KOLOSE 2:6 - KITTA KAREBA MADECENG

⁶ Pura natarimani Saudara-saudara Kristus Yésus selaku Puwang. Rimakkuwannanaro sitinajako masséddi sibawa Aléna,

KOLOSE 2:6 ပူးပေါင်းရင်းမြစ်များ

YESAYA 2:5

Eh, wija-wijanna Yakub, laono mai tajoppa ri laleng tajanna Puwangnge!

MIKHA 4:2

makkeda manengngi matu mennang, “Laono mai taénré ri bulu-buluna Puwangnge ri Bolana Allataalana Israélié! Nappagguruwangngi matu lao ri idi aga iya harusu'é tapogau'. Taccowériwi matu lalen-Na saba' pappagguruwanna Puwangnge poléi ri Yérusalém; Aléna mabbicarai polé ri Sion lao ri umma'-Na.”

MATIUS 10:40

“Tau iya tarimaékko, natarima-Ka. Na tau iya tarimaék-Ka, natarimai iya suroék-Ka.

YOHANES 13:20

Tongeng senna' adak-Kué: Niga tarimai tau iya Usuroé, natarima-Ka. Na niga tarima-Ka, natarimai iya suroék-Ka.”

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

2 KORINTUS 5:7

Saba' tuwoki nallalalengi teppe'é lao ri Kristus, natenniya nallalengi aga iya riyullé mita,

GALATIA 2:20

Makkekkuwangngé tenniyana iyya tuwo, iyakiya Kristus iya tuwoé ri laleng aléku. Atuwongngéwé iya uwattemmekiyé makkekkuwangngé iyanaritu tuwo ri laleng teppe' lao ri Ana'na Allataala iya mamaséiyékka sibawa iya puraé makkarobangngi Aléna untu' iyya.

GALATIA 3:26

Nasaba mateppe'ko ri Kristus Yésus, namumasséddi sibawa aléna; narimakkuwannanaro mancajiko ana'-ana'na Allataala.

EFESUS 4:1

Iyanaro saba'na iyya – séddiwi tahanang, iya ritahangngé nasaba tumaningiwi Puwangngé – méllauwi sibawa masero ri iko: tuwono situru tudangemmu selaku tau iya puraé riyobbi ri Allataala.

FILIPI 1:27

Iya pentingngé iyanaritu makkedaé tuwoko situru aga iya natuntu'é Karéba Madécéng passalenna iyaro Kristus. Rimakkuwannanaro, wedding mupaga siruntu'ka iko iyaré'ga dé', uwéngkalingai matu makkedaé masse'ko masséddi enrengngé massibawa méwa untu' banna séddi akkatta sibawa séddi pangéloreng; iyanaritu untu' ateppereng iya sicoco'é sibawa Karéba Madécéng polé ri Allataalaro.

KOLOSE 1:10

Nanallalengiwi muwulléi tuwo situru élona Allataala, sibawa tuli pésennangiwi atin-Na, angkanna ri laleng sininna séuwa-séuwaé muwulléi powassélé' gau'-gau' iya makessingngé. Sibawa pangissengemmu passalenna Allataala tattamba towi matu.

KOLOSE 3:17

Sininna aga iya mupogau'é iyaré'ga mupowadaé, harusu'i iyaro ripogau' sibawa ripowada untu' asenna Puwang Yésus. Sukkuru' lao ri Allataala Ambo'é untu' aga iya napogau'é Yésus lao ri iko.

1 TESALONIKA 4:1

Paccappurenna saudara-saudara, purani mpérékko conto passalenna pékkugi harusu'ko tuwo untu' pésennangiwi atinna Allataala. Mémeng tuwono pada-padaéro. Iyakiya makkekkuwangngé nasaba akuwasanna Puwang Yésus, riyéllauwi sibawa masero ri iko enrengngé maddessa kuwammengngi nalebbi makkuragasiko ri laleng gau'éro!

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

1 YOHANES 2:6

Nigi-nigi makkeda makkedaé tuwoi masséddi sibawa Allataala, tentu cara atuwonna harusu'i pada-pada Kristus.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.

YUDAS 1:3

Saudara-saudara iya upojiyé! Tonget-tongekka makkatta moki sure' lao ri iko passalenna asalamakeng iya pada puraé tapéneddingi. Iyakiya makkekkuwangngé marasa parelluka untu' pangajariko sibawa iyaé sure'é kuwammengngi mumatteru méwa untu' ateppereng iya wékkasisengngénna nabbéréyang Allataala untu' mannennungeng lao ri umma'-Na.