada untu' asenna Puwang Yésus. Sukkuru' lao ri Allataala Ambo'é untu' aga iya napogau'é Yésus lao ri iko.

1 TESALONIKA 5:18

Ri laleng sininna keadaangngé sitinajako sukkuru', saba' iyanaro naélori Allataala polé ri iko selaku tau iya tuwoé masséddi sibawa Kristus Yésus.

IBRANI 13:15

Rimakkuwannanaro, naolai Yésus, sitinajaki tuli pojiwi Allataala; iyaro sinrupai akkarobangeng sukkuru'ta ri Aléna iya riyakkasuwiyangengngé naolai napowadaé témué untu' pakalebbii asen-Na.

IBRANI 13:9

Aja' muleppessangngi sininna rupanna pappagguruwang makalallaingngé iya papusaékko. Harusu'i ripéwatangi atitta ri akessingeng atinna Allataala, iyanaro makessing; aja' napolé risining peraturangngé passalenna inanré. Sining tau iya matinuluriyéngngi riyolo sining peraturangngéro dé' nalolongengngi appalanna.

1 PETRUS 5:10

Iyakiya puramuna manrasa-rasa cinampe', aléna Allataala mébbuko matu mancaji sukku. Napatettokko matu sibawa napéwatangiko enrengngé napakkasse'ko. Saba' Aléna iyanaritu Allataala iya makessing ati senna'é, iya puraé mobbiko untu' turu' pérasaiwi arajan-Na iya mannennungengngé naolai Kristus.

YUDAS 1:12

Wettummu pakangka pésta manré, kédo-kédona iyaro sining tauwé napéjariwi pappéneddingngé ri yelle'mu. Saba' manréi mennang sibawa mabuwaja temmasiri, enrengngé banna aléna bawang naéngngerang. Pada-padai mennang ritu ellungngé iya nairié anging, iyakiya dé' napateppa bosi. Pada-pada towi aju-kajungngé iya dé'é napowassélé' buwa namuni wettu buwa-buwani; sining pong ngaju iya puraé ribébbu ure'na sibawa maté sisenni.

YUDAS 1:20

Iyakiya iko, Saudara-saudaraku, mupiyarai matteru atuwommu situru teppe'mu lao ri Yésus Kristus, iyaro teppe'mu mapaccing senna'. Namuwassempajatto sibawa akuwasanna Rohna Allataala,

YUDAS 1:24

Allataala, iya mulléngngi jagaiwi kuwammengngi nadé' musempé, sibawa mulléngngi tiwiko lao ri yolo-Na iya malebbié sibawa mariyo-riyo temmakkécella.