IBRANI 2:3 - KITTA KAREBA MADECENG

³ Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

IBRANI 2:3 ပူးပေါင်းရင်းမြစ်များ

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 20:6

Ri wettuéro makkedai matu sining tau iya monroé ri wiring tasi'é, ‘Itani aga kajajiyang sibawa bangsa iya tattuwangngé untu' linrungiki polé ri arung Asyur. Pékkugi weddikki salama?’ ”

YESAYA 51:5

Asalamakeng iya Uwabbéréyangngé macawé'ni; wettu apakalak-Ku mawé'ni lettu. Aléku muto maélo paréntai bangsa-bangsaé. Sining wanuwa iya mabélaé tajek-Ka sibawa maddennuwangiwi pangkaukek-Ku iya baranié.

YESAYA 51:8

Binasai matu mennang sibawa lennye, pada-pada pakéyangngé nanré ané sibawa kaing bulu bimbala'é nanréi bebbu. Iyakiya asalamakeng iya Uwabbéréyangngé tette'i mannennungeng, apakalak-Ku matterui massossoreng.”

YESAYA 62:11

Puwangnge mabbéréyangngi pasengngéwé lao risininna sulapa'na linoé, “Powadangngi pabbanuwana Sion, ‘Itai, Puwang Pappassalama'é poléni! Ritinrosiwi risining tau iya puraé Napaleppe.’ ”

YEHEZKIEL 17:15

Iyakiya maronta'i arung Yéhuda enrengngé kiring suro lao ri Maséré untu' lolongeng anyarang sibawa tentara iya maégaé. Naulléga matu? Rileppessagga matu leppe? Dé' namakkullé massakkarengngi assijancingngé tenripakennai pahukkungeng!

YEHEZKIEL 17:18

Nasaba purai najjalékkai tanrona sibawa assijancinna, dé' naulléi matu paleppe'i aléna.

MATIUS 23:33

Majako sibawa wija-wijanna tau majako! Pékkugi weddikko passalama'i alému polé ri pahukkungenna ranakaé?

MATIUS 4:17

Mappammulai wettuéro nabbirittanni Yésus, “Toba'no polé ri dosa-dosamu, nasaba dé'na namaitta napparénta Allataala selaku Arung!”

MARKUS 1:14

Ritarungkunnana Yohanés, laoni Yésus ri Galiléa, nanappagguruwangngi kuwaro Karéba Madécéng polé ri Allataala.

LUKAS 1:2

Naokii mennang situru iya ricuritaé lao ri idi polé risining tau iya alénaé pura mitai iyaro sining kajajiyangngé mappammulai pammulanna, nainappa nappallebbangeng karébanna.

LUKAS 1:69

Nawérékki pappassalama' iya baranié, wijanna Daud, atan-Na.

LUKAS 24:19

Nakkutana Yésus, “Gau' agaro?” Nappébali mennang, “Gau' kajajiyangngé lao ri Yésus, tau polé ri Nazarét. Nabiwi; ada-adan-Na sibawa pangkauken-Na makuwasa senna'i – muwi situru pakkitanna Allataala muwi situru pakkitanna sininna tauwé.

YOHANES 15:27

Na iko harusu' tokko mabbéré asabbiyang passalek-Ku, saba' sibawa Iyya mémenni mappammulai ri pammulanna.

RIWAYA'NA RASUL-RASUL-E 2:22

Saudara-saudara tau Israélié! Engkalingai aga iya upowadaé: Yésus tau Nazarét-éro pura riwérénni jamang ri Allataala untu' saudara. Iyaro manessa senna' risining anu makalallaingngé sibawa gau'-gau' dé'é padanna iya napogau'é Allataala ri tengnga-tengngamu naolai iyaro Yésus. Iya manennaro aléna saudara misssengngi.

RIWAYA'NA RASUL-RASUL-E 4:12

Yésus bawang naola nasalama tauwé. Saba' ri sininna linoé ri yelle'na rupa tauwé dé' séddi tau laing iya puraé lolongeng akuwasang polé ri Allataala untu' passalama'ki.”

ROMA 11:14

Mamménasaka uwulléi paompoi angémpurunna bangsaku, kuwammengngi nallalengiro uwulléi passalama'i sibagiyang polé ri mennang.

ROMA 2:3

Iyakiya iko, Saudara-saudara, mupogau' towi gau'-gau' iya muteppuwangngéngngi sining tau laingngé! Namupikkiri'i mulléi leppe' polé ri pahukkungenna Allataala?

1 KORINTUS 1:21

Nasaba muwi pékkugi accana rupa tauwé, dé' naulléi missengngi Allataala naolai acca ri aléna. Iyakiya mala nasaba mapanréi Allataala, nanasitujuiwi passalama'i sining tau iya mateppe'é ri Aléna naolai biritta iya riyappallebbangengngé iya nangga'é séuwa omong kosong linoé.

1 TESALONIKA 5:3

Rékko makkedai tauwé, “Amang manenni sibawa tennang,” ri wettuénnaro tennasenna-sennai mennang nakenna matu abinasang, nadé' séddi tau mulléi leppe'. Iyaro gau'é tappa kajajiyangngi matu, pada-pada makkénedding mapeddi maéloé mémmana' iya kennaéngngi séddié makkunrai.

1 TIMOTIUS 1:15

Tongeng senna' iyaé ada-adaé – rimakkuwannanaro sitinajai ritarima sibawa riyatepperi maneng –: “Poléi Kristus Yésus ri linoéwé untu' passalama'i tau madosaé.” Na iyya'na tau madosa iya kaminang majaé.

TITUS 2:11

Saba' purani nappaitang Allataala pammasé-Na untu' passalama'i sininna rupa tauwé.

IBRANI 1:1

Wettu riyolo maléwe' senna' Allataala mabbicara lao ri néné-nénéta naolai nabi-nabié sibawa pakéi maddupa-rupang cara.

IBRANI 1:14

Rékko makkuwaitu, aga sitongenna iyaro sining malaéka'é? Mennang iyanaritu roh-roh iya tumaningiyéngngi Allataala, sibawa iya risuroé untu' tulungngi sining tau iya maéloé tarima asalamakeng.

IBRANI 1:2

Iyakiya ri wettu paccappurengngéwé mabbicarai lao ri idi naolai Ana'-Na. Naolai Ana'-Naé napancajiwi Allataala sininna alangngé. Sibawa purani napattentu Allataala makkedaé iyatonaé Ana'-Na iya mappunnaiyé ha' mappunnaiwi sini-sininnaé.

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

IBRANI 4:1

Nah, kajajiyang mupi jancinna Allataala, sibawa riwérékki matu onrong untu' mappésau. Jaji, sitinajaki jagaiwi kuwammengngi aja' namuwi séddi tau polé ri yelle'mu iya manessaénna dé' napéneddingiwi onrong appésaungeng iya najjanciyangngéro.

IBRANI 4:11

Rimakkuwannanaro, laono mai takkuraga tonget-tongeng untu' muttama ri onrong appésaungeng iya najjanciyangngé Allataalaro. Aja' lalo narapii muwi séddi tau polé ri idi dé' nakkéwassélé' pada-pada mennang riyolo, nasaba dé' namateppe' ri Allataala.

IBRANI 5:9

Na puranana ripancaji pappassalama' iya sukkué, mancajiwi assalenna asalamakengngé iya mannennungengngé lao ri sininna tau iya matinulué ri Aléna,

IBRANI 9:28

Makkuwatoro Kristus sisemmi riyakkasuwiyangeng selaku akkarobangeng untu' leddai dosana maéga tau. Maéloi polé paimeng mabbékkaduwanna, tenniya untu' pacceppiwi persoalang dosaé, iyakiya untu' passalama'i sining tau iya tajengngéngngi apolén-Na.

1 YOHANES 1:1

Lise'na iyaé sure'é iyanaritu passalenna Sadda iya mabbéré atuwong, iyanaritu Sadda iya engkaénna sipongenna pammulanna mupa. Purani riyéngkalinga enrengngé purani riita sibawa mata aléta. Purani riita, enrengngé purani riyakkatenning sibawa limatta.

YUDAS 1:17

Iyakiya Saudara-saudaraku iya upojiyé, éngngerangngi aga riyolo napowada rasul-rasulna Puwatta Yésus Kristus.

WAHYU 7:10

Nainappa nasibawang sadda iya battowaé gorai mennang, “Asalamaketta poléi ri Allataala, iya tudangngé ri yasé'na kadéra arajangngé, enrengngé polé ri Ana' Bimbala'éro!”