IBRANI 11:8 - KITTA KAREBA MADECENG

⁸ Nasaba mateppe'i, namatinulu Abraham ri Allataala wettunna Allataala mobbii sibawa suroi lao ri ri wanuwa iya najjanciyangngé Allataala ri aléna. Nanajoppana Abraham sibawa dé' naissengngi kégi maélo lao.

IBRANI 11:8 ပူးပေါင်းရင်းမြစ်များ

KAJAJIYANG 11:31

Nasalaiwi Térah kota Ur ri Babilonia silaong Abram ana'na, Lot eppona, enrengngé Sarai ménéttunna, iyanaritu bainéna Abram. Akkattana maéloi lao ri wanuwa Kanaan. Iyakiya lettu'na ri Haran, mattette'ni mennang kuwaro.

KAJAJIYANG 12:7

Nappaitanni aléna Puwangnge lao ri Abram sibawa makkeda lao ri aléna, “Iyanaé wanuwa iya maéloé Uwabbéréyang lao ri wija-wijammu.” Nainappa patettonni Abram séddi mézba kuwaro untu' Puwang iya puraé mappaitangngi aléna lao ri Abram.

KAJAJIYANG 15:5

Natiwini Puwangnge massu Abram nainappa makkeda ri aléna, “Itai langié, sibawa cobani bilangngi sining wéttowingngé; mappunnaiko matu wija-wija singngéga sining wéttowingngéro.”

KAJAJIYANG 17:8

Maélo-Ka mpérékko sibawa wija-wijammu, iyaé tanaé, iya muwonroiyé makkekkuwangngé selaku tau laing. Sininna tana Kanaan mancajiwi matu appunnangenna ana' eppomu untu' mannennungeng sibawa maélo-Ka mancaji Allataalana mennang.”

KAJAJIYANG 20:13

Na wettunna Allataala suroka salaiwi bolana ambo'ku sibawa sollé ri wanuwa-wanuwa laingngé, makkedaka lao ri bainéku, ‘Pannessani atinuluremmu lao ri iyya sibawa makkeda lao ri tungke' tauwé makkedaé iyya'é kakamu.’ ”

KAJAJIYANG 22:18

Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada purana Ubarakkaki wija-wijammu – nasaba purani muturusi parénta-Ku.”

KAJAJIYANG 26:3

Maélo-Ka linrungiko sibawa barakkakiko. Sininna daéraéwé maéloka mpérékko sibawa wija-wijammu. Maélo-Ka rupaiwi janci iya puraé Uwabbéréyang lao ri Abraham, ambo'mu.

YESAYA 41:2

Niga pakédoi panguwasa polé alaué, sibawa mpéréngngi apakalang matteru-teru? Niga mébbui cau bangsa-bangsaé, sibawa patunru'i arung-ngarungngé untu' aléna? Peddanna mébbui mennang tassiyampo pada-pada awué, panana patassiyampoi mennang pada-pada daramé nairi anging.

YESAYA 51:2

Engngerangngi néné-nénému Abraham sibawa Sara; wettuk-Ku mobbii Abraham, dé' nappunnai ana'; nainappa Ubarakkaki sibawa Uwéréng wija-wijanna iya maégaé.

YEHEZKIEL 36:24

Polé ri tungke bangsa sibawa wanuwa, Upaddeppungekko matu sibawa Upalisu lao ri tanamu muto.

ABBILANGENG 10:30

Nappébali Hobab, “Tarima kasi, iyakiya macinnaka lisu ri kampong assalekku.”

MATIUS 2:21

Moto'ni Yusuf, nanatiwii iyaro Ana'é sibawa Maria lisu ri Israél.

ROMA 1:5

Naola towi Aléna nawérékka Allataala pammasé mancaji rasul, kuwammengngi – untu' pakalebbii Kristus – upimpingngi sining tauwé polé ri sininna bangsaé kuwammengngi namateppe' sibawa matinulu.

ROMA 10:16

Iyakiya dé' nasininna tauwé tarimai Karéba Madécéngngéro. Saba' makkedai Yésaya, “Puwang, nigana mateppe' ri karébatta?”

ROMA 6:17

Iyakiya sukkuru'ki lao ri Allataala! Saba' riyolo mancaji atannako dosaé, iyakiya makkekkuwangngé sukku atinna saudara turusiwi pappagguruwang tongengngé iya puraé riwérékko.

2 KORINTUS 10:5

sibawa leppoi sining bénténg atempongeng iya napatettongngé untu' méwai pangissengengngé passalenna Allataala. Ritawangngi pikkiranna sining tauwé sibawa mébbui mennang tunru' lao ri Kristus.

IBRANI 11:33

Nasaba mateppe'i, napurai mennang nacau sining akkarungengngé. Napogau'i mennang aga iya tongengngé, angkanna natarimai aga iya najjanciyangngé Allataala. Natongkoi mennang sining bawana singaé,

IBRANI 5:9

Na puranana ripancaji pappassalama' iya sukkué, mancajiwi assalenna asalamakengngé iya mannennungengngé lao ri sininna tau iya matinulué ri Aléna,

YOSUA 24:3

Nainappa Uwala Abraham, ambo'na toriyolomuro, polé ri wanuwa ri liwenna Efratro, sibawa suroi jalajja'i sininna wanuwa Kanaan. Uwéréngngi maéga wija. Bunge-bunge'na Uwéréngngi Ishak,

1 PETRUS 1:22

Nasaba mapatoko ri pappagguruwang polé ri Allataala, namupépaccingiwi alému sibawa mamaséiwi sining tau siatepperengngé sibawa macenning. Rimakkuwannanaro, sitinajako mamaséiwi séddié lao ri laingngé sibawa sukku atinna.

1 PETRUS 3:1

Makkuwatoro iko, sining bainé, harusu'i tunru' lao ri lakkaié kuwammengngi rékko ri yelle'na mennang engka iya dé'é namateppe' lao ri biritta polé ri Allataala, ampé-ampému naullé mébbui mennang mancaji mateppe'. Nadé' naparelluko powadai aga-aga lao ri mennang,

1 PETRUS 4:17

Narapini wettunna Allataala madélékiwi linoé. Na umma'na muto Allataala riadéléki matu riyolo'. Nah, rékko Allataala maélo pammulaiwi ri idi, pékkugiwi jajinna matti sibawa sining tau iya dé'é namateppe' lao ri Karéba Madécéng polé ri Allataalaro?