KOLOSE 1:3 - KITTA KAREBA MADECENG

^3-4 Purani riyéngkalinga makkedaé mateppe'ko lao ri Yésus Kristus sibawa muwamaséi manenna umma'na Allataala. Iyanaro saba'na wettutta massempajangekko, tuli mattarima kasi'ki lao ri Allataala, Ambo'na Puwatta Yésus Kristus.

KOLOSE 1:3 ပူးပေါင်းရင်းမြစ်များ

ROMA 15:6

Sibawa massiatiwi Saudara iya maneng massibawa weddingngi pojiwi Allataala, Ambo'na Puwatta Yésus Kristus.

1 KORINTUS 1:4

Tuli mattarima kasi'ka lao ri Allataala passalenna iko, saba' mutarimai pammasé polé ri Allataala naolai Kristus Yésus.

2 KORINTUS 1:3

Ripojiwi Allataala, Ambo'na Puwatta Yésus Kristus. Ambo' iya makessing senna'é atinna, sibawa Allataala iya mabbéré awatangeng baténg lao ri tolinoé.

EFESUS 1:15

Rimakkuwannanaro, sipongenna uwéngkalinga makkedaé mateppe'ko lao ri Puwang Yésus, sibawa muwamaséiwi sininna umma'na Allataala,

EFESUS 6:18

Pogau'i iya manennaro namuwassempajatto untu' méllau pattulung polé ri Allataala. Tungke' kasempatang, assempajakko pékkugi Rohna Allataala pimpikko. Sitinajako tuli sadiya sibawa aja' mumenyara. Tuli assempajakko untu' sininna umma'na Allataala.

FILIPI 4:6

Aja mubata-bata passalenna muwi aga. Ri laleng sininna gau'-gau'é, assempajanno sibawa pangoloni paréllaummu ri Allataala. Aga muwapparelluwang, tuli powadai lao ri Allataala ri laleng mattarima kasi.

KOLOSE 1:13

Puraki napaleppe' polé ri akuwasanna pettangngé sibawa napalétté'ki ri laleng akkarungenna Ana'-Na iya Namaséiyé.

KOLOSE 1:9

Iyanaro saba'na natuli massempajakki untu' iko sipongenna riyéngkalinga passalemmu. Riyéllauwi ri Allataala kuwammengngi Rohna Allataala mpérékko apanréng sibawa pappéjeppu angkanna muwisseng sibawa sukku aga napuwélo Allataala.

1 TESALONIKA 1:2

Tuli sukkuru'ki lao ri Allataala nasaba Saudara maneng. Tungke' massempajakki lao ri Allataala sibawa Ambo'ta tuli riyéngngerakko. Tuli riyassempayangekko. Maréngngerakki pekkugiko mappaitangngi ri laleng pangkaukeng makkedaé mateppe'ko lao ri Kristus, pékkugiko mamaséiwi tau laingngé angkanna tumaningiwi mennang, sibawa pékkugiko maddennuwang masse lao ri Puwatta Yésus Kristus.

2 TIMOTIUS 1:3

Sukkuru'ka lao ri Allataala iya utumaningiyé sibawa ati iya mapaccingngé pada-pada iya napogau'é néné-nénéku riyolo. Tuli mattarima kasi'ka lao ri Allataala sises-siseng uwéngngerakko ri laleng sempajang, muwi esso iyaré'ga wenni.