IBRANI 11:7 - KITTA KAREBA MADECENG

⁷ Nasaba mateppe'i, naripaissengi Nuh ri Allataala passalenna gau'-gau' iya maéloé kajajiyang ri mangoloé, iya dé'é naulléi mitai. Matinului Nuh ri Allataala angkanna mébbui séddi kappala iya passalama'éngngi aléna silaong kaluwargana. Nanallalengiro rihukkungngi linoé, sedangkang Nuh ripannessai ri Allataala selaku tau iya makessingngé nasaba teppe'na.

IBRANI 11:7 ပူးပေါင်းရင်းမြစ်များ

KAJAJIYANG 19:14

Nanalaona Lot méwai sita iya duwa tunanganna iya duwa ana'na, sibawa makkeda, “Asitta'no massu polé ri onrongngéwé, saba' maéloi Puwangnge mancuru'i.” Iyakiya nasemmi Lot mabbonga-bonga bawang.

KAJAJIYANG 6:13

Nanakkeda Allataala lao ri Nuh, “Purani upettui untu' paccappui atuwonna sininna mahlu'é. Maéloka paccappui mennang silaong linoé, nasaba pennoni linoé sibawa abeccokenna mennang.

KAJAJIYANG 6:22

Napogau'ni Nuh sininna iya napparéntangngé Allataala lao ri aléna.

KAJAJIYANG 6:9

Iyanaé riwaya'na Nuh. Mappunnaiwi tellu ana' worowané, iyanaritu Sém, Yafét sibawa Ham. Dé' napogau'i Nuh salaé, sibawa alé-aléna bawang tau tongeng ri wettunna. Tuwoi sibawa maréppé ri Allataala.

KAJAJIYANG 7:5

Nanapogau'ni Nuh sininna iya napparéntangngé Puwangnge lao ri aléna.

KAJAJIYANG 8:16

“Assuno polé ri kappala'éro silaong sibawa bainému, ana'-ana'mu sibawa sining bainéna mennang.

2 ARUNG-NGARUNG 4:5

Nalisuna iyaro makkunraié ri bolana. Muttama'nana silaong ana'-ana'na sibawa sului tange'na bolaé, nalani botolo baiccu iya mallise'é minnya zaitunro, nainappa natiri iyaro minnya'é ri laleng botolo-botolo iya riwéréngngéngngi ri ana'-ana'na.

AYUB 35:8

Banna pada-padammu iya naparogiyé dosa-dosamu. Alénato makkésaro polé ri akessingemmu.

AMSAL 22:3

Tau mapanré léssé rékko mitai bahaya; tau madonggoé joppai matteru nainappa nakenna abala.

AMSAL 27:12

Tau mapanré lésséi rékko mitai bahaya; tau madonggoé joppai matteru narikenna ri abalaé.

YEHEZKIEL 14:14

Namuni Nuh, Danél sibawa Ayub monro ri onrongngéro, akessingenna mennang sipattellu banna naulléi passalama'i nyawana muto mennang bawang. Iyya, Puwang Iya Pommatanré pura mabbicara.

YEHEZKIEL 14:20

Namuni Nuh, Danél sibawa Ayub monro kuwaro, nasaba Iyya, Allataala iya tuwoé, Puwang Iya Pommatanré, dé' naulléi matu mennang passalama'i muwi niga, mala ana'na mennang dé'to. Banna aléna mennang bawang iya salama'é nasaba akessingenna.”

MATIUS 2:12

Napparéngngerangenni Allataala lao ri mennang ri laleng nippi kuwammengngi aja' nalisu ri Hérodés. Jaji lisuni mennang molai laleng laingngé.

MATIUS 24:15

“Muwitai matu ‘Ja iya paancuru'é’, pada-pada napowadaé Nabi Daniél, tettong ri onrong mapaccingngé. (Papparéngngerang lao ri pabbacaé: Pénessaiwi aga bettuwanna.)

MATIUS 24:25

Jaji, éngngerangngi! Purano upowadang lebbi riyolo riwettu dé'napa nakajajiyang iyaro gau'é.

MATIUS 24:38

Ri esso-esso dé'napa nalémpe raja, sining tauwé manréi, minungngi sibawa bottingngi. Makkuwaniro matteru-teru narapi esso nauttamakiyé Nuh ri laleng kappala'é.

MATIUS 3:7

Maégato tau Farisi sibawa Saduki lao ri Yohanés untu' ricemmé. Iyakiya wettunna mennang naita polé, makkedani lao ri mennang, “Tau majako iko! Niga powadai makkedaé weddikko leppe' polé ri pahukkungenna Allataala iya maéloé polé?

LUKAS 17:26

Ri esso riyappaitanna matu Ana'na Tolinoé, keadaanna pada-padai ri wettunna Nuh riyolo.

ROMA 1:17

Saba' nasibawang iyaro Karéba Madécéngngé, nappaitangngi pékkugi carana assisumpungenna rupa tauwé sibawa Allataala mancaji madécéng paimeng; carana iyanaritu mateppe' ri Allataala, mappammulai pammulanna lettu paccappureng. Iyaro pada-padai tarokié ri laleng Kitta'é, “Tau mateppe'é ri Allataala angkanna assisumpungenna sibawa Allataala madécéng paimeng, iyaro tauwé tuwoi matu!”

ROMA 10:6

Iyakiya passalenna carana tauwé simadécéngeng sibawa Allataala situru atepperenna lao ri Allataala, napowadai Kitta'é makkedaé, “Aja' lalo namuwakkeda ri laleng atimmu, ‘Nigana ménré ri surugaé?’ (bettuwanna tiwii Kristus nonno),

ROMA 3:22

makkedaé Allataala mpéréngngi pakkulléng tolinoé simadécéngeng sibawa Allataala, banna rékko rupa tauwé mateppe'i ri Yésus Kristus. Napogau'i Allataala iyaé untu' sininna tau iya mateppe'é ri Kristus; saba' dé'gaga assilaingenna:

ROMA 4:11

Ri munriwi risunna, sibawa iyaro sunna'na banna selaku tanrang makkedaé Allataala pura tarimai selaku tau iya pésennangiyéngngi atinna Allataala, nasaba mateppe'i ri Allataala. Ritarimai ri Allataala riwettu dé'napa naccowériwi peraturang sunna'é. Sibawa Abraham mancaji ambo'i secara baténg lao ri sininna tau iya mateppe'é ri Allataala, sibawa iya nassabariyé pura ritarimai ri Allataala selaku tau iya pésennangiyéngngi atinna Allataala, namuni mennang dé' naccowériwi peraturang sunna'é.

ROMA 4:13

Majjanciwi Allataala lao ri Abraham sibawa wija-wijanna makkedaé iyaé linoé mancajiwi matu appunnangenna Abraham. Majjanci makkuwairo Allataala tenniya nasaba matinului Abraham ri hukkunna agama Yahudié, iyakiya nasaba mateppe'i lao ri Allataala angkanna ritarimai ri Allataala selaku tau iya pésennangiyéngngi atinna Allataala.

ROMA 9:30

Jaji, rippe'na iyanaritu iyaé: Bangsa-bangsa laingngé iya tenniyaé Yahudi dé' nakkuraga kuwammengngi assisumpungenna mennang sibawa Allataala mancaji makessingngi paimeng. Iyakiya nasaba mateppe'i mennang, nanaébbui Allataala assisumpungenna mennang sibawa Allataala mancaji makessingngi paimeng.

GALATIA 5:5

Iyakiya untu' idi, mamménasaki makkedaé nasibawang pattulunna Rohna Allataala sibawa nallalengi teppe'ta lao ri Kristus, napakkulléki Allataala simadécéngeng sibawa Aléna.

FILIPI 3:9

sibawa tonget-tongeng masséddi sibawa Aléna. Assisumpungeng iya makessingngé sibawa Allataala, dé'na na iyya musahakangngi sibawa naolai laleng matinulué lao ri hukkung agamaé. Makkekkuwangngé mappunnaika assisumpungeng iya makessingngé sibawa Allataala, nasaba mateppe'ka lao ri Kristus. Jaji, assisumpungeng iya makessingngéro poléi ri Allataala, sibawa nassabari teppe' lao ri Yésus Kristus.

IBRANI 11:1

Mateppe' bettuwanna majeppuiwi tonget-tongeng gau'-gau' iya riyamménasaiyé; bettuwanna mappunnai attentung lao ri gau'-gau' iya dé'é nariita.

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

IBRANI 8:5

Jama-jamang iya napogau'é mennang selaku imanro sitongenna banna séddi gambara sibawa wajo-wajo polé ri aga iya engkaé ri surugaé. Iyaro purani nappaddissengeng Allataala lao ri Musa riyolo, wettunna Musa maélo patettongngi Kémana Puwangngé. Makkeda makkuwaiyé Allataala lao ri Musa, “Engngerangngi! Iya manennaro harusu'i uwébbu situru conto iya napaitangngékko ri yasé'na bulué.”

1 PETRUS 3:20

iyanaritu rohna sining tau iya dé'é namateppe' ri Allataala ri wettunna Nuh. Iyaro wettué mattajengngi Allataala sibawa sabbara ri wettu naébbuna mupa Nuh kappala'na. Banna sining tau iya engkaé ri kappala'é bawang – iya manenna aruwa tau – iya ripassalama'é naolai lémpe loppoéro.

2 PETRUS 1:1

Saudara-saudara iya tonget-tongengngé mateppe' pada-pada idi! Yésus Kristus, iyanaritu Allataala sibawa Arung Pappassalama'ta, nakkulléngiki mateppe' ri Aléna, nasaba napogau'i iya tongengngé. Iyaé sure'é poléi ri Simon Pétrus, séddiwi ata sibawa rasulna Yésus Kristus.

2 PETRUS 2:5

Makkuwatoro sibawa linoé ri wettu riyolo, dé' naleppessangngi Allataala leppe' polé ri pahukkungenna. Allataala kiring lémpe raja ri linona sining tau majaé ri wettuéro. Banna Nuh silaong pitu tau laing bawang ripassalama', nasaba Nuh patassiyai biritta passalenna iya naéloriyé ri atinna Allataala.

2 PETRUS 3:6

kuwaéttopa nasibawang towi uwai, iyanaritu uwai polé ri lémpe rajaé, iyaro linoé riyolo ripabbinasai.