KOLOSE 2:5 - KITTA KAREBA MADECENG

⁵ Nasaba muni mabélaka polé ri iko, angga'ka engka ri yelle'mu. Sibawa marennuka mitako massiati enrengngé masse mateppe' lao ri Kristus.

KOLOSE 2:5 ပူးပေါင်းရင်းမြစ်များ

2 TAWARIKH 29:35

Ri lainnaé akkarobangeng ritunué, sining imangngé makkasuwiyangeng towi lunra polé ri akkarobangeng sukkuru'é iya nanré ra'ya'é. Makkasuwiyangeng towi mennang anggoro iya ritiri'é silaong akkarobangeng ritunuéro. Makkuwaniro assompangngé ri Bolana Puwangnge ripakangkasi.

MAZMUR 78:37

Dé' mennang namatinulu lao ri Aléna sibawa dé' nakkatenning ri assijancin-Na.

MAZMUR 78:8

kuwammengngi mennang dé' napada néné-nénéna iya pojiyéngngi maronta sibawa madoraka; abbatireng iya kaléwa'-léwa'é teppe'na, sibawa dé' namatinulu lao ri Allataala.

ABBILANGENG 7:11

makkedai Puwangnge lao ri Musa, “Powadangngi mennang makkedaé tungke' esso ri laleng seppulo duwa essona séddié tau ri yelle'na sining pamimpingngéro harusu'i makkasuwiyangengngi akkarobangenna untu' upacara rirésmikanna mézbaé.”

RIWAYA'NA RASUL-RASUL-E 2:42

Namatinuluna mennang magguru matteru ri rasul-rasul-é sibawa tuli silaongngi maddeppungeng. Sisamai mennang manré enrengngé massempajang massibawa.

RIWAYA'NA RASUL-RASUL-E 20:21

Muwi lao risining tau Yahudié muwi lao risining tau bangsa laingngé tuli mabbéréka papparéngngerang kuwammengngi natoba' mennang polé ri dosa-dosana sibawa lao ri Allataala, enrengngé mateppe' ri Puwang Yésus.

1 KORINTUS 11:34

Rékko engka malupu, harusu'i manré riyolo' ri bolaé. Rékko mupuriatiwi gau'éro, addeppu-deppungeng assompammu dé' napapolé pahukkungeng polé ri Allataala ri yasé'na alému. Passalenna masaala-masaala iya laingngé, upakatajappi matu lao ri iko, rékko poléka matti.

1 KORINTUS 14:40

Iyakiya iya manenna harusu'i ripogau' sibawa makessing enrengngé taratoro'.

1 KORINTUS 15:58

Rimakkuwannanaro, Saudara-saudara iya uwamaséiyé, sitinajako mawatang sibawa makkamasé. Ajjamani' matteru untu' Puwangngé sibawa mattonget-tongeng, saba' muwissenni makkedaé sininna iya mupogau'é untu' Puwangngé, dé' nasiya-siya matu.

1 KORINTUS 16:13

Sitinajako matike' sibawa masse ri laleng atuwommu selaku tau Kristéng. Tinda'no sibawa barani enrengngé ancajino mawatang.

KOLOSE 2:1

Macinnaka muwissengngi pékkugi serona méwaka ri laleng batékku untu' iko sibawa untu' mennang iya engkaé ri Laodikia enrengngé sininna iya dé'é naissekka secara paribadi.

1 TESALONIKA 2:17

Iyakiya Saudara-saudara, sipongetta massarang polé ri iko ri laleng wettu dé'é namaitta – massarang ri mataé iyakiya ri atié dé' – pédé' muddaniki lao ri iko sibawa makkuraga tonget-tongeng untu' siruntu'si sibawa iko!

1 TESALONIKA 3:8

angkanna makkekkuwangngé marasaki tonget-tongeng tuwo, assaleng tette'ko tettong masse, masséddi sibawa Puwangngé.

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

IBRANI 6:19

Iyaro paddennuwatta pada-padai balangoé iya malamung senna'é tattaneng sibawa sinrupai akkatenningeng iya masse'é sibawa amangngé lao ri atuwotta. Iyaro paddennuwangngé nabettui kaing paddenrinna Bili' Pommapaccingngé ri Bolana Puwangngé ri surugaé.

1 PETRUS 5:9

Ewai sibawa teppe' iya masse'é, saba' muwissengngi makkedaé tau Kristéng laingngé ri sininna linoé manrasa-rasa towi pada-pada iko.

RUT 1:18

Naitani Naomi makkedaé mattedde'i Rut untu' maccowé, jaji, dé'na nakkeda aga-agana.