IBRANI 4:3 - KITTA KAREBA MADECENG

³ Iyakiya idi iya mateppe'é tarimai onrong appésaungeng iya najjanciyangngé Allataalaro. Iyaro sicoco'i sibawa aga iya napowadaé Allataala, makkuwaé, “Macai-Ka sibawa mattanro, ‘Makkedaé dé' nauttama matu mennang ri onrong appésaungek-Ku.’ ” Makkeda makkuwairo Allataala namuni jama-jaman-Na tépuni sipongenna napancaji linoéwé.

IBRANI 4:3 ပူးပေါင်းရင်းမြစ်များ

KAJAJIYANG 1:31

Naitani Allataala sininna séuwa-séuwa iya puraé naébburo, namasennang senna'na. Labe'ni wennié nancajina éléé. Iyanaro esso maennengngé.

MAZMUR 95:11

Namattanro-Ka ri laleng cai-Ku, dé' mennang nauttama matu ri wanuwaéro untu' lolongeng appésaungeng silaong Iyya.”

ASSURENG 20:11

Ri laleng wettu enneng essona, Iyya, Puwang, mébbui linoé, langié, tasi'é, sibawa sininna iya engkaé ri lalenna, iyakiya ri esso iya mapitué mappésau-Ka. Iyanaro saba'na Iyya, Puwang, barakkakiwi esso Saba'é sibawa pallaingngi untu' alé-Ku.

YESAYA 28:12

Nappéddarangngi Puwangnge onrong appésaungengngé lao ri iko maneng, iyakiya dé' mumaélo méngkalingai Aléna.

YEREMIA 6:16

Makkedai Puwangnge lao ri umma'-Na, “Tettonno ri pékka-pékka lalengngé, sibawa pénessaiwi madécéd-décéng! Akkutanangngi sining lalengngé riyolo, sibawa kégana kaminang makessing ri yelle'na. Accowériwi iyaro lalengngé, kuwammengngi mutuwo tennang.” Iyakiya makkedai mennang, “Dé', dé' tamaélo maccowériwi iyaro lalengngé!”

YEHEZKIEL 20:38

Sining parronta'é sibawa tomajaé Upaddesu'i matu polé ri tengnga-tengngamu. Utiwii matu massu polé ri wanuwa-wanuwa onronna mennang makkekkuwangngé monro sibawa dé' Upalaloi lisu ri tana Israélié. Namuwissengngi matu makkedaé Iyya Puwang.”

MATIUS 13:35

Ri lalennaro kajajiyangngi iya napowadaé nabié, “Pakéka pakkalarapangeng rékko mabbicaraka sibawa mennang; maélo-Ka mabbirittangngi gau'-gau' iya tassubbué sipongenna ripancaji linoé.”

MATIUS 25:34

Nainappa makkeda matu iyaro Arungngé lao risining tauwé ri seddé ataun-Na, ‘Laono mai iko iya nabarakkakiyé Ambo'-Ku. Uttama'no ri laleng akkarungeng iya napassadiyangengngékko mappammulai pammulanna linoé.

EFESUS 1:4

Riwettu dé'napa naripancaji linoéwé, purani napilé Allataala naolai Yésus Kristus sibawa akkatta kuwammengngi mancajiki appunnangen-Na bawang sibawa dé'gaga cellana ri yolo-Na. Nasaba pammaséna Allataala,

IBRANI 3:11

Macai-Ka sibawa mattanro, ‘Dé' nauttama matu mennang ri wanuwaéro untu' lolongeng appésaungeng.’ ”

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 PETRUS 1:20

Purani ripilé Kristus ri Allataala riwettu dé'napa naripancaji linoé. Na ri esso-esso macawé'nana paccappurenna linoéwé, poléi ri linoé kuwammengngi naripassalama'ko.