KOLOSE 2:3 - KITTA KAREBA MADECENG

³ Kristus ritu timpa'i sininna apanrénna enrengngé pangissengenna Allataala iya tassubbué riyolo.

KOLOSE 2:3 ပူးပေါင်းရင်းမြစ်များ

1 ARUNG-NGARUNG 3:28

Wettunna naéngkalinga bangsa Israélié passalenna apettunna Salomo ri laleng parakaraéro, bengngani mennang sibawa pakalebbii. Saba' manessani makkedaé Allataala pura mpéréngngi pangissengeng untu' kédo adélé.

AYUB 28:21

Dé'gaga mahlu' tuwo iya puraé mitai, mala manu'-manu'é ri bitaraé dé' naitai.

AMSAL 2:4

Sappai iyaro pada-pada sappaé ulaweng, sibawa lellungngi iyaro pada-pada lellungngé waramparang iya tallemme'é.

YESAYA 11:2

Akuwasanna Puwangnge pimpingngi matu, pancajiwi engka akkalenna sibawa mapanré, macca mala apettung sibawa pogau'i; missengngi élona Allataala sibawa métau ri Aléna.

YESAYA 40:14

Kégai makkutana Puwangnge kuwammengngi nalolongeng pangissengeng sibawa pappéjeppu? Niga mpéréngngi panunju untu' tinda sibawa teppa?

MATIUS 10:26

“Aja' mumétau ri tolinoé. Dé' gaga tassubbu iya dé'é napaita matu, sibawa dé' gaga iya rirahasiyakangngé iya dé'é naribongkara' matu.

LUKAS 11:49

Iyanaro saba'na nakkeda Apanrénna Allataala, ‘Maélo-Ka kiring lao ri mennang nabi-nabi sibawa sining suro-Ku; sibagiyang nauno matu sibawa sibagiyang nacalla!’

ROMA 11:33

Masero senna' asugirenna Allataala! Battowa tongeng apanréngen-Na sibawa pangissengen-Na! Nigana mulléi salidikiwi sining apettun-Na? Nigana mulléi majeppuiwi cara-carana majjama?

1 KORINTUS 1:24

Iyakiya lao risining tau iya puraénna riyobbi ri Allataala – muwi tau Yahudi iyaré'ga tenniya tau Yahudi – iyaro birittaé sinrupai carana Allataala mappaitangngi akuwasan-Na sibawa apanrén-Na.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

EFESUS 1:8

Napogau'i iyaro nasaba Namaséi senna'ki. Na iyaro pammasé purani nabbéréyang lao ri idi sibawa penno apanréng enrengngé pappéjeppu.

KOLOSE 1:19

Aléna Allataala ritu puwéloi kuwammengngi sininna séuwa-séuwaé iya engkaé ri Aléna Allataala, engka towi sibawa sukku ri Aléna Ana'-Na.

KOLOSE 1:28

Kristus ritu iya riyabbirittangngé lao ri tungke' tau. Riparéngngerangiwi sibawa ripagguru manengngi mennang sibawa sininna apanréngngé. Akkattata iyanaritu kuwammengngi na tungke' tau weddingngi ritiwi lao ri Allataala, selaku tau iya déwasaé ri laleng gau'-gau' rohanié, nasaba masséddini sibawa Kristus.

KOLOSE 1:9

Iyanaro saba'na natuli massempajakki untu' iko sipongenna riyéngkalinga passalemmu. Riyéllauwi ri Allataala kuwammengngi Rohna Allataala mpérékko apanréng sibawa pappéjeppu angkanna muwisseng sibawa sukku aga napuwélo Allataala.

KOLOSE 3:16

Sitinajai sining pappagguruwanna Kristus mattemme ri laleng atimmu iya pennoé barakka. Sitinajako sisullé sipagguru sibawa sisullé sipangajari iya kaminang makessingngé. Puwélonni Mazmur-é sibawa poji-pojiyangngé enrengngé élokkélong rohanié; akkélonno untu' Allataala sibawa perasaang sukkuru' ri laleng atimmu.

KOLOSE 3:3

Saba matéko, na atuwommu tassubbui silaong Kristus ri laleng Allataala.

2 PETRUS 1:5

Rimakkuwannanaro, akkuragano tonget-tongeng kuwammengngi mutette mateppe' ri Kristus sibawa iyaro atepperemmu ritumpe'i ri atuwong iya makessingngé. Ri lainnaé atuwong iya makessingngé, parelluko mancaji tau iya engkaé pangissengenna,

WAHYU 2:17

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, Upalaloi matu manréi manna iya tassubbué, sibawa tungke'-tungke' tarimai matu polé ri Iyya séddi batu puté. Ri batuéro tarokii séddi aseng iya barué, iya dé'é naissengngi muwi niga, ri lainnaé tau iya tarimaéngngi.”