IBRANI 7:8 - KITTA KAREBA MADECENG

⁸ Sining imang iya tarimaéngngi iya rilélé tawa seppuloéro iyanaritu sining tau iya weddingngé maté. Iyakiya manuru Kitta'é, Malkisédék iya tarimaé pabbéré tawa seppulo bagiyanro iyanaritu tau iya tette'é tuwo.

IBRANI 7:8 ပူးပေါင်းရင်းမြစ်များ

YOHANES 14:19

Dé'na namaitta nadé' naita-Ka matu linoé. Iyakiya iko muwita-Ka. Sibawa nasaba tuwo-Ka, tuwo tokko matu.

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

IBRANI 3:16

Nah, niga sining tau iya méngkalingaéngngi saddanna Allataala nainappa maronta lao ri Aléna? Tenniyaga iyanaritu sininna tau iya napimpingngé Musa massu polé ri Maséré'?

IBRANI 5:6

Ri onrong laingngé makkeda towi Allataala, “Iko iyanaritu imang mannennungeng, pada-pada Imang Malkisédék.”

IBRANI 6:20

Purani nawajikekki Yésus lalengngé lao ri onrongngéro, sibawa purani muttama kuwaro mancaji Imang Lompota lettu mannennungeng pada-pada Imang Malkisédék.

IBRANI 7:23

Engka mupa séddi passaleng: iyaro sining imang iya laingngé engka maéga, saba' tungke'-tungke' mennang matéi angkanna dé' naulléi patterui jabatanna.

IBRANI 7:7

Mémeng dé' nawedding ribanta makkedaé tau iya ribarakkakiyé iyanaritu lebbi riyawai naiya tau iya pabarakkakiyé.

IBRANI 7:9

Wedding ripowada, makkedaé Léwi – iya wijannaé lélé tawa seppulo bagiyang polé ri umma' Israélié – mpaja towi bagiyangngéro naolai Abraham, ri wettunna Abraham mpajai lao ri Malkisédék.

IBRANI 9:27

Purani napattette Allataala makkedaé sisemmi maté rupa tauwé napurairo riadélékiwi ri Allataala.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.