IBRANI 10:6 - KITTA KAREBA MADECENG

⁶ Dé' Muwéloriwi akkarobangeng ritunué iyaré'ga akkarobangeng untu' paddampengeng dosa.

IBRANI 10:6 ပူးပေါင်းရင်းမြစ်များ

MAZMUR 147:11

Masennangngi Puwangnge lao ri tau iya mateppe'é, lao ri tau iya tette'é maddennuwangiwi pammasé-Na.

MAZMUR 40:6

Puwang, pékkugi égana winru-Mu untu' aléta, oh Puwang, Allataalaku, dé'gaga padam-Mu! Maéga rancana-Mu iya mappabengngaé untu' idi, dé' namakkullé ricurita maneng.

MALEAKHI 1:10

Makkedai Puwang Iya Pommakuwasaé, “Lebbi kessing muwi ritongko sumpang Bola-Ku, saba' siya-siyako palluwa api ri mézba-Ku. Dé' Upojiko, sibawa dé' Umaélo tarimai pakkasuwiyammu.

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

EFESUS 5:2

Atuwommu sitinajai rinyawaiwi ri pammasé, pada-padato Kristus mamaséiki. Nakkarobangengngi aléna untu' idi, selaku séddi pakkasuwiyang iya mabaué sibawa pésennangiyéngngi atinna Allataala.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.

IBRANI 10:4

saba' mémeng dara sapingngé sibawa dara bémbé laié dé' naulléi leddai dosaé.

1 SAMUEL 15:22

Iyakiya makkedai Samuél, “Kéga lebbi napoji Puwangnge, apatongngé iyaré'ga akkarobangeng pakkasuwiyang? Apatongngé lao ri Puwangnge lebbi kessingngi naiya makkasuwiyangengngé akkarobangeng. Lebbi kessingngi apatongngé naiya lunra bimbala'é.