KOLOSE 2:2 - KITTA KAREBA MADECENG

² Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto.

KOLOSE 2:2 ပူးပေါင်းရင်းမြစ်များ

1 ARUNG-NGARUNG 3:28

Wettunna naéngkalinga bangsa Israélié passalenna apettunna Salomo ri laleng parakaraéro, bengngani mennang sibawa pakalebbii. Saba' manessani makkedaé Allataala pura mpéréngngi pangissengeng untu' kédo adélé.

MAZMUR 133:1

Elong ziyarana Daud. Temmaka kessinna sibawa sennanna, rékko umma'-Na Allataala tuwoi sipammasé-masé!

YESAYA 32:17

Tungke tau napogau'i matu aga tongengngé, angkanna engka asaléwangeng sibawa atennangeng untu' mannennungeng.

YESAYA 40:1

Makkuwaniyé adanna Allataalamu, “Saléworiwi, saléworiwi bangsa-Ku!

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

YEREMIA 9:24

Niga maélo mabbangka passalenna séuwaé, harusu'i mabbangka makkedaé naissek-Ka sibawa najeppui-Ka; makkedaé naissek-Ka mamasé untu' mannennungeng sibawa Upatettongngi hukkungngé enrengngé adélékengngé ri linoé. Iya manennaro napésennangiwi atik-Ku. Iyya, Puwang, iya powadaéngngi iyaro.”

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 11:27

Nainappa Yésus makkeda, “Sininna séuwa-séuwaé purani nabbéréyang Ambo'é lao ri Iyya. Dé' séddi tau missengngi Ana'é saliwenna Ambo'é. Dé'to gaga missengngi Ambo'é saliwenna Ana'é sibawa lao risining tau iya Ana'é pura napaissengi passalenna Ambo'é.

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

LUKAS 1:1

Téofilus iya makessing atié, Maégani tau makkuraga mokii sibawa taratoro' passalenna kajajiyang-kajajiyang iya puraé kajajiyang ri tengnga-tengngata.

YOHANES 10:30

Iyya sibawa Ambo'é iyanaritu séddimi.”

YOHANES 10:38

Iyakiya nasaba Upogau'i, ateppe'no aga iya Upogau'éro, namuni dé' mumaélo mateppe' ri Iyya. Narimakkuwannanaro muwissengngi sibawa mupahangngi makkedaé Ambo'é tette'i masséddi sibawa Iyya, sibawa Iyya tette masséddi sibawa Ambo'é.”

YOHANES 16:15

Sininna engkaé ri Ambo'é iyanaritu appunnangekku. Iyanaro saba'na Uwakkeda makkedaé aga napalettu Roh-é lao ri iko, Natarimai polé ri Iyya.”

YOHANES 17:3

Iyanaé atuwong mannennungengngé; kuwammengngi tauwé naissengngi Ambo'é, séddi-séddinna Allataala iya tongengngé, sibawa missengngi Yésus Kristus iya nasuroé Ambo'é.

YOHANES 5:17

Iyakiya makkedai Yésus lao ri mennang, “Ambo'-Ku majjamai matteru-teru lettu makkekkuwangngé, na Iyya majjamato.”

YOHANES 5:23

Napogau'i Ambo'é iyaro kuwammengngi nasininna tauwé pakalebbii Ana'é pada-pada mennang pakalebbii Ambo'é. Tau iya dé'é napakalebbii Ana'é dé'to napakalebbii Ambo'é iya suroéngngi Ana'é.

YOHANES 6:69

Mateppe'ni sibawa riyesserinna makkedaé Puwangngé ritu suro mapaccing polé ri Allataala.”

RIWAYA'NA RASUL-RASUL-E 4:32

Sininna tau iya mateppe'énnaro tuwoi masséddi ati sibawa sinyawa. Dé' séddi tau polé ri mennang mangga'i makkedaé aga nappunnai iyanaritu appunnangeng aléna. Sininna engkaé ri aléna, napakéi mennang massibawa.

ROMA 15:13

Allataala iyanaritu onronna Saudara mamménasa. Tennapodo nalisekiwi atimmu sibawa sininna ariyo-riyongngé sibawa asaléwangengngé nasaba mateppe'ko ri Aléna, kuwammengngi nasaba akuwasanna Rohna Allataala pédé' mamménasako lao ri Allataala.

ROMA 16:25

Ripojiwi Allataala! Makuwasai péwatangiwi atepperenna Saudara situru Karéba Madécéng polé ri Allataala iya uwabbirittangngé passalenna Yésus Kristus. Uwabbirittangngi iyaro karébaé situru sibawa aga iya napannessaé Allataala; iyanaritu rancanana Allataala iya maddatu-datu taungngénna ittana dé' naissengngi tauwé.

ROMA 2:4

Iyaré'ga mupandang énténgngi asémpowanna Allataala sibawa asagénang atinna enrengngé asabbaraken-Na iya makkuwaéro loppona? Pasti muwisseng makkedaé Allataala mappaitangngi akessingeng atin-Na nasaba maéloi kuwammengngi mutoba' polé ri dosa-dosamu.

1 KORINTUS 14:31

Nasibawang cara makkuwaéro, Saudara-saudara iya maneng, tasséddi-séddi, mulléi palettu'i biritta polé ri Allataala; kuwammengngi naiya maneng naulléi tarima pappagguruwang sibawa pédé' mateppe'i.

1 KORINTUS 2:12

Na idi dé' nariwérékki rohna linoéwé, sangadinna Roh polé ri Allataala, kuwammengngi nariisseng maneng iya puraé nabbéréyang Allataala lao ri idi.

GALATIA 3:28

Ri laleng passalengngéwé dé'na naripasilaingeng tau Yahudié sibawa tenniyaé Yahudi, ataé sibawa tau maradéka'é, worowané sibawa makkunraié. Séddi maneng mani Saudara nasaba Kristus Yésus.

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

EFESUS 3:16

Massempajakka tennapodo Allataala iya pommalebbié naéloriwi untu' péwatangiwi batémmu sibawa Roh-Na.

EFESUS 3:3

Nabukkai Allataala rahasiyana rancana-Na nanapowadakka. (Passalenna iyaé purani uwokii riyolo sibawa marippe,

EFESUS 6:22

Iyanaro saba'na usuroi lao ri iko untu' mappaissengengngi keadaatta lao ri iko maneng, kuwammengngi napakaloppoi atimmu.

FILIPI 2:1

Mawatakko, nasaba masséddiko sibawa Kristus. Sibawa tassaléwoko nasaba Kristus mamaséiko! Ripimpikko Saudara ri Rohna Allataala, nasipammasé-masé tokko enrengngé mappunnaiwi paressé babuwa séddié lao ri laingngé.

FILIPI 3:8

Tenniya bawang gau'-gau'éro; iyakiya mala sininna séuwa-séuwaé uwangga'i selaku gau'-gau' iya mapparogiyé bawang. Iya uwappunnaiyé makkekkuwangngéwé iyanaritu lebbi mangke'i: iyanaritu missengngi Yésus Kristus, Puwakku. Nasaba Kristus, uleppessanni sini-sininnaé. Uwangga' manengngiro selaku warowo bawang, kuwammengngi weddingngi ulolongeng Kristus,

KOLOSE 1:26

iyanaritu biritta iya maddatu-datué taung labe'é rirahasiyakang ri Allataala lao ri sininna tauwé, iyakiya makkekkuwangngé ripannessai lao ri umma'-Na.

KOLOSE 1:27

Lao ri umma'-Naro maéloi Allataala pannessai pékkugi kessinna sibawa rajanna rahasiya-Naro untu' sininna rupa tauwé. Iyaro rahasiyaé iyanaritu: Engkai Kristus ri laleng alému, bettuwanna maccowéko matu péneddingiwi arajanna Allataala.

KOLOSE 1:9

Iyanaro saba'na natuli massempajakki untu' iko sipongenna riyéngkalinga passalemmu. Riyéllauwi ri Allataala kuwammengngi Rohna Allataala mpérékko apanréng sibawa pappéjeppu angkanna muwisseng sibawa sukku aga napuwélo Allataala.

KOLOSE 2:19

angkanna dé'na nakkatenning ri Kristus iya mancaji ulué. Ri yawa pappimpinna Kristus, sininna tubué ripiyarai enrengngé ripasséddiwi ri padduppa-duppanna, kuwaéttopa mpekke'i situru élona Allataala.

KOLOSE 3:14

Iya kaminang pentingngé iyanaritu: Harusu'ko siyamaséi saba' pammasé ritu passéddi manengngi Saudara-saudara angkanna mancaji sukku.

KOLOSE 4:3

Assempajang tokko untu' idi kuwammengngi nawérékki kasempatang Allataala iya makessingngé untu' mappallebbangengngi biritta passalenna rahasiyana Kristus. Nasaba gau'éro, na uwengka makkekkuwangngé ri laleng tarungkué.

KOLOSE 4:8

Usuroi lao ri iko sibawa alasang kuwammengngi muwissengngi keadaatta sibawa natassaléwoko.

1 TESALONIKA 1:5

Saba' idi palettu'i Karéba Madécéngngé lao ri iko tenniya sibawa ada-ada bawang, iyakiya nasibawatto akuwasang, nasibawang Rohna Allataala. Nasibawang ateppereng makkedaé iyaro Karéba Madécéngngé tongengngi. Muwisseng pékkugiki tuwo untu' apentingemmu wettutta engka ri tengnga-tengngamu.

1 TESALONIKA 3:2

ri wettutta suroi saudarata Timotius. Séddiwi pattumaninna Allataala iya majjamaé sibawa idi untu' mabbirittangngi Karéba Madécéngngé passalenna Kristus. Risuroi Timotius lao ri iko kuwammengngi napéwatangiko sibawa dorokko untu' lebbi mateppe'pa ri Kristus.

1 TESALONIKA 5:14

Riyéllau towi Saudara-saudara, kuwammengngi amparengngi tau iya dé'é namaélo majjama. Pakkasse'i tau iya métaué; tulungngi sining tau iya parellué ritulung, sibawa sabbara'ko lao ri sininna tauwé.

1 TIMOTIUS 3:16

Muwi séddi tau dé'to mulléi massakkarengngi, temmaka loppona rahasiyana agamata: Nappaitangngi aléna ri laleng rupa tolinoé, sibawa ripannessa tongeng ri Rohna Allataala, enrengngé naita sining malaéka'é. Karébanna ripamengngoi ri yelle'na bangsa-bangsaé, sibawa riyatepperi ri sininna linoé sibawa riyakka ménré ri surugaé.

IBRANI 10:22

Rimakkuwannanaro, laono mai taddeppériwi Allataala sibawa ati iya matinulué enrengngé teppe' iya mattinettoé; sibawa ati iya puraé ripépaccingi polé ri pappénedding pasalaé, sibawa watakkalé iya puraé ripépaccingi sibawa uwai iya mapaccingngé.

IBRANI 6:11

Macinna senna'i kuwammengngi na mutungke-tungke matteru masumange' lettu paccappureng, angkanna mutarima aga iya muwamménasaiéro.

2 PETRUS 1:10

Rimakkuwannanaro, Saudara-saudara, akkuragano lebbi rejjing kuwammengngi pangobbina Allataala sibawa pappilé-Na ri ikoro mancajiwi pédé' masse. Rékko mupogau'i iyaro, dé' matu musalai atepperemmu.

2 PETRUS 1:3

Purani napaké Allataala kuwasa ilahin-Na untu' mpérékki sininna séuwa-séuwaé iya riyapparellungngé untu' mulléi tuwo massompa. Naolai aga iya riissengngé passalenna Yésus Kristus iya puraé mobbiki untu' péneddingiwi arajan-Na sibawa akessingen-Na.

2 PETRUS 3:18

Sitinajako pédé' mupérasa pammaséna Yésus Kristus, Puwang sibawa Arung Pappassalama'ta, sibawa sitinaja tokko pédé' missengngi Aléna. Ripojiwi Aléna, makkekkuwangngé sibawa lettu mannennungeng! Aming. Salama, Pétrus

1 YOHANES 3:19

Pékkugiwi carata missengngi makkedaé muttama'ki ana'-ana'na Allataala iya tongengngé, naweddingngi tennang atitta ri yolona Allataala.

1 YOHANES 5:7

Engka tellu sabbi: