IBRANI 12:3 - KITTA KAREBA MADECENG

³ Coba pikkiri'i pékkugi anrasa-rasanna Yésus moloiwi sining tau madosaé iya méwaéngngi Aléna sibawa makkuwamani serona! Rimakkuwannanaro aja' mumarenni ati sibawa pettu paddennuwang.

IBRANI 12:3 ပူးပေါင်းရင်းမြစ်များ

AMSAL 24:10

Rékko pettu paddennuwakko ri laleng keadaang bahayaé, tau malemmako.

YESAYA 50:4

Puwang Iya Pommatanré pagguruka mabbicara, kuwammengngi ada-adakku napéwatangiwi tau iya malemmaé. Elé-élé Napatokkong cinnaku untu' mapparéngkalingangngi pappagguruwan-Na ri aléku.

MATIUS 11:19

Namakkekkuwangngé poléni Ana'na Tolinoé – manréi sibawa ménung; nakkeda sining tauwé, ‘Itai tauwéro! Mabélala, pammabokeng, sellaonai passinge' simaé sibawa tau madosaé.’ Namuni makkuwaro, apanrénna Allataala pabuttiwi polé ri wassélé'-wassélé'na.”

MATIUS 12:24

Wettunna naéngkalinga sining tau Farisié, mappébalini mennang, “Iyaé banna naulléi paddésu'i sétangngé, nasaba Béélzébul, kapalana sining sétangngé, pura mpéréngngi iyaro akuwasangngé lao ri Aléna.”

MATIUS 15:2

“Magi ana'-ana' gurum-Mu najjalékkaiwi ade'na toriyolota? Wettu maélona manré, dé' mennang nabbissa jari lebbi riyolo situru peraturangngé!”

MATIUS 21:23

Nainappa lisuni Yésus ri Bolana Puwangngé, nanauttama sibawa mappagguru kuwaro. Wettun-Na mappagguru, poléni kapala-kapala imangngé sibawa sining pamimpinna Yahudié ri Aléna nanakkutana, “Aga nallalengi na-Mupogau'i iya manennaro? Niga mpérék-Ko ha'?”

MATIUS 21:46

Jaji makkuragani mennang tikkengngi. Iyakiya métaui lao ri tau maégaé, saba' iyaro tau maégaé nangga'i Yésus séddiwi nabi.

MATIUS 22:15

Nainappa sining tau Farisié sibawani lao barunding passalenna pékkugi mennang wedding palaiwi siyo-siyo Yésus sibawa pakkutana-pakkutanana.

LUKAS 14:1

Riséuwaé esso Saba' laowi Yésus manré ri bolana séddié tomariyolona tau Farisié. Naripénessaina tonget-tongeng Yésus kuwaro risining tauwé.

LUKAS 15:2

Sining tau Farisié sibawa guru-guru agamaé mammulani mannoko'-noko'. Makkedai mennang, “Cih, iyaé tauwé natarimai sining tauwé iya dé'é namakessing sibawa mala manréi sisama mennang!”

LUKAS 16:14

Naéngkalingani sining tau Farisié iya napowadaé Yésus. Nainappa mennang cawa-cawaiwi, saba' napoji mennang dowié.

LUKAS 2:34

Ribarakkakini mennang ri Siméon sibawa makkeda lao ri Maria, indo'-Na iyaro Anana'é, “Iyaé Anana'é purani napilé Allataala untu' paccappui sibawa passalama'i maéga tau Israélié. Mancajiwi matu tanrang polé ri Allataala, iya naéwaé matu maéga tau,

LUKAS 5:21

Sining guru agamaé sibawa sining tau Farisié mammulani makkeda séddié lao ri laingngé, “Niga iyaé tauwé nabarani cellai Allataala? Niga wedding maddampengengngi dosaé, rilainnaé Allataala?”

YOHANES 10:20

Maéga makkeda, “Nauttamakiwi sétang! Jangengngi! Untu' aga muwéngkalingai?”

YOHANES 18:22

Wettunna Yésus makkeda makkuwaro, sala séddinna pengawal-é kuwaro leppa'i sibawa makkeda, “Barani senna'-Ko mabbicara makkuwaro lao ri imang lompoé!”

YOHANES 5:16

Narimakkuwannanaro makkuragani mennang callai Yésus, saba' purai napajjappa tauwé ri esso Saba'é.

YOHANES 7:12

Maéga tau mammula mabbici'-bici' passalenna Aléna. Engka makkeda, “Tau décéngngi.” Engkato makkeda, “Dé'! Napapusai tau maégaé.”

YOHANES 8:13

Nakkeda sining tau Farisiéro lao ri Yésus, “Makkekkuwangngé mabbéréko asabbiyang passalenna alému. Iyaro asabbiyam-Mu dé' natongeng.”

YOHANES 8:52

Nanakkeda sining tau Yahudiéro lao ri Yésus, “Riissenni makkekkuwangngé nauttamaki tongek-Ko sétang! Maténi Abraham, makkuwatoro sininna nabi-nabié. Iyakiya makkeda-Ko, ‘Tau iya turusiyéngngi adak-Ku, lettu mannennungeng dé' namaté matu.’

YOHANES 8:59

Napada malana batu sining tau Yahudiéro untu' genrungngi Yésus; iyakiya mallekke'i Yésus, nappa lao nasalaiwi Bolana Allataala.

YOHANES 9:40

Engka siyagangngaré tau Farisi iya engkaé kuwaro naéngkalingai Yésus makkeda makkuwaro, nanakkutana mennang lao ri Yésus, “Akkatta-Mu idi'é buta tokki?”

1 KORINTUS 15:58

Rimakkuwannanaro, Saudara-saudara iya uwamaséiyé, sitinajako mawatang sibawa makkamasé. Ajjamani' matteru untu' Puwangngé sibawa mattonget-tongeng, saba' muwissenni makkedaé sininna iya mupogau'é untu' Puwangngé, dé' nasiya-siya matu.

2 KORINTUS 4:1

Ripogau'i iyaé jama-jamangngé nasaba asémpo atinna Allataala. Iyanaro saba'na nadé' tapettu paddennuwang.

2 KORINTUS 4:16

Iyanaro saba'na dé' napettu paddennuwang. Namuni secara mallahérekki pédé' tattamba masolakki, iyakiya secara baténg esso-essoki ripancaji baru.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.

ULANGENG 20:3

‘Saudara-saudara, éngkalingai! Iyaé essoé majuko mammusu. Aja' mumétau iyaré'ga marenni ati iyaré'ga malippu.

2 TESALONIKA 3:13

Iyakiya aja' mucau pogau' décéng.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 12:5

Sibawa aja' muwallupaiwi pangajana Allataala, iyaé nawérékko selaku ana'-ana'-Na! “Ana'-Ku, pénessaiwi madécéd-décéng pappagguruwanna Puwangngé, na aja' mumarenni ati rékko Nacairiko.

IBRANI 3:1

Saudara-saudara pada-padatta Kristéng iya puraé riyobbito ri Allataala! Coba pikkiri'i malamul-lamung passalenna iyaé Yésus! Allataala suroi Aléna banna untu' mancaji Imang Lompo ri laleng agama iya riyaccowériyé.

1 PETRUS 2:23

Iyaro wettué rirodda-roddaiwi, dé' nappébali sibawa makkarodda-karodda. Wettunna manrasa-rasa, dé' nangancang; banna nabbéréyangngi parakara-Na lao ri Allataala, Haking iya adélé'éro.

WAHYU 2:3

Sabbara'ko enrengngé manrasa-rasako nasaba Iyya, nadé' mupettu paddennuwang.

1 SAMUEL 12:24

Pakalebbii Puwangnge sibawa attumanino ri Aléna sibawa matinulu nenniya sukku atimmu. Engngerangngi matu sining pangkaukeng battowa iya puraé Upogaukekko.