KOLOSE 1:9 - KITTA KAREBA MADECENG

⁹ Iyanaro saba'na natuli massempajakki untu' iko sipongenna riyéngkalinga passalemmu. Riyéllauwi ri Allataala kuwammengngi Rohna Allataala mpérékko apanréng sibawa pappéjeppu angkanna muwisseng sibawa sukku aga napuwélo Allataala.

KOLOSE 1:9 ပူးပေါင်းရင်းမြစ်များ

MAZMUR 119:99

Pappahakku napakacauriwi pappahanna sining gurukku, nasaba unennun-nennungngi sining parénta-Mu.

MAZMUR 143:10

Pagguruka pogau'i élo-Mu, saba' Iko ritu Allataalaku. Makessing ati-Ko, sibawa mupimpikka matu ri laleng iya malappaé.

YOHANES 7:17

Tau iya maéloé turusiwi élona Allataala, naisseng matu polégi iyaro Uwappagguruwangngé ri Allataala iyaré'ga ri alé-Ku muto.

RIWAYA'NA RASUL-RASUL-E 12:5

Jaji ritahanni Pétrus ri tarungkué, iyakiya anggota-anggota jema'é matteru-terui massempajangengngi Pétrus sibawa tonget-tongeng lao ri Puwangngé.

ROMA 12:2

Aja' muwaccowériwi peraturang-peraturang linoéwé. Leppessanni Allataala mébbui paribadimmu mancaji mabaru, kuwammengngi mutappinra. Rimakkuwannanaro mulléi missengngi élona Allataala – iyanaritu aga iya makessingngé sibawa iya sennangiyéngngi atin-Na sibawa iya sukkué.

1 KORINTUS 1:5

Nasaba mancajiko appunnangenna Kristus, nasugi atuwommu ri laleng sininna gau'é. Pangissengemmu passalenna sininna séuwaé malamung senna', namaccako mappagguruwangngi iyaro pangissengengngé.

EFESUS 1:8

Napogau'i iyaro nasaba Namaséi senna'ki. Na iyaro pammasé purani nabbéréyang lao ri idi sibawa penno apanréng enrengngé pappéjeppu.

EFESUS 5:10

Akkuragano missengngi aga iya sennangiyéngngi atinna Puwangngé.

EFESUS 5:17

Aja' mumadonggo, iyakiya salidikiwi aga iya naéloriyé Puwangngé.

EFESUS 6:6

Aja' mukédo makkuwaro ri wettu rijagaimmu bawang, banna untu' lolongeng pappojiyang tolino. Iyakiya sitinajako pogau'i selaku atanna Kristus iya turusiyéngngi élona Allataala sibawa sissukku ati.

FILIPI 1:4

Sibawa sises-siseng uwassempajangeng manekko, massempajakka sibawa masennang ati.

KOLOSE 1:6

Iyaro karéba polé ri Allataala mallebbanni lao ri sininna linoé sibawa atuwonna tauwé matterui ribarakkaki ri karébaéro, pada-pada muto atuwommu ribarakkakiwi mappammulai wettunna muwéngkalinga passalenna pammaséna Allataala sibawa tonget-tongengngi nattemmekinna.

KOLOSE 3:16

Sitinajai sining pappagguruwanna Kristus mattemme ri laleng atimmu iya pennoé barakka. Sitinajako sisullé sipagguru sibawa sisullé sipangajari iya kaminang makessingngé. Puwélonni Mazmur-é sibawa poji-pojiyangngé enrengngé élokkélong rohanié; akkélonno untu' Allataala sibawa perasaang sukkuru' ri laleng atimmu.

KOLOSE 4:12

Selleng polé ri Epafras. Polé towi ri yelle'mu. Atannai Kristus Yésus, iya tuli massempajangngé sibawa matonget-tongeng untu' iko. Naéllauwi sibawa masero lao ri Allataala kuwammengngi na atepperemmu mancaji mawatangngi sibawa tonget-tongekko déwasa, kuwammengngi sukkuko matinulu lao ri élona Allataala.

KOLOSE 4:5

Ri laleng assisumpungemmu sibawa sining tau iya dé'é namateppe', sitinajako tuwo sibawa mapanré enrengngé pakéi tungke' kasempatangngé sibawa makessing.

1 TESALONIKA 5:17

sibawa tuli massempajang.

2 TESALONIKA 1:11

Iyanaro saba'na na idi tuli massempajangekko. Massempajakki kuwammengngi Allataala pancajiko sitinaja untu' tuwo situru élo-Na, untu' iyanaro mobbiko. Tennapodo Allataala, nasibawang akuwasan-Na, pennoiwi cinna-Na untu' pogau'i madécéngngé, sibawa passukkui sininna jama-jamang iya mupogau'é nasaba mateppe'ko lao ri Kristus.

FILEMON 1:4

Sises-siseng massempajakka, uteppui asenna Saudara sibawa mattarima kasi lao ri Allataala.

FILEMON 1:6

Massempajakka tennapodo assilessuretta selaku tau mateppe' powassélé'i matu pappéjeppu iya lebbi battowaé nasaba sininna barakka iya riyappunnangiyé nasaba masséddiki sibawa Kristus.

IBRANI 10:36

Parelluko sabbara, kuwammengngi naulléi pogau'i élona Allataala nanallalengiro natarimai aga iya riyajjanciyang-Na.

IBRANI 13:21

Tennapodo Allataala assalenna asaléwangengngéro passukkuko sibawa sininna iya makessingngé iya muwapparelluwangngé untu' pogau'i élo-Na. Tennapodo naolai Yésus Kristus, najamai Allataala ri laleng idi, aga iya Nacinnaiyé. Sitinajai Kristus ripoji mannennungeng! Aming.

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

YAKOBUS 3:17

Iyakiya tau iya mappunnaiyé apanréng iya assalenna polé ri yasé', bunge'-bunge'na mapaccingngi, nainappa napoji sidamé, mabessa, sibawa mapato. Pennoi sibawa paressé babuwa powassélé' pangkaukeng-pangkaukeng iya makessingngé. Dé' nakacowé-cowé sibawa dé' nabbonga-bonga.

1 PETRUS 2:15

Saba' maéloi Allataala kuwammengngi nasibawangngi pangkaukemmu iya makessingngé mututu'i témunna tau iya mabbicara madonggoé.

1 PETRUS 4:2

Rimakkuwannanaro, sitinajako tuwo matteru ri linoéwé situru élona Allataala, na tenniya manuru' élona rupa tauwé.

1 YOHANES 2:17

Linoé sibawa sininna séuwa-séuwaé ri lalenna iya nacinnaiyé rupa tauwé, mattengngangngi lennye'. Iyakiya tau iya maccowériyéngngi élona Allataala, tette'i tuwo lettu mannennungeng.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.

1 SAMUEL 12:23

Passalenna aléku, tennapodo aja' narapika madosa lao ri Puwangnge nasaba dé' uwassempajangekko. Sibalé'na matteru tokka matu pagguruwakko gau'-gau' iya makessingngé sibawa tongengngé.