IBRANI 7:2 - KITTA KAREBA MADECENG

² Nanabbéréyanni Abraham lao ri Malkisédék tawa seppulona polé ri sininna iya narappaé. (Aseng Malkisédék bettuwanna, bunge'-bunge'na, “Arung Adélé'é”; sibawa nasaba arungngi ri Salém, makkébettuwang towi asenna “Arung Saléwangeng”.)

IBRANI 7:2 ပူးပေါင်းရင်းမြစ်များ

KAJAJIYANG 28:22

Sibawa maéloka mabbéréyangngi lao ri Puwangnge tawa seppulona sininna iya nawéréngngékka Puwangnge. Batu papparéngngerang iya upatettongngéwé mancajiwi matu onrong assompang untu' Puwangnge.”

2 SAMUEL 23:3

Allataalana Yakub pura mabbicara; lao ri aléku pallinrunna Israélié makkeda: “Arung iya paréntaéngngi ra'ya'é sibawa adélé iya mappimpingngé sibawa apatong ri Puwangnge.

2 SAMUEL 8:15

Makkuwaniro Daud paréntai sininna Israélié sibawa jagaiwi kuwammengngi ra'ya'na tuli rigaukengngi adélé enrengngé makessing.

1 TAWARIKH 22:9

Namuni makkuwaro, pura-Ka nawéréng janciéwé: ‘Lolongekko matu séddi ana' worowané iya mapparéntaé matu sibawa amang, saba' maélo-Ka tulungngi angkanna dé'gaga bali iya musuéngngi. Riyasengngi matu Salomo, saba' sipongenna mapparénta, maélo-Ka mpéréngngi atennangeng sibawa amang ri sininna Israélié.

MAZMUR 72:7

Tennapodo mallebbangngi adélékengngé mannennungeng, sibawa maonai adécéngengngé ri wettu engkana mupa kéteng.

ANGIMANGENG 27:32

Séddi polé ri tungke' seppulo kajunna olokolo piyaraé iyanaritu appunnangenna Puwangnge. Rékko ribilangngi iyaro olokolo piyaraé, tungke' kajunna olokolo piyara iya maseppuloé mancajiwi appunnangenna Puwangnge.

ABBILANGENG 18:21

Adana Puwangnge lao ri Harun, “Sininna pakkasuwiyang tawa seppulona tau Israélié uwéréngngi sining tau Léwié. Iyanaro bagiyang manana mennang untu' jama-jamanna mennang ri Kémaku.

MATIUS 1:23

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

LUKAS 2:14

“Ripojiwi Allataala ri langi iya kaminang matanré! Sibawa ri yasé'na tanaé, saléwangengngi rupa tauwé iya pésennangiyéngngi atinna Puwangngé!”

ROMA 3:26

Iyakiya makkekkuwangngé tinda'i lao ri dosaé untu' pabuttiwi adéléken-Na. Nasibawang caraéro, nappaitangngi makkedaé tongengngi Aléna; sibawa tungke' tau iya mateppe'é ri Yésus, Ripannessai selaku tau iya simadécéngengngé paimeng sibawa Allataala.

IBRANI 7:1

Iyaé Malkisédék iyanaritu arung polé ri Salém sibawa imanna Allataala Iya Pommatanré. Wettunna Abraham lisu polé ri ammusurengngé caui sining arungngé, poléi Malkisédék duppaiwi sibawa barakkakiwi.

IBRANI 7:3

Passalenna iyaé Malkisédék dé'gaga pappakatajang muwi kégi makkedaé mappunnaiwi ambo' iyaré'ga indo' iyaré'ga néné; dé'to gaga pappakatajang passalenna ajajiyanna, iyaré'ga amaténna. Pada-padai Ana'na Allataala; aléna iyanaritu imang iya mannennungengngé.

1 SAMUEL 8:15

Dare sibawa palla anggoro'mu napakennai matu sima tawaseppulona polé ri wassélé'na, nainappa nawéréng matu sining parawirana sibawa sining pegawénna.

1 SAMUEL 8:17

Tawaseppulona polé ri bémbé bimbala makkonrommu nalai matu. Sibawa iko paimeng mancaji matu atanna.