IBRANI 8:3 - KITTA KAREBA MADECENG

³ Tungke' imang lompo riyakkai untu' makkasuwiyangengngi akkarobangengngé iyaré'ga pakkasuwiyangengngé lao ri Allataala. Makkuwatoniro Imang Lompota; harusu'i mappunnai agi-agi untu' riyakkasuwiyangeng.

IBRANI 8:3 ပူးပေါင်းရင်းမြစ်များ

YOHANES 6:51

Iyya'na roti nonnoé polé ri surugaé – roti iya mabbéré atuwong. Tau iya manrééngngi iyaé rotié tuwoi matu mannennungeng. Roti iya maéloé Uwabbéréyang untu' atuwonna rupa tauwé ri linoé iyanaritu juku-Ku.”

ROMA 4:25

Iyaro Yésus purani riyabbéréyang untu' riyuno nasaba dosa-dosata; nainappa napatuwo paimeng Allataala untu' nallalengiki simadécéngeng paimeng sibawa Allataala.

ROMA 5:6

Wettutta ri laleng keadaang dé'gaga pakkulléng, matéi Kristus untu' idi ri wettu iya pura napattentué Allataala; padahal idi sining tau iya mabélaé polé ri Allataala.

ROMA 5:8

Iyakiya Allataala pannessai pammasé-Na lao ri idi wettunna Kristus maté untu' idi wettutta tau madosa mupa.

GALATIA 2:20

Makkekkuwangngé tenniyana iyya tuwo, iyakiya Kristus iya tuwoé ri laleng aléku. Atuwongngéwé iya uwattemmekiyé makkekkuwangngé iyanaritu tuwo ri laleng teppe' lao ri Ana'na Allataala iya mamaséiyékka sibawa iya puraé makkarobangngi Aléna untu' iyya.

EFESUS 5:2

Atuwommu sitinajai rinyawaiwi ri pammasé, pada-padato Kristus mamaséiki. Nakkarobangengngi aléna untu' idi, selaku séddi pakkasuwiyang iya mabaué sibawa pésennangiyéngngi atinna Allataala.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

IBRANI 3:1

Saudara-saudara pada-padatta Kristéng iya puraé riyobbito ri Allataala! Coba pikkiri'i malamul-lamung passalenna iyaé Yésus! Allataala suroi Aléna banna untu' mancaji Imang Lompo ri laleng agama iya riyaccowériyé.

IBRANI 5:1

Tungke' imang lompo ripiléi polé ri yelle'na umma'é, sibawa riyakka untu' tumaningiwi Allataala selaku wakkélé'na mennang. Jamanna iyanaritu makkasuwiyangengngi lao ri Allataala sining pabbéréna sibawa akkarobangeng-akkarobangenna untu' riyaddampengenna dosaé.

IBRANI 7:27

Dé' napada-pada sining imang lompo laingngé, iya esso-essoé harusu makkasuwiyangeng akkarobangeng nasaba dosa-dosa aléna riyolo, nappa nasaba dosa-dosana umma'é. Yésus makkasuwiyangengngi akkarobangengngé siseng bawang lettu mannennungeng, wettunna nakkasuwiyangeng Aléna selaku akkarobangeng.

IBRANI 8:4

Ebara'na engkai ri linoéwé, dé' namaélo mancaji imang, saba' engkana imang iya makkasuwiyangengngé akkarobangeng iya rituntu'é ri laleng hukkunna agama Yahudié.

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.