IBRANI 2:9 - KITTA KAREBA MADECENG

⁹ Iyakiya idi purani riita Yésus makuwasaiwi! Ripancajiwi céddé lebbi ri yawa naiya malaéka'é untu' wettu cinna'é, kuwammengngi ri laleng akessingeng atinna Allataala weddingngi maté untu' sininna rupa tauwé. Riitani makkekkuwangngé riwéréng tudangeng iya malebbié sibawa marajaé nasaba purai manrasa-rasa gangka maté.

IBRANI 2:9 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

YESAYA 7:14

Makkekkuwangngé, Aléna Puwangnge mabbéré matu tanrang lao ri iko: Séddi ana'dara iya mattampu'é jajiyangngi matu séddi ana' worowané iya nasengngé Imanuél.

MATIUS 16:28

Issenni! Riyelle'mu mennang kuwaé engka dé' namaté matu, riwettu dé'napa naitai Ana'na Tolinoé polé selaku Arung.”

MATIUS 6:28

Magi mubata-bata passalenna pakéyammu? Pénessaiwi bunga-bunga bakungngé iya tuwoé ri padangngé. Iyaro bunga-bungaé dé' najjama sibawa dé'to natennung;

MARKUS 9:1

Nakkeda Yésus, “Issenni! Polé ri yelle'mu kuwaé engka matu dé' namaté, ri wettu dé'napa naitai Allataala mapparénta sibawa makuwasa!”

LUKAS 9:27

Issenni: polé ri yelle'mu kuwaé engka matu dé' namaté riwettu dé'napa naitai matu Allataala mapparénta.”

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

YOHANES 10:17

Namaséi-Ka Ambo'é saba' Uwabbéréyangngi nyawa-Ku, untu' tarimai paimeng.

YOHANES 12:32

Iyakiya Iyya'é, rékko purana ripakatanré ri yasé'na linoé, maélo-Ka getteng manengngi tauwé lao ri Iyya.”

YOHANES 3:16

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

YOHANES 8:51

Tongeng senna' adak-Kué, tau iya turusiyéngngi adak-Ku, lettu mannennungeng dé' namaté matu.”

YOHANES 8:52

Nanakkeda sining tau Yahudiéro lao ri Yésus, “Riissenni makkekkuwangngé nauttamaki tongek-Ko sétang! Maténi Abraham, makkuwatoro sininna nabi-nabié. Iyakiya makkeda-Ko, ‘Tau iya turusiyéngngi adak-Ku, lettu mannennungeng dé' namaté matu.’

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

RIWAYA'NA RASUL-RASUL-E 3:13

Allataala iya nasompaé Abraham, Ishak, Yakub, Allataalana néné-nénéta, iyaro Allataalaé purani napakalebbi Atan-Na, iyanaritu Yésus. Yésus iyanaro muwabbéréyang lao ri panguwasaé, sibawa muéwa ri yolona Pilatus, wettunna Pilatus maélo leppessangngi-Na.

ROMA 5:18

Jaji pékkugi pelanggaranna séddié tau nassabariwi sininna rupa tauwé rihukkung, makkuwatoro pangkaukenna séddié tau iya maccowériyéngngi élona Allataala, nassabariwi sininna tauwé ripaleppe' polé ri asalanna sibawa riwéréng atuwong.

ROMA 5:8

Iyakiya Allataala pannessai pammasé-Na lao ri idi wettunna Kristus maté untu' idi wettutta tau madosa mupa.

ROMA 8:3

Aga iya dé'é naulléi napogau' hukkung agamaé, nasaba idi tau malemmaki, iyaro pura napogau'ni Allataala. Allataala caui akuwasanna dosaé ri laleng sipa'na tolinoé sibawa kiringngi Ana'na, iya polé ri laleng keadaang iya padaé sibawa tolinoé iya madosaé, untu' leddai dosaé.

ROMA 8:32

Ana' ri Aléna paimeng dé' Nacarinnaiwi, sangadinna nabbéréyangngi untu' apentingetta maneng; masa' dé' nabbéréyangngi matu lao ri idi sininna séuwa-séuwaé iya laingngé?

2 KORINTUS 5:15

Matéi Kristus untu' sininna tauwé, kuwammengngi nasining tau iya tuwoé, dé'na natuwo untu' aléna bawang, sangadinna untu' Kristus iya puraé maté sibawa ripatuwo paimeng untu' apentingenna mennang.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.

1 TIMOTIUS 2:6

Purai nabbéréyang Aléna untu' paleppe'i sininna tauwé polé ri dosa-dosana. Nanallalengiro nappaitangngi Allataala ri wettu iya teppa'é, makkedaé macinnai kuwammengngi sininna tauwé ripassalama'i.

IBRANI 1:9

Napoji adélékengngé, sibawa nabenciwi acéko-cékongngé; iyanaro saba'na Allataala, Allataala-Mu, napilé-Ko sibawa mpérék-Ko alebbireng iya mappapolé ariyo-riyong, napakacauri sellao-sellao-Mu.”

IBRANI 10:5

Iyanaro saba'na wettunna Kristus muttama ri linoé, makkedai lao ri Allataala, “Dé' Muwéloriwi akkarobangengngé sibawa pakkasuwiyangngé; sibalé'na purani Mupassadiyangek-Ka tubu.

IBRANI 11:5

Nasaba mateppe'i, nadé' namaté Hénokh, sangadinna riyakkai sibawa ritiwii lao ri Allataala. Dé' muwi séddi tau mulléi runtu'i, saba' riyakkai ri Allataala. Ri laleng Kitta'é tarokii makkedaé ri wettu dé'napa nariyakka Hénokh, purani napésennangi atinna Allataala.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 2:7

Untu' wettu iya cinna'é Mupancajiwi céddé lebbi ri yawa naiya malaéka'é. Tawéréngngi tudangeng iya malebbié sibawa marajaé,

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

IBRANI 8:3

Tungke' imang lompo riyakkai untu' makkasuwiyangengngi akkarobangengngé iyaré'ga pakkasuwiyangengngé lao ri Allataala. Makkuwatoniro Imang Lompota; harusu'i mappunnai agi-agi untu' riyakkasuwiyangeng.

1 PETRUS 1:21

Naolai Aléna ritu namateppe'ko ri Allataala iya puraé patuwoi paimeng polé ri amaténgngé sibawa arajan-Na. Jaji, Allataala ritu iya muwatepperiyé sibawa lao ri Allataalato ritu mamménasako.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

WAHYU 19:12

Matan-Na pada-pada luwa' apié sibawa ri ulun-Na pakéi maéga passigera'. Ri Aléna tarokii séuwa aseng; na banna Aléna bawang missengngi iyaro asengngé.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.