IBRANI 11:4 - KITTA KAREBA MADECENG

⁴ Nasaba mateppe'i, na Habél makkasuwiyangengngi lao ri Allataala akkarobangeng iya lebbi makessingngé naiya akkarobangenna Kaing. Nasaba teppe'naro, ritarimai Habél ri Allataala selaku tau iya makessingngé; saba' manessani makkedaé Allataala tarimai pakkasuwiyanna. Maténi Habél, iyakiya nasaba teppe'naro, mabbicara mupi lettu makkekkuwangngé.

IBRANI 11:4 ပူးပေါင်းရင်းမြစ်များ

KAJAJIYANG 4:10

Nanakkeda Puwangnge, “Magi mupogau'i gau' iya mappakatau-tauéro? Mangobbii darana anrimmu polé ri tanaé lao ri Iyya, pada-pada sadda iya goraé méllau pakkabale.

KAJAJIYANG 4:15

Iyakiya makkedai Puwangnge, “Dé'. Rékko riyunoko, selaku pamale'na, pitu tau muttama'ni iya mpunoékkoro riyuno towi matu.” Nainappa Puwangnge taro tanrang ri Kain kuwammengngi nigi-nigi iya siruntu'é aléna dé' naunoi.

KAJAJIYANG 4:25

Adam sibawa bainéna lolongessi séddi tau ana' worowané. Adanna Hawa, “Allataala pura mpérékka ana' worowané selaku passulléna Habél, iya puraé nauno Kain.” Rimakkuwannanaro nasenni Hawa iyaro ana'é Sét.

KAJAJIYANG 4:8

Nakkeda Kain lao ri Habél, anrinna, “Laono mai talao ri dare'é.” Wettunna mennang lettu kuwaro, naluruini Kain sibawa naunoi Habél anrinna.

1 ARUNG-NGARUNG 18:38

Nanakirinna Puwangnge api polé ri langié nanatunui gangka mangu akkarobangngéro silaong aju tununna, sining batunna sibawa tanana enrengngé lépe'i gangka cappu uwai iya engkaé ri laleng sépe'éro.

AYUB 8:10

Engkalingai ada-adanna tau mapanréro riyolo, nabbéréyangngi mennang pappagguruwangngéwé lao ri iko.

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

AMSAL 21:27

Dé' namasennang Puwangnge sibawa pakkasuwiyanna tau madorakaé, lebbi-lebbiwi rékko riyakkasuwiyangengngi sibawa akkatta iya majaé.

ANGIMANGENG 9:24

Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

MATIUS 23:35

Rimakkuwannanaro, rihukkukko matu nasaba abbunowang iya mupogau'é lao ri sininna tauwé iya dé'é asalanna – mappammulai riyunona Habél iya dé'é napasala, lettu riyunona Zakharia ana'na Bérékia, iya muwunoé ri pallawangenna Bolana Puwangngé sibawa mézbaé.

LUKAS 11:51

mappammulai riyunona Habél lettu riyunona Zakharia, iya kajajiyangngé ri pallawangenna mézbaé sibawa Bolana Puwangngé. Ateppe'no: Sining tauwé wettuéwé pasti rihukkungngi nasaba iya manennaro.

TITUS 1:16

Makkedai mennang makkedaé naissengngi mennang Allataala, padahal pangkaukenna mennang massakkarengngi. Mappakaciddi-ciddi mennang sibawa dé' namaélo turu'; mennang iyanaritu sining tau iya dé'é naulléi pogau'i séuwa iya makessingngé.

IBRANI 11:2

Nasaba teppe', nasining tau wettu labe'é ripésennangiwi ri Allataala.

IBRANI 12:1

Nah, passalenna aléta, ri mattulilitta engka maéga senna' sabbi! Rimakkuwannanaro, laono mai tabuwang manengngi iya tanekiyékki sibawa dosa iya matterué maddeppé ri idi. Sibawa laono mai tamattunru-tunru laloiwi akkabéttangengngé iya engkaé ri yolota.

IBRANI 12:24

Laoko mangolo ri Yésus, Pappasisumpung untu' assijancingeng iya mabaruéro; muwoloiwi pecci dara iya tanggungngéngngi gau'-gau' iya mabéla lebbi kessingngé naiya natanggungngé darana Habél.

IBRANI 5:1

Tungke' imang lompo ripiléi polé ri yelle'na umma'é, sibawa riyakka untu' tumaningiwi Allataala selaku wakkélé'na mennang. Jamanna iyanaritu makkasuwiyangengngi lao ri Allataala sining pabbéréna sibawa akkarobangeng-akkarobangenna untu' riyaddampengenna dosaé.

IBRANI 9:22

Mémeng manuru hukkunna agama Yahudié, céddé'pi nasininna séuwa-séuwaé ripaccingiwi sibawa dara; na dosaé banna weddingngi riyaddampengeng rékko engka dara ripatabbollong.

2 PETRUS 2:8

Ri tengnga-tengngana sining tau makkuwaéro, Lot iya makessingngéro tuwoi sibawa risissai baténna, nasaba esso-esso naitai sibawa naéngkalingai sining pangkaukenna mennang iya majaé.

YUDAS 1:11

Cilakani mennang! Naccowériwi mennang laleng iya naolaé Kaing. Kuwammengngi nalolongeng dowi, nassossorengngi aléna ri laleng lompo apusangngé, pada-pada Biléam. Nariancuru' tona mennang nasaba maronta'i pada-pada Korah.