IBRANI 13:16 - KITTA KAREBA MADECENG

¹⁶ Aja' muwallupaiwi pogau'i makessingngé sibawa sisullé situlung, saba' iyanaé sining akkarobangeng iya pésennangiyéngngi atinna Allataala.

IBRANI 13:16 ပူးပေါင်းရင်းမြစ်များ

2 TESALONIKA 3:13

Iyakiya aja' mucau pogau' décéng.

ROMA 12:13

Tulungngi paggenne'i apparelluwanna sining tau Kristéng laingngé enrengngé tarimai Saudara-saudara siatepperengngé iya dé'é muwissengngi, sibawa ati masennang ri lalempolamu.

GALATIA 6:10

Jaji, ri wettu engkana mupa wettutta, sitinajaki pogau'i makessingngé lao ri sininna tauwé, lebbi-lebbipi lao ri Saudara-saudarata iya siyatepperengngé.

IBRANI 6:10

Allataala tenniya Allataala iya dé'é na adélé'. Dé' nallupaiwi aga iya mupogau'é lao ri Aléna, sibawa pammasé iya muwappitangngé lao ri Aléna wettunna mutulung Saudara-saudara siatepperengngé, riyolo sibawa makkekkuwangngé.

1 TIMOTIUS 6:18

Pangajariwi mennang untu' mappaitangngi akessingengngé, untu' pogau'i maéga gau'-gau' iya makessingngé, masémpo ati sibawa napoji mabbéré.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.

EFESUS 4:28

Tau iya biyasaé ménnau harusu'i mappésau ménnau. Sibalé'na harusu'i majjama kuwammengngi lolongengngi dallé sibawa malempu enrengngé naulléi tulungngi tau iya akurangengngé.

1 TESALONIKA 5:15

Jagaiwi kuwammengngi aja' naengka wale'i jaé sibawa ja. Akkuragano untu' tuli pogau'i madécéngngé, séddié lao ri laingngé sibawa lao ri sininna tauwé.

RIWAYA'NA RASUL-RASUL-E 10:38

Muwissenni makkedaé Allataala pura piléi Yésus tau Nazarét-éro sibawa mpéréngngi Rohna Allataala nasibawang akuwasang. Muwisseng toni makkedaé iyaro Yésus laowi kégi-kégi untu' pogau' décéng; napajjappa manengngi tau nakuwasaiyé Ibillisi', saba' Allataala sibawangngi.

LUKAS 18:22

Naéngkalingana iyaro, makkedani Yésus, “Engka mupa séddi passaleng harusu' mupogau': Balu'ni sininna appunnangemmu, namuwéréngngi ellinna tau kasiyasié, namulolongeng matu waramparang ri surugaé. Purairo laono maccowéri-Ka.”

MAZMUR 37:3

Ateppe'no lao ri Puwangnge sibawa pogau'ni iya makessingngé, onrono ri wanuwaéro enrengngé kédono sibawa matinulu.

3 YOHANES 1:11

Saudara iya upojiyé, aja' muturusiwi aga iya majaé. Turusiwi aga iya makessingngé. Tau iya pogau'éngngi iya makessingngé, iyanaritu appunnangennai Allataala. Sibawa tau iya pogau'éngngi iya majaé, dé'pa naissengngi Allataala.

GALATIA 6:6

Tau iya tarimaéngngi pappagguruwanna Kristus, sitinajai mabbagé sibawa gurunna sininna iya makessingngé iya engkaé ri aléna.

FILEMON 1:6

Massempajakka tennapodo assilessuretta selaku tau mateppe' powassélé'i matu pappéjeppu iya lebbi battowaé nasaba sininna barakka iya riyappunnangiyé nasaba masséddiki sibawa Kristus.

FILIPI 4:14

Iyakiya puraka mutulung ri laleng asusakku; na aga iya mupogau'éro mémeng makessing.

RIWAYA'NA RASUL-RASUL-E 9:36

Ri Yopé engka séddi tau makkunrai riyaseng Tabita. Séddiwi tau mateppe' ri Yésus. (Asenna ri laleng basa Yunani iyanaritu Dorkas, bettuwanna jonga.) Tuli napogau'i gau'-gau' makessingngé sibawa natulungngi sining tau kasiyasié.

MAZMUR 51:19

Akkarobangeng untu' Allataala iyanaritu ati iya ancuru'é, ati iya tunru'é sibawa toba'é dé' Musampéyangngi.