KOLOSE 2:10 - KITTA KAREBA MADECENG

¹⁰ Sibawa nasaba tuwoi masséddi sibawa Kristus, nariwéréng tokko atuwong iya sukkué. Nasaba Kristus iyanaritu kapalana tungke' roh iya makuwasaé sibawa mapparéntaé.

KOLOSE 2:10 ပူးပေါင်းရင်းမြစ်များ

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

YOHANES 1:16

Pennoi pammasé; dé' appésaunna, barakkakiki.

1 KORINTUS 15:24

Purairo kiyame'ni. Iyaro wettué nacaui matu Kristus sininna pamaréntaé, sininna akuwasangngé; sibawa sininna awatangengngé; nainappa nabbéréyang matu akuwasanna selaku arung, lao ri Allataala, Ambo'ta.

EFESUS 3:10

Akkattana Allataala iyanaritu kuwammengngi makkekkuwangngé naolai jema'é, sininna iya makkatenningngé akuwasang ri langié naissengngi apanrénna Allataala ri laleng sininna rupanna bentu'na.

EFESUS 3:19

iya nasibawangngé akkaleng tolino dé' nariyullé majeppuiwi lamunna. Tennapodo muwissengngi iyaro pammaséna Kristus, angkanna pennoko sibawa paribadinna Allataala iya sukkué.

KOLOSE 2:15

Ri salliéro, naébbui Kristus sininna roh-roh iya mapparéntaé sibawa makuwasaé mancaji dé'na pakkullénna. Ripancajiwi mennang akkita-itang ri tau maégaé wettunna Kristus tinrosiwi mennang selaku tawangeng ri laleng barisi' apakalan-Na.

KOLOSE 3:11

Selaku addimonrinna iyaro lennye'i sininna assilaingenna tau Yahudié sibawa tenniyaé Yahudi, tau risunna'é sibawa tau dé'é narisunna, dé'na gaga assilaingenna tau polé-polé sibawa tau dé'é nakkéyampé, ataé sibawa tau maradéka'é, saba' Kristus iyanaritu sini-sininnaé enrengngé masséddiwi sibawa sininna mennang!

IBRANI 5:9

Na puranana ripancaji pappassalama' iya sukkué, mancajiwi assalenna asalamakengngé iya mannennungengngé lao ri sininna tau iya matinulué ri Aléna,

1 PETRUS 3:22

sibawa ménré'ni ri surugaé. Makkekkuwangngé makuwasai silaong Allataala sibawa paréntai sininna malaéka'é, sininna panguwasaé enrengngé sininna awatangengngé.