KOLOSE 2:12 - KITTA KAREBA MADECENG

¹² Saba' wettunna ricemméko, rikuburu'ko silaong Kristus; nasibawang iyaro acemméngngétto, maccowé tokko ripatuwo paimeng silaong Kristus nasaba mateppe'ko ri akuwasanna Allataala iya puraé patuwoi Kristus polé ri amaténgngé.

KOLOSE 2:12 ပူးပေါင်းရင်းမြစ်များ

LUKAS 17:5

Nakkeda sining rasul-é ri Puwangngé, “Puwang, péwatangekki teppe'ta.”

RIWAYA'NA RASUL-RASUL-E 14:27

Wettunna lettu ri Antiokhia, napaddeppungenni mennang sining tau polé ri jema'éro, nainappa nacurita manenni iya puraé napogau' Allataala naolai mennang. Nacurita toni mennang passalenna pékkugi Allataala pura timpa'i lalengngé kuwammengngi sining tau bangsa laingngé iya tenniyaé Yahudi mateppe'i lao ri Yésus.

RIWAYA'NA RASUL-RASUL-E 2:24

Iyakiya Allataala patuwoi paimeng polé ri yelle'na sining tau maté. Riyemme'i ri amaténgngé, iyakiya rileppessangngi ri Allataala, saba' dé' nakkullé rikuwasai matteru ri amaténgngé.

RIWAYA'NA RASUL-RASUL-E 2:32

Yésus iyanaé ripatuwo paimeng polé ri amaténgngé ri Allataala. Idi manengngé pura sabbingngi iyaro gau'é.

ROMA 4:24

iyakiya untu' idi'to. Ritarima tokki matu selaku tau iya puraé sennangi atinna Allataala, nasaba mateppe'ki lao ri Allataala iya patuwoéngngi Yésus, Puwatta, polé ri amaténgngé.

ROMA 7:4

Makkuwatoro gau'na sibawa iko, Saudara-saudara. Lao ri hukkunna agama Yahudié maténo, nasaba pura ripasséddino sibawa tubunna Kristus sibawa mancaji appunnangen-Na iya puraé ripatuwo paimeng polé ri amaténgngé. Ripatuwoi polé ri amaténgngé kuwammengngi tamancaji makkéguna lao ri Allataala ri laleng atuwotta.

1 KORINTUS 12:13

Makkuwatoro idi maneng, muwi tau Yahudi iyaré'ga tau tenniya Yahudié, ata-ata iyaré'ga tau maradéka'; idi maneng purani ricemmé ri Roh iya padaéro, kuwammengngi naripasséddiki ri tubunna Kristusro. Ripéneddingi maneng towi idi iyaro Roh iya séddié sibawa sukku.

1 KORINTUS 15:20

Iyakiya annessana purani ripatuwo paimeng Kristus polé ri amaténgngé. Iyanaé boro'na makkedaé sining tau iya matéénna ripatuwoi matu paimeng.

GALATIA 3:27

Pura manenno ricemmé ri laleng asenna Kristus, jaji purani mutarima ri alému sipa'-sipa'na Kristus.

EFESUS 2:8

Allataala mamaséiko, iyanaro saba'na napassalama'ko nasaba mateppe'ko lao ri Yésus. Iyaro asalamakemmu tenniya wassélé' usahamu muto. Iyaro pammasénai ritu Allataala. Jaji dé'gaga séddi tau mulléi mattempowangngi aléna passalenna gau'éro.

EFESUS 3:17

Tennapodo nasaba mateppe'ko ri Kristus, monroi Kristus ri laleng atimmu, sibawa atuwommu rilapiriwi enrengngé rikuwasaiwi ri pammasé.

EFESUS 3:7

Allataala mpérékka pammasé – iyanaritu jamang – untu' pallebbangngi Karéba Madécéngngéro. Utarimai iyaro pammasé naolai akuwasanna Allataala iya majjamaé ri laleng aléku.

EFESUS 4:5

Banna séddi bawang Puwang, séddi teppe', séddi acemméng,

EFESUS 5:14

Saba' sininna iya weddingngé riita sibawa manessa, iyanaritu matajangngi. Iyanaro saba'na naripowada, “Oto'no, éh iko matinroé, sibawa tokkonno polé ri amaténgngé! Mattappai matu Kristus ri yasé'na.”

FILIPI 1:29

Saba' Allataala pura mabbéré pammasé lao ri iko tenniya banna untu' mateppe' lao ri Kristus, iyakiya manrasa-rasato nasaba Kristus.

KOLOSE 1:29

Untu' lettu ri gau'éro majjama laddé'ka. Uwakkulléyangngi sibawa sininna awatangekku iya nabbéréyangngé Kristus lao ri iyya iya majjamaé ri laleng aléku sibawa penno akuwasang.

KOLOSE 2:13

Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 6:2

iyaré'ga pappagguruwang bunge'-bunge'é passalenna acemméngengngé iyaré'ga passalenna palénne'i limaé ri yasé'na sining tauwé, iyaré'ga passalenna atuwongngé paimeng puranana amaténgngé iyaré'ga pahukkungeng iya mannennungengngé.

1 PETRUS 3:21

Nah, iyaro kajajiyangngé sinrupai ébara'na acemméngngé iya makkekkuwangngéwé passalama'ko. Iyaé acemméngngé tenniya séuwa upacara mappépaccing alé polé ri sininna iya macarépaé, sangadinna sinrupai jancimmu lao ri Allataala polé ri ati marilaleng iya makessingngé. Iyaro acemméngngé napassalama'ko nasaba Yésus Kristus tuwoni paimeng polé ri amaténgngé,