IBRANI 4:2 - KITTA KAREBA MADECENG

² Saba' iyaro Karéba Madécéngngé purani riyabbirittang ri idi pada-pada lao ri mennang. Namuni lao ri mennang, iyaro birittaé dé'gaga gunana. Saba' wettunna mennang naéngkalinga, dé' mennang namateppe'.

IBRANI 4:2 ပူးပေါင်းရင်းမြစ်များ

RIWAYA'NA RASUL-RASUL-E 13:46

Iyakiya pédé' lebbi baraniwi Paulus sibawa Barnabas mabbicara terus terang. Makkedai mennang, “Ada-adanna Allataala mémeng harusu'i ripalettu' lao ri iko riyolo. Iyakiya nasaba dé' mumaélo tarimai, iko muto pura pattentui makkedaé dé' musitinaja tarima atuwong tongengngé sibawa mannennungengngé. Namakkekkuwangngé risalaiko natalao ri bangsa laingngé.

RIWAYA'NA RASUL-RASUL-E 3:26

Iyanaro saba'na Allataala piléi Atan-Na, nainappa nasuro lao ri iko lebbi riyolo, kuwammengngi nabarakkakiko. Carana mabbarakkaki iyanaritu naébbui Saudara-saudara toba' polé ri atuwo-tuwommu majaé.”

ROMA 2:25

Rékko matinului Saudara ri hukkunna agama Yahudié, sunna'na Saudara engkato akkégunanna. Iyakiya rékko dé' mulléi mapatoiwi gau'-gau' iya riyapparéntangngé ri laleng hukkung-hukkungngéro, sunna'na Saudara dé' sisenna nakkéguna.

ROMA 3:3

Iyakiya pékkugi rékko sibagiyang tau Yahudié dé' namatinulu? Nassabarigaro na Allataala dé'to namatinulu?

1 KORINTUS 13:3

Namuni iya maneng iya uwappunnaiyé, uwassidekkangngi lao ri tau kasiyasié, sibawa uwabbéréyangngi aléku untu' ritunu, iyakiya dé' uwamaséiwi tau laingngé, iya manennaro dé' sises-siseng gaga appalanna.

GALATIA 3:2

Coba paissengika iyaé séddié passaleng: Puraniga mutarima Rohna Allataala nasaba pajoppai Hukkunna Agamaé, iyaré'ga nasaba muwéngkalingai Karéba Madécéng polé ri Allataala sibawa mateppe' lao ri Kristus?

GALATIA 3:8

Pura naitani Kitta'é lebbi riyolo makkedaé Allataala nanakkulléngiwi sining tau tenniyaé Yahudi simadécéngeng paimeng sibawa Allataala, rékko mateppe'i mennang ri Aléna. Iyaro Karéba Madécéngngé riyappaddissengengngi lebbi riyolo lao ri Abraham ri laleng janciéwé, “Naolako, Allataala barakkakiwi matu sininna rupa tauwé ri yasé'na linoé.”

GALATIA 4:13

Tentu muwéngngerang mupa aga iya nassabariyé pammulanna na uwabbirittangngi iyaro Karéba Madécéngngé lao ri iko. Saba'na iyanaritu nasaba nakennaka lasa.

ULANGENG 1:32

Iyakiya namuni puraka makkeda makkuwaro, dé' topa mumaélo mateppe ri Puwang Allataalamu,

1 TESALONIKA 1:5

Saba' idi palettu'i Karéba Madécéngngé lao ri iko tenniya sibawa ada-ada bawang, iyakiya nasibawatto akuwasang, nasibawang Rohna Allataala. Nasibawang ateppereng makkedaé iyaro Karéba Madécéngngé tongengngi. Muwisseng pékkugiki tuwo untu' apentingemmu wettutta engka ri tengnga-tengngamu.

1 TESALONIKA 2:13

Engka mupa séddi passaleng laingngé iya mebbuékki tuli mattarima kasi lao ri Allataala. Iyaro passalengngé iyanaritu: wettutta palettu'i biritta polé ri Allataala lao ri iko, muwéngkalingai sibawa mutarimai iyaro birittaé tenniya selaku biritta polé ri tolinoé, iyakiya selaku biritta iya tonget-tongengngé polé ri Allataala. Aléna ritu majjama ri laleng alému iya mateppe'é ri Kristus.

1 TIMOTIUS 4:8

Latihang watakkalé céddé bawang akkégunana, iyakiya latihang rohanié makkégunai ri laleng sininna gau'é, saba' tampu'i janci untu' atuwong makkekkuwangngé sibawa wettu iya mangoloé.

IBRANI 11:6

Temmateppe, dé' muwi séddi tau mulléi sennangiwi atinna Allataala. Saba' tau iya laowé ri Allataala harusu'i mateppe' makkedaé engka Allataala sibawa Allataala mpale'i tau iya sappaéngngi.

IBRANI 3:12

Saudara-saudara, atutuko aja' lalo naengka ri yelle'mu séddi tau iya maja makkuwaéro atinna enrengngé dé' namateppe', angkanna balé'i sibawa mabélaiwi Allataala iya tuwoé!

IBRANI 4:6

Jaji mennang iya bunge'-bunge'é méngkalingai biritta passalenna Karéba Madécéngngéro, dé' natarima onrong appésaungeng nasaba dé' mennang namateppe'. Rékko makkuwaitu manessani makkedaé engka sining tau laing iya weddingngé tarimai onrong appésaungengngéro.

YAKOBUS 1:21

Rimakkuwannanaro, buwanni tungke' abiyasang iya macarépaé sibawa majaé. Tarimani sibawa ati mariyawa ada-ada iya natanengngé Allataala ri laleng atimmu, saba' iyaro ada-adaé mappunnaiwi awatangeng untu' passalama'ko.

1 PETRUS 1:12

Lao ri nabi-nabiéro nappaddissengengngi Allataala makkedaé aga iya napogau'é mennang tenniya untu' apentingenna mennang, sangadinna untu'mu; iyanaritu gau'-gau' makkekkuwangngéwé muwéngkalinga sibawa manessa polé risining pabbiritta Karéba Madecéngngé passalenna Yésus Kristus. Napalettu'i mennang gau'-gau'éro lao ri iko sibawa akuwasanna Rohna Allataala iya Nakiringngé polé ri surugaé. Mala muwi sining malaéka'é macinna towi missengngi karéba iya nabbirittangngéro mennang.