IBRANI 7:3 - KITTA KAREBA MADECENG

³ Passalenna iyaé Malkisédék dé'gaga pappakatajang muwi kégi makkedaé mappunnaiwi ambo' iyaré'ga indo' iyaré'ga néné; dé'to gaga pappakatajang passalenna ajajiyanna, iyaré'ga amaténna. Pada-padai Ana'na Allataala; aléna iyanaritu imang iya mannennungengngé.

IBRANI 7:3 ပူးပေါင်းရင်းမြစ်များ

ASSURENG 6:18

Mérari mappunnaiwi duwa ana' worowané: Mahli sibawa Musi. Iyanaro sining appangngé ri laleng suku Léwié sibawa wija-wijanna mennang tungke'-tungke'.

ABBILANGENG 1:18

suroi sininna umma'é maddeppungeng ri tanggala séddinna uleng duwa, nainappa risusung assossorenna mennang situru sining appanna iya engkaé ri laleng tungke' sukunna mennang. Asenna sining tau worowané iya makkéumuru'é duwappulo taung liyasé ricata'i sibawa ribilangngi,

MATIUS 4:3

Poléni Ibillisi' sibawa makkeda, “Ana' Allataala-Koto? Nah, suroi batu-batuéwé mancaji roti.”

IBRANI 4:14

Iyanaro saba'na harusu'ki makkatenning masse ri angakungeng atepperetta. Saba' mappunnaiki Imang Lompo iya battowaé, iya muttama'énna lettu ri yolona Allataala – Aléna ritu Yésus Ana'na Allataala.

IBRANI 7:1

Iyaé Malkisédék iyanaritu arung polé ri Salém sibawa imanna Allataala Iya Pommatanré. Wettunna Abraham lisu polé ri ammusurengngé caui sining arungngé, poléi Malkisédék duppaiwi sibawa barakkakiwi.

IBRANI 7:17

Saba' ri laleng Kitta'é ripowadai, “Iko iyanaritu imang mannennungeng, pada-pada Imang Malkisédék.”

IBRANI 7:2

Nanabbéréyanni Abraham lao ri Malkisédék tawa seppulona polé ri sininna iya narappaé. (Aseng Malkisédék bettuwanna, bunge'-bunge'na, “Arung Adélé'é”; sibawa nasaba arungngi ri Salém, makkébettuwang towi asenna “Arung Saléwangeng”.)

IBRANI 7:6

Malkisédék tenniya wija-wijanna Léwi, iyakiya tarima towi tawa seppulona polé ri sininna iya narappaé Abraham, sibawa barakkaki towi Abraham iya puraé tarima janci-janci polé ri Allataala.