IBRANI 11:1 - KITTA KAREBA MADECENG

¹ Mateppe' bettuwanna majeppuiwi tonget-tongeng gau'-gau' iya riyamménasaiyé; bettuwanna mappunnai attentung lao ri gau'-gau' iya dé'é nariita.

IBRANI 11:1 ပူးပေါင်းရင်းမြစ်များ

MAZMUR 27:13

Mateppe'ka upéneddingiwi matu akessingenna Puwangnge ri laleng atuwokku ri linoéwé.

MAZMUR 42:11

Ancuru atikku nasaba pangéllé'na balié. Matterui mennang makkutana, “Kégai Allataalamu?”

RIWAYA'NA RASUL-RASUL-E 20:21

Muwi lao risining tau Yahudié muwi lao risining tau bangsa laingngé tuli mabbéréka papparéngngerang kuwammengngi natoba' mennang polé ri dosa-dosana sibawa lao ri Allataala, enrengngé mateppe' ri Puwang Yésus.

1 KORINTUS 13:13

Jaji, makkekkuwangngéwé engka tellu passaleng iya tette'é ripogau': mateppe', mamménasa sibawa makkamasé. Naiya kaminang battowaé polé ri iya telluéro iyanaritu mamaséiwi sining tau laingngé.

2 KORINTUS 11:17

Mangoloéwé maéloka teppui ammingkikekkuro, iyakiya tenniya Puwangngé suroka powadai iyaro. Ri laleng gau'éwé mattonget-tongekka mabbicara pada-pada séddié tau donggo.

2 KORINTUS 4:18

Saba' dé' tajampangiwi gau'-gau' iya paitaé, sangadinna iya dé'é napaita. Iya paitaé banna tahang cinampe', iyakiya iya dé'é napaitaro mannennungengngi.

2 KORINTUS 5:17

Tau iya masséddiénna sibawa Kristus, mancajiwi tolino mabaru siseng. Iya malaungngé dé'ni gagana – mancaji manengngi mabaru.

2 KORINTUS 5:7

Saba' tuwoki nallalalengi teppe'é lao ri Kristus, natenniya nallalengi aga iya riyullé mita,

2 KORINTUS 9:4

Bata-bataka rékko engka tau Makedonia iya maccowéé sibawakka matti ri wettukku lao ri iko. Narékko nalolongengngi mennang makkedaé dé'pa musadiya, temmaka sirita matti, nasaba purai napowada makkedaé mateppe' senna'ki lao ri iko! Na alému muto masirito matu.

GALATIA 5:6

Saba' rékko masséddini sibawa Kristus Yésus, passaleng turusiwi iyaré'ga temmaccowériwi peraturanna sunna'é dé'na nancaji soal. Iya pentingngé banna teppe' lao ri Kristus, na iyaro manessai ri laleng pammaséta lao ri tau laingngé.

TITUS 1:1

Ana'ku Titus! Iyya, Paulus, mokii iyaé sure'é selaku atanna Allataala sibawa rasulna Yésus Kristus. Ripiléka sibawa risuro untu' tulungngi sining tau napilé Allataala kuwammengngi namancaji mawatang ri laleng teppe'na mennang. Harusu tokka pimpingngi mennang kuwammengngi naissengngi pappagguruwang iya tongengngé iya nappagguruwangngé agamata.

IBRANI 10:22

Rimakkuwannanaro, laono mai taddeppériwi Allataala sibawa ati iya matinulué enrengngé teppe' iya mattinettoé; sibawa ati iya puraé ripépaccingi polé ri pappénedding pasalaé, sibawa watakkalé iya puraé ripépaccingi sibawa uwai iya mapaccingngé.

IBRANI 10:39

Idi'é tenniyaki umma' iya soroé sibawa pusaé. Sibalé'na, idi iyanaritu umma' iya mateppe'é ri Allataala sibawa iya ripassalama'é.

IBRANI 11:13

Sininna tauwéro tette'i mateppe' lettu maté. Dé' natarimai mennang gau'-gau' iya najjanciyangngé Allataala, iyakiya banna naitai sibawa duppaiwi polé mabéla. Nanallalengiro napannessai mennang makkedaé bannami mennang tau polé-polé sibawa passompa ri linoéwé.

IBRANI 11:27

Nasaba mateppe'i, nasalaiwi Musa Maséré' tennapéneddingiwi métaué lao ri caina arungngé. Majui Musa mattuju ri akkattana samanna purani naita Allataala iya dé'é napaitaro.

IBRANI 11:7

Nasaba mateppe'i, naripaissengi Nuh ri Allataala passalenna gau'-gau' iya maéloé kajajiyang ri mangoloé, iya dé'é naulléi mitai. Matinului Nuh ri Allataala angkanna mébbui séddi kappala iya passalama'éngngi aléna silaong kaluwargana. Nanallalengiro rihukkungngi linoé, sedangkang Nuh ripannessai ri Allataala selaku tau iya makessingngé nasaba teppe'na.

IBRANI 2:3

Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

IBRANI 3:6

Iyakiya Kristus matinului selaku Ana' iya tanggung jawakiyéngngi Bolana Allataala. Na idi'naé Bolana Allataala, rékko tette'ki masumange' sibawa tette' mateppe' untu' lolongengngi aga iya tamménasaiyé.

IBRANI 6:12

Dé' taéloriko makuttu. Iyakiya macinnaki kuwammengngi mutuwo pada-pada sining tau iya tarimaéngngi aga iya najjanciyangngé Allataala, nasaba mateppe'i ri Aléna sibawa nasaba mattajengngi sibawa sabbara.

2 PETRUS 1:1

Saudara-saudara iya tonget-tongengngé mateppe' pada-pada idi! Yésus Kristus, iyanaritu Allataala sibawa Arung Pappassalama'ta, nakkulléngiki mateppe' ri Aléna, nasaba napogau'i iya tongengngé. Iyaé sure'é poléi ri Simon Pétrus, séddiwi ata sibawa rasulna Yésus Kristus.