KOLOSE 2:17 - KITTA KAREBA MADECENG

¹⁷ Iya manennaro banna wajo-wajona bawang polé ri gau'-gau iya maéloé polé, iyakiya annessana iyaro gau'-gau'é iyanaritu Kristus!

KOLOSE 2:17 ပူးပေါင်းရင်းမြစ်များ

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

IBRANI 10:1

Hukkunna agama Yahudié banna mabbéréi gambara iya massalawué passalenna gau'-gau' makessingngé iya mangoloé, na tenniya gambara iya tongengngé polé ri gau'-gau'éro. Dé' nakkullé rékko iyaro passukkui tau iya polé sompai Allataala sibawa tiwi pakkasuwiyang, namuni taut-taung matteru-terui makkasuwiyangeng akkarobangeng iya padaé.

IBRANI 8:5

Jama-jamang iya napogau'é mennang selaku imanro sitongenna banna séddi gambara sibawa wajo-wajo polé ri aga iya engkaé ri surugaé. Iyaro purani nappaddissengeng Allataala lao ri Musa riyolo, wettunna Musa maélo patettongngi Kémana Puwangngé. Makkeda makkuwaiyé Allataala lao ri Musa, “Engngerangngi! Iya manennaro harusu'i uwébbu situru conto iya napaitangngékko ri yasé'na bulué.”

IBRANI 9:9

Iyaé pulambangngi wettu makkekkuwangngé; bettuwanna makkedaé sining pakkasuwiyangngé sibawa sining akkarobangeng olokolo'é iya riyakkasuwiyangengngé lao ri Allataala, dé' naulléi passukkui ati marilalenna tauwé iya tiwiéngngi pakkasuwiyangngé.