IBRANI 11:3 - KITTA KAREBA MADECENG

³ Nasaba mateppe'i, na tapahangngi makkedaé iyaé alangngé ripancajiwi ri saddanna Allataala; jaji, aga iya weddingngé riita, kajajiyangngi polé ri aga iya dé'é nariyullé mita.

IBRANI 11:3 ပူးပေါင်းရင်းမြစ်များ

KAJAJIYANG 1:1

Pammulanna, wettunna Allataala mammula pancajiwi sininna alangngé,

MAZMUR 33:6

Mabbéréi parénta Puwangnge, nancaji langié; mata essoé, kétengngé sibawa wéttowingngé ripancajiwi ri ada-adan-Na.

MAZMUR 33:9

Saba' makkeda-adai, Naripancaji maneng; Namabbéréi parénta, naengka maneng.

YESAYA 40:26

Akkitano ri langié, sibawa pénessaiwi! Niga pancajiwi sining wéttowingngé? Aléna matoro'i mennang pada-pada pasukangngé, naisseng jumellana maneng mennang, sibawa mobbii tungke-tungke sibawa asenna. Dé' muwi séddi teddéng, nasaba battowana akuwasanna Puwangnge!

YEREMIA 10:11

Iko, éh umma, harusu paissengiwi mennang makkedaé déwata-déwata iya dé'é napancajiwi langié sibawa linoéro ripaccappui matu. Lennye'i matu polé ri tompo'na linoé.)

YEREMIA 10:16

Allataalana Yakub dé' napada-pada barahala-barahalaéro; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

YOHANES 1:3

Iya manenna ripancajiwi naolai Aléna, sibawa polé ri sininna iya engkaé, dé'gaga séddi dé' naripancaji polé ri Aléna.

RIWAYA'NA RASUL-RASUL-E 14:15

“Eh, magi mupogau'i iyaé? Idi'é tolino mutokki pada-pada Saudara! Engkaki kuwaé untu' mabbirittangngi Karéba Madécéngngé lao ri iko kuwammengngi namusalaiwi gau'-gau' iya dé'é nakkéguna namulao ri Allataala iya tuwoé, iya pancajiyéngngi langié sibawa linoé nenniya tasi'é enrengngé sininna iya engkaé ri lalenna.

RIWAYA'NA RASUL-RASUL-E 17:24

Allataala iya pancajiyéngngi linoéwé sibawa sininna lise'na, iyanaritu Puwanna langié sibawa linoé. Dé' naonro ri laleng bola-bola déwata iya naébbué tolinoé.

ROMA 4:17

Saba' makkeda makkuwaiyé Allataala lao ri Abraham, “Purano upancaji ambo' untu' maéga bangsa.” Makkuwaniro Allataala mabbéréyangngi iyaro jancié lao ri Abraham. Namateppe'i Abraham lao ri Aléna. Aléna ritu Allataala iya patuwoéngngi tau maté; Alénato Allataala iya makkedaé bawang nanaébbui aga iya dé'é naengka mancaji engka.

1 KORINTUS 2:7

Apanréng iya upangoloéro iyanaritu apanréng polé ri Allataala. Iyaro apanréngngé dé' naissengngi linoé, iyakiya Allataala pura passadiyangengngi untu' asennangetta riwettu dé'napa naripancaji linoéwé.

1 TIMOTIUS 4:5

Saba' barakka polé ri Allataala sibawa sempajangngé mébbui iyaro inanré mancaji hallala'.

IBRANI 1:2

Iyakiya ri wettu paccappurengngéwé mabbicarai lao ri idi naolai Ana'-Na. Naolai Ana'-Naé napancajiwi Allataala sininna alangngé. Sibawa purani napattentu Allataala makkedaé iyatonaé Ana'-Na iya mappunnaiyé ha' mappunnaiwi sini-sininnaé.

IBRANI 6:5

Naisseng mennang polé ri pangalamanna makkedaé iyaro ada-adanna Allataala makessingngi, sibawa purani napérasa mennang sining pammasé iya pennoé akuwasang polé ri wettu iya mangoloé.

2 PETRUS 3:5

Nattungka mennang dé' namaélo mangaku makkedaé riyolo Allataala pancajiwi langié sibawa linoé, polé ri saddan-Na; makkedaé ripancajiwi linoé polé ri uwai, enrengngé nasibawang uwai;

WAHYU 4:11

“Oh Puwang, oh Allataalata! Ikona ritu iya sitinajaé tarima pappojiyang, pappakalebbi sibawa akuwasang! Saba' Iko ritu pancajiwi sininna séuwa-séuwaé, enrengngé nasaba élo-Muto nasininna séuwa-séuwaéro kajajiyangngi sibawa tuwoi.”