IBRANI 5:9 - KITTA KAREBA MADECENG

⁹ Na puranana ripancaji pappassalama' iya sukkué, mancajiwi assalenna asalamakengngé iya mannennungengngé lao ri sininna tau iya matinulué ri Aléna,

IBRANI 5:9 ပူးပေါင်းရင်းမြစ်များ

MAZMUR 45:17

Iko, arukku, lolongengngi matu maéga ana' worowané untu' tudangiwi kadéra arajanna néné-nénému. Mupancajiwi matu mennang panguwasa ri tompo'na linoé.

MAZMUR 51:6

Lao ri Iko, lao ri Iko bawang madosaka, sibawa upogau'i aga iya Muwangga'é maja. Nasipato Muhukkukka, adélé'i apettum-Mu.

MAZMUR 51:8

Mutuntu'i alempureng atié; pennoiwi atikku sibawa Pangissengeng.

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 50:10

Eh iko iya pakalebbiéngngi Puwangnge, sibawa méngkalingai ada-adanna atan-Na, laleng iya muwolaé naullé mapettangngi, sibawa dé'gaga cahaya iya mattappaé ri alému; iyakiya ateppe'no ri Puwangnge; attulekkenno ri Allataala.

YESAYA 55:3

Engkalingai, éh bangsa-Ku, laono ri Iyya, Uwérékko matu atuwong mannennungengngé. Nasaba pammasé sibawa atinulureng iya Uwajjanciyangngé lao ri Daud, siyoka janci mannennungeng sibawa iko.

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ZAKHARIA 6:15

Poléi matu sining tauwé polé ri onrong iya mabélaé sibawa tulungngi patettongngi Bola-Ku. Narékko tépuni iyaro appatettongengngé, naissengngi matu mennang makkedaé Iyya Puwang Iya Pommakuwasaé pura suroko lao ri mennang. Iya manennaro kajajiyangngi matu rékko tonget-tongengngi mennang pennoiwi parénta-parénta-Ku, Puwang Allataalana mennang.”

MATIUS 17:5

Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

LUKAS 13:32

Nappébali Yésus, “Laono namupowadangngi tau iya dé'é nakkégunaro, ‘Iyaé essoé sibawa baja upaddésu'i sétangngé sibawa pajjappai tau malasaé, iyakiya ri esso matellué maélo-Ka pattépui jama-jamak-Ku.’

YOHANES 19:30

Napérasaini Yésus uwai anggoro'éro nainappa makkeda, “Tépuni!” Nainappa napacannunnu ulun-Na namaté.

RIWAYA'NA RASUL-RASUL-E 3:15

Muwunoi, padahal Aléna ritu assalenna atuwongngé untu' sininna tauwé. Na Allataala pura patuwoi paimeng polé ri amaténgngé. Alétana pura mitai gau'éro.

RIWAYA'NA RASUL-RASUL-E 4:12

Yésus bawang naola nasalama tauwé. Saba' ri sininna linoé ri yelle'na rupa tauwé dé' séddi tau laing iya puraé lolongeng akuwasang polé ri Allataala untu' passalama'ki.”

RIWAYA'NA RASUL-RASUL-E 5:32

Idi'naé sabbi-sabbinna passalenna iya manennaro – idi kuwaéttopa Rohna Allataala iya nabbéréyangngé Allataala lao risining tau iya turusiyéngngi parénta-Na.”

ROMA 1:5

Naola towi Aléna nawérékka Allataala pammasé mancaji rasul, kuwammengngi – untu' pakalebbii Kristus – upimpingngi sining tauwé polé ri sininna bangsaé kuwammengngi namateppe' sibawa matinulu.

ROMA 10:16

Iyakiya dé' nasininna tauwé tarimai Karéba Madécéngngéro. Saba' makkedai Yésaya, “Puwang, nigana mateppe' ri karébatta?”

ROMA 15:18

Baranika mabbicara makkuwaro banna passalenna aga iya puraé napogau' Kristus naolaka untu' pancajiwi sining tau tenniyaé Yahudi mapato lao ri Allataala. Upogau'i iyaro sibawa ada-ada enrengngé pangkaukeng,

ROMA 2:8

Iyakiya sining tau iya pentingkangngéngngi aléna sibawa dé' namaélo matinulu ri Allataala, sangadinna maccowériwi iya majaé, iyaro sining tauwé riyacairi senna'i matu ri Allataala.

ROMA 6:17

Iyakiya sukkuru'ki lao ri Allataala! Saba' riyolo mancaji atannako dosaé, iyakiya makkekkuwangngé sukku atinna saudara turusiwi pappagguruwang tongengngé iya puraé riwérékko.

2 KORINTUS 10:5

sibawa leppoi sining bénténg atempongeng iya napatettongngé untu' méwai pangissengengngé passalenna Allataala. Ritawangngi pikkiranna sining tauwé sibawa mébbui mennang tunru' lao ri Kristus.

FILIPI 2:12

Rimakkuwannanaro, Saudara-saudara iya upojiyé, pékkugiko tuli matinulu lao ri iyya wettukku engka ri tengnga-tengngamu, na lebbi-lebbipi makkekkuwangngé ri wettu sibélangngé, sitinajako matinulu lao ri iyya. Purani ripassalama'ko ri Allataala rimakkuwannanaro akkuragano matteru kuwammengngi namancaji sukku asalamakemmu. Pogau'i iyaro sibawa mappakaraja enrengngé mapato lao ri Allataala,

2 TESALONIKA 1:8

sibawa api iya malluwa'-luwa'é. Nonnoi untu' hukkungngi tau iya dé'é napaduliwi Allataala sibawa iya dé'é namaélo tuwo situru Karéba Madécéng passalenna Yésus Puwatta.

2 TESALONIKA 2:16

Tennapodo aléna Puwatta Yésus Kristus, sibawa Allataala Ambo'ta massaléwo sibawa péwatangiwi atimmu, kuwammengngi muwulléi pogau'i sibawa mabbirittangngi aga iya makessingngé. Saba' Allataala mamaséiki, sibawa nasaba akessingeng atin-Na naébbuki tette' sabbara' mamménasaiwi iya makessingngé.

2 TIMOTIUS 2:10

Iyanaro saba'na nausabbara tanggung manengngiro untu' apentingenna sining tau iya puraé Napilé Allataala, kuwammengngi nalolongetto mennang asalamakeng iya riyabbéréyangngé naolai Kristus Yésus, sibawa iya nasibawangngé arajang mannennungengngé.

IBRANI 1:14

Rékko makkuwaitu, aga sitongenna iyaro sining malaéka'é? Mennang iyanaritu roh-roh iya tumaningiyéngngi Allataala, sibawa iya risuroé untu' tulungngi sining tau iya maéloé tarima asalamakeng.

IBRANI 11:40

saba' mappunnaiwi Allataala rancana iya lebbi makessingngé untu' idi. Rancana-Na iyanaritu makkedaé banna sibawaki, namancaji sukku matu mennang.

IBRANI 11:8

Nasaba mateppe'i, namatinulu Abraham ri Allataala wettunna Allataala mobbii sibawa suroi lao ri ri wanuwa iya najjanciyangngé Allataala ri aléna. Nanajoppana Abraham sibawa dé' naissengngi kégi maélo lao.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 2:10

Mémeng sipato'ni Allataala – iya pinruéngngi sininna séuwa-séuwaé untu' akkatta-Na muto – mébbui Yésus pappassalama' iya sukkué naolai anrasa-rasangngé. Nallalengiro naulléi Allataala mérai maéga tau untu' maccowé ripakaraja silaong Yésus. Saba' Aléna pattimpa laleng lao ri mennang untu' weddingngi ripassalama'.

IBRANI 2:3

Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

IBRANI 9:12

Muttama'i Kristus ri Bili' Pommapaccingngé ri laleng kémaéro banna siseng bawang lettu mannennungeng. Iyaro wettué dé' natiwi dara bémbé lai iyaré'ga dara ana' saping untu' riyakkasuwiyangeng; dara-Na muto natiwi, nanallalengiro napaleppe'ki lettu mannennungeng.

IBRANI 9:15

Iyanaro saba'na, Kristus mancaji Pappasisumpung untu' séuwa assijancingeng iya mabarué, kuwammengngi na tau iya puraénna riyobbi ri Allataala naulléi tarimai barakka-barakka mannennungengngé iya puraé najjanciyang Allataala. Iya manennaro weddingngi kajajiyang nasaba engkana maté, iyanaritu Kristus; na amatén-Naro paleppe'i tauwé polé risining asalanna iya napogau'é mennang ri wettu takkennana mupa assijancingeng iya mammulangngé.

IBRANI 9:28

Makkuwatoro Kristus sisemmi riyakkasuwiyangeng selaku akkarobangeng untu' leddai dosana maéga tau. Maéloi polé paimeng mabbékkaduwanna, tenniya untu' pacceppiwi persoalang dosaé, iyakiya untu' passalama'i sining tau iya tajengngéngngi apolén-Na.

1 PETRUS 1:22

Nasaba mapatoko ri pappagguruwang polé ri Allataala, namupépaccingiwi alému sibawa mamaséiwi sining tau siatepperengngé sibawa macenning. Rimakkuwannanaro, sitinajako mamaséiwi séddié lao ri laingngé sibawa sukku atinna.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.

YUDAS 1:21

sibawa tuli tuwono ri laleng accinaungenna pammaséna Allataala, ri wettu mutajenna pammaséna Puwatta Yésus Kristus, iya mabbéré matu lao ri iko atuwong tongengngé iya mannennungengngé.