IBRANI 2:2 - KITTA KAREBA MADECENG

² Sining paseng iya napalettu'é sining malaéka'é lao ri néné-nénéta manessani tongeng, na tau iya dé'é naturusiwi iyaré'ga napatoiwi tarimai pahukkungeng iya sicoco'é.

IBRANI 2:2 ပူးပေါင်းရင်းမြစ်များ

MAZMUR 68:17

Magi napolé ri coppo'mu iya maégaéro makkitako sibawa mangémpuru lao ri Bulu Sion iya napilé Allataala untu' onron-Na? Monroi matu Puwangnge kuwaro untu' mannennungeng.

ABBILANGENG 11:33

Ri wettu maégana mupa juku untu' riyanré, macaini Puwangnge lao ri bangsaéro nanapapolé séuwa sai ri yelle'na mennang.

ABBILANGENG 16:49

Iya maté wettuéro engka 14.700 tau, dé' nauttama mennang iya maté wettunna ronta'na Kora.

ABBILANGENG 21:6

Nanapapoléna Puwangnge sining ula mamosoé ri tengnga-tengngana bangsaéro. Maéga tau Israél maté napitto sining ulaéro.

ABBILANGENG 25:9

Iyakiya iya matéénna engkana 24.000 tau.

RIWAYA'NA RASUL-RASUL-E 7:53

Purani napalettu sining malaéka'é sining paréntana Allataala lao ri iko, iyakiya dé' muturusiwi!”

GALATIA 3:19

Rékko makkuwaitu, untu' aga Hukkunna Agamaé riyabbéréyang? Pappébalinna iyanaritu makkedaé iyaro sining hukkungngé riyattambangngi untu' pannessai pelanggaranna tolinoé. Iyaro pahukkungenna agamaé takkennai narapi bawang apolénna séddié tau wijanna Abraham, iya riteppué ri laleng jancinna Allataala lao ri Abraham. Iyaro Hukkunna Agamaé napalettu'i sining malaéka'é sibawa naolai séddi tolino.

ULANGENG 17:12

Nigi-nigi barani méwai hakingngé iyaré'ga imang iya nakennaé jamang, harusu'i rihukkung maté; nanallalengiwiro mupallennye'i jaé ri Israélié.

ULANGENG 17:2

Rékko muwéngkalingai makkedaé risala séddinna kotamu engka tau madosa lao ri Puwang Allataalamu nasaba najjalékkaiwi assijancingngé

ULANGENG 17:5

tau iya pasalaé harusu'i ritiwi ri saliweng kota sibawa rigenrung batu gangka maté.

ULANGENG 27:26

‘Tattanroi tau iya dé'é narupaiwi hukkung sibawa pappagguruwanna Allataala sibawa pangkaukeng.’ ‘Aming!’ ”

ULANGENG 32:2

Tennapodo pappagguruwakku nonnoi pada-pada bosié, sibawa ada-adakku tetti pada-pada cinoddoé, samanna bosi canecci ri tompo'na wella-wellaé, pada-pada bosi rajaé ri yasé'na tanet-tanengngé.

IBRANI 1:1

Wettu riyolo maléwe' senna' Allataala mabbicara lao ri néné-nénéta naolai nabi-nabié sibawa pakéi maddupa-rupang cara.

IBRANI 10:28

Tau iya dé'é naturusiwi hukkung iya nabbéréyangngé Musa, rihukkung matéi tenriyaddampengeng, rékko nasabbingngi duwa tellu tau, pabuttiwi pasala.

IBRANI 10:35

Rimakkuwannanaro, aja' mupettu paddennuwang, saba' rékko tette'ko mateppe' engka saro battowa untu'mu!

IBRANI 11:26

Napérasaiwi Musa makkedaé mabélai lebbi mangke' untu' lolongeng pappakatuna nasaba Arung Pappassalama'é iya najjanciyangngéro Allataala naiya lolongengngéngngi sininna waramparanna wanuwa Maséré', nasaba namménasaiwi Musa apolénna ri esso ri munri.

IBRANI 11:6

Temmateppe, dé' muwi séddi tau mulléi sennangiwi atinna Allataala. Saba' tau iya laowé ri Allataala harusu'i mateppe' makkedaé engka Allataala sibawa Allataala mpale'i tau iya sappaéngngi.

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

2 PETRUS 1:19

Iyanaro saba'na natalebbi mateppe' lao ri pasenna Allataala iya nabbirittangngé sininna nabié. Makessingengngi rékko mupénessaiwi pasengngéro, saba' iyaro pasengngé pada-padai lampu iya mattappaé ri onrong mapettangngé narapi mompo essoé, sibawa tappa wéttowing alaué mattappa ri laleng atimmu.

YUDAS 1:5

Iya manennaro pura muwissenni. Namuni macinnaka paréngngerangiko passalenna pékkugi Puwangngé passalama'i umma' Israélié polé ri Maséré', iyakiya rimunri napaccappui sining tau iya dé'é namateppe' ri yelle'na mennang.