IBRANI 13:1 - KITTA KAREBA MADECENG

¹ Sitinajako tette' mamaséiwi séddié lao ri laingngé selaku sining tau Kristéng iya massilessurengngé.

IBRANI 13:1 ပူးပေါင်းရင်းမြစ်များ

MAZMUR 133:1

Elong ziyarana Daud. Temmaka kessinna sibawa sennanna, rékko umma'-Na Allataala tuwoi sipammasé-masé!

YOHANES 15:17

Iyanaé parénta-Ku lao ri iko: Amaséiwi séddié lao ri laingngé.”

RIWAYA'NA RASUL-RASUL-E 2:1

Wettunna narapi Esso Péntakostaé, maddeppungenni sininna tau mateppe'é riséddié onrong.

RIWAYA'NA RASUL-RASUL-E 4:32

Sininna tau iya mateppe'énnaro tuwoi masséddi ati sibawa sinyawa. Dé' séddi tau polé ri mennang mangga'i makkedaé aga nappunnai iyanaritu appunnangeng aléna. Sininna engkaé ri aléna, napakéi mennang massibawa.

GALATIA 5:13

Purani riyobbi Saudara untu' mancaji tau iya maradéka'é. Iyakiya aja' naripaké iyaro amaradékangngé untu' matteru-teru pogau'i agi-agi iya muwacinnaiyé pogau'i. Sibalé'na harusu'ko sisullé siyamaséyang sibawa situmaningi.

GALATIA 5:22

Sibalé'na rékko ripimpingngi tauwé ri Rohna Allataala, iyanaé wassélé'na: Sisulléi siyamaséi, marennui mennang, mappunnai mennang adaméngeng, sabbara'i mennang sibawa masémpo ati, makessingngi mennang lao ri tau laingngé, matinului mennang,

GALATIA 5:6

Saba' rékko masséddini sibawa Kristus Yésus, passaleng turusiwi iyaré'ga temmaccowériwi peraturanna sunna'é dé'na nancaji soal. Iya pentingngé banna teppe' lao ri Kristus, na iyaro manessai ri laleng pammaséta lao ri tau laingngé.

EFESUS 4:3

Akkuragano tonget-tongeng untu' tuwo sibawa damé kuwammengngi asséddiyang iya napakangkaé Rohna Allataala tette'i tappiyara.

EFESUS 5:2

Atuwommu sitinajai rinyawaiwi ri pammasé, pada-padato Kristus mamaséiki. Nakkarobangengngi aléna untu' idi, selaku séddi pakkasuwiyang iya mabaué sibawa pésennangiyéngngi atinna Allataala.

2 TESALONIKA 1:3

Saudara-saudara, tuli waji'ki mattarima kasi lao ri Allataala nasaba iko. Na mémeng sipato'ki pogau'i makkuwaéro, saba' pédé' mateppe'ko lao ri Kristus, enrengngé pédé' mamaséiwi séddié lao ri laingngé.

IBRANI 10:24

Na sitinajaki sisullé sijampangi, kuwammengngi naweddikki sisullé mabbéré sumange' untu' péneddingiwi sibawa pogau'i gau'-gau' iya makessingngé.

1 PETRUS 1:22

Nasaba mapatoko ri pappagguruwang polé ri Allataala, namupépaccingiwi alému sibawa mamaséiwi sining tau siatepperengngé sibawa macenning. Rimakkuwannanaro, sitinajako mamaséiwi séddié lao ri laingngé sibawa sukku atinna.

1 PETRUS 2:17

Angke'i sininna tauwé, amaséiwi saudara-saudaramu pada-padammu Kristéng. Etauno lao ri Allataala, sibawa pakalebbii Kaisar.

1 PETRUS 3:8

Rippe'na iyanaritu: sitinajai Saudara-saudara masséddi ada. Sitinajako sisullé siyamasé-maséi pada-pada tau massilessurengngé. Sibawa sitinajako sisullé siesséyang babuwa sibawa kédo pakariyawai alé.

1 PETRUS 4:8

Lebbi nasini-sininnaé, sitinajako tonget-tongeng siyamaséi séddié lao ri laingngé, saba' ri laleng sisullé siyamaséi, tuli sadiyako matu untu' sisullé siyamaséi.

2 PETRUS 1:7

Sibawa tuwo situru élona Allataala harusu towi ripassakke sibawa pammasé pappoji lao ri sellao-sellao pada-padatta Kristéng. Nainappa sitinajai pammasé pappojimmu lao ri saudara-saudara pada-padatta Kristéng ritambai sibawa pammasé lao ri sininna tauwé.

1 YOHANES 3:23

Iya napparéntangngé lao ri idi iyanaritu: Harusu'ki mateppe' lao ri Ana'-Na, iyanaritu Yésus Kristus, sibawa harusu'ki sisullé siyamaséi, pada-pada iya puraé napparéntang Kristus lao ri idi.

1 YOHANES 4:20

Rékko séddié tau makkeda, “Iyya uwamaséiwi Allataala,” iyakiya dé' namaséiwi saudarana, iyaro tauwé pabbelléng. Saba' tau iya dé'é namaséiwi saudarana iya naitaé, dé' nakkullé namaséiwi Allataala iya dé'é naitai.

WAHYU 2:4

Iyakiya iyanaé pappotane'-Ku lao ri iko: Dé'tona muwamaséi-Ka pada-pada bunge'na.