KOLOSE 2:13 - KITTA KAREBA MADECENG

¹³ Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,

KOLOSE 2:13 ပူးပေါင်းရင်းမြစ်များ

MAZMUR 119:50

Iyanaé saléworika ri laleng anrasa-rasakku, makkedaé iyaro jancim-Mu nawérékka atuwong.

MAZMUR 32:1

Mazmurna Daud. Elong pappagguruwang. Masennangngi tau iya riyaddampengengngé dosana, sibawa riyaddampengengngé asalanna.

MAZMUR 71:20

Muwérékka maéga anrasa-rasang iya matane'é, iyakiya Mupalisui matu awatangekku sibawa paoto'ka polé ri kuburu'é.

YESAYA 1:18

Makkedai Puwangnge, “Laono mai tapuraiwi iyaé parakaraé. Namuni malango-langoko nasaba dosa-dosamu, Ubissaiko matu mancaji maputé mapaccing pada-pada ape'é. Namuni maégai dosa-dosamu sibawa matane, Uwaddampengekko matu sibawa sukku.

YESAYA 55:7

Sitinajai tau majaé pédécéngiwi atuwonna, sibawa pinrai cara mappikkiri'na. Leppessangngi lisu ri Puwangnge, kuwammengngi nalolongeng paressé babuwa-Na. Sitinajai giling lao ri Allataalata, saba' maddampengngi Puwangnge sibawa makacuwa.

YEREMIA 31:34

Dé' naparelluna séddi polé ri mennang paggurui pada-padanna untu' missengngi Puwangnge. Saba' sininna mennang, baiccu battowa, naissek-Ka matu. Sining asalanna mennang Uwallupaiwi matu, dosa-dosana mennang Uwaddampengengngi matu. Iyya, Puwang, pura mabbicara.”

LUKAS 15:24

Saba' iyaé ana'ku maténi, namakkekkuwangngé tuwosi; teddénni, namakkekkuwangngé rilolongenni paimeng.’ Nappammulana mennang mappésta.

LUKAS 15:32

Iyakiya harusu'ka mappésta sibawa mariyo-riyo, saba' iyaro anrimmu maténi, iyakiya makkekkuwangngé tuwoi paimeng, teddénni, iyakiya makkekkuwangngé rilolongenni paimeng.’ ”

LUKAS 9:60

Nappébali Yésus, “Leppessangngi siya tau maté kuburu'i taunna maté. Iyakiya iko laono namuwappallebbangengngi karébaé makkedaé mappammulani Allataala mapparénta.”

YOHANES 5:21

Iyaro Ambo'é napaoto'i tau maté, sibawa nawéréngngi mennang atuwong tongengngé sibawa mannennungengngé; makkuwatoro Ana'é Nabbéréyangngi atuwong mannennungengngé lao ri tau iya maéloé nawéréng atuwong.

YOHANES 6:63

Iya patuwoéngngi rupatauwé iyanaritu Rohna Allataala. Awatangenna rupa tauwé dé'gaga gunana. Ada-ada iya Upalettukengngékkoé iyanaritu ada-adanna Rohna Allataala iyanaritu ada-ada iya mabbéré atuwong.

ROMA 4:17

Saba' makkeda makkuwaiyé Allataala lao ri Abraham, “Purano upancaji ambo' untu' maéga bangsa.” Makkuwaniro Allataala mabbéréyangngi iyaro jancié lao ri Abraham. Namateppe'i Abraham lao ri Aléna. Aléna ritu Allataala iya patuwoéngngi tau maté; Alénato Allataala iya makkedaé bawang nanaébbui aga iya dé'é naengka mancaji engka.

ROMA 6:13

Aja'to muwabbéréyangngi anggota tubummu lao ri akuwasanna dosaé untu' riyakkégunang lao ri akkatta-akkatta majaé. Iyakiya abbéréyangngi alému lao ri Allataala selaku sining tau iya puraé ripalétté polé ri amaténgngé lao ri atuwongngé. Abbéréyang manengngi alému lao ri Allataala kuwammengngi nariyakkégunang untu' élona Allataala.

ROMA 8:11

Rékko Rohna Allataala, iya patuwoéngngi Kristus polé ri amaténgngé, tuwoi ri laleng alému, tentu iya patuwoéngngi Kristus polé ri amaténgngéro, patuwo towi matu watakkalému iya weddingngéro maté. Napogau'i iyaro sibawa Roh-Na iya tuwoé ri lalemmu.

1 KORINTUS 15:36

Donggo paha! Rékko tanengngi Saudara biné ri laleng tanaé, iyaro biné dé' namaélo tuwo, rékko iyaro biné dé' namaté riyolo.

1 KORINTUS 15:45

Ri laleng Kitta'é engka taroki makkuwaé, “Rupa tau mammulangngé, iyanaritu Adam, mancajiwi mahlu' iya tuwoé,” iyakiya Adam iya poddimonrié iyanaritu Roh iya mabbéré atuwong.

2 KORINTUS 3:6

Aléna ritu mébbuki mulléi mancaji pattumani untu' séuwa assijancingeng iya mabarué; assijancingeng iya taggattungngé ri Rohna Allataala, tenniya ri hukkung iya tarokié. Saba' iyaro tarokié tiwii amaténg, padahal Rohna Allataala tiwii atuwong.

2 KORINTUS 5:19

Birittatta iyanaritu makkedaé nasibawang pappasisumpunna naolai Kristus, naébbui Allataala tolinoé simadécéngeng paimeng sibawa Aléna. Napogau'i Allataala iyaro sibawa tennatuntu sining asalang iya puraé napogau' tolinoé lao ri Aléna. Pura risuroni ri Allataala untu' mabbirittangngi iyaro karébaé.

EFESUS 2:1

Riyolo matéko secara rohani nasaba madosako sibawa majjalékkaiwi parénta-paréntana Allataala.

EFESUS 2:11

Saudara-saudara tenniyaé tau Yahudi! Engngerangngi keadaammu wettu riyolo: Riteppuko “tau tenrisunna”, ri tau Yahudié iya mangakué risunna (akkattana iya lolongengngénnaé tanrang iya naébbué tolinoé ri tubunna).

EFESUS 5:14

Saba' sininna iya weddingngé riita sibawa manessa, iyanaritu matajangngi. Iyanaro saba'na naripowada, “Oto'no, éh iko matinroé, sibawa tokkonno polé ri amaténgngé! Mattappai matu Kristus ri yasé'na.”

KOLOSE 2:12

Saba' wettunna ricemméko, rikuburu'ko silaong Kristus; nasibawang iyaro acemméngngétto, maccowé tokko ripatuwo paimeng silaong Kristus nasaba mateppe'ko ri akuwasanna Allataala iya puraé patuwoi Kristus polé ri amaténgngé.

1 TIMOTIUS 5:6

Iyakiya janda iya pojiyéngngi tuwo massennas-sennang, maténi namuni tuwo mupi.

1 TIMOTIUS 6:13

Na makkekkuwangngé, ri yolona Allataala iya mabbéré nyawa lao ri sininna séuwa-séuwaé, sibawa ri yolona Kristus Yésus iya mabbéré asabbiyang iya tongengngé lao ri Pontius Pilatus, uwéllauwi iyaé ri iko:

IBRANI 6:1

Rimakkuwannanaro, laono mai aja' banna puriyatiwi poko'-poko' mammulanna pappagguruwatta. Makessingengngi majuki ri pappagguruwang iya lebbi matterué passalenna atuwong Kristéng secara mattanggung jawa'é sibawa aja' tapakkolingngi paimeng pappagguruwang bunge'-bunge'é makkedaé harusu'i tauwé mappésau pogau'i gau'-gau' iya dé'é nakkéguna sibawa harusu mateppe' lao ri Allataala,

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.

YAKOBUS 2:17

Makkuwatoniro sibawa teppe'é, rékko dé' nariyappaitang ri pangkaukengngé, iyaro teppe'é dé'gaga gunana.

YAKOBUS 2:20

Madonggo senna'ko! Parelluga ripabutti ri iko makkedaé dé'gaga akkégunana mappunnai teppe' temmappangkaukeng?

YAKOBUS 2:26

Nah, pékkugi watakkalé iya temmakkéroh-é iyanaritu watakkalé iya maté, makkuwa toniro teppe' temmappangkaukengngé iyanaritu teppe' iya maté.

1 YOHANES 2:12

Uwokii lao ri iko, Ana'-ana', saba' riyaddampengenni dosamu nasaba Kristus.