IBRANI 10:5 - KITTA KAREBA MADECENG

⁵ Iyanaro saba'na wettunna Kristus muttama ri linoé, makkedai lao ri Allataala, “Dé' Muwéloriwi akkarobangengngé sibawa pakkasuwiyangngé; sibalé'na purani Mupassadiyangek-Ka tubu.

IBRANI 10:5 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

YESAYA 1:11

Makkedai Puwangnge, “Muwasengngi Upojiwi sininna akkarobangeng iya matteru-terué muwakkasuwiyangeng lao ri Iyya? Nagélléna sibawa sining bimbala akkarobangeng ritunummu sibawa lunra ana' sapimmu. Dara saping laié, bimbala'é sibawa bémbé'é dé' Upojiwi.

YESAYA 40:16

Sininna olokolo'é ri ale Libanon dé' nagenne untu' mancaji akkarobangeng ritunu; céddé senna ajukajunna untu' ripancaji aju apinna.

YESAYA 7:14

Makkekkuwangngé, Aléna Puwangnge mabbéré matu tanrang lao ri iko: Séddi ana'dara iya mattampu'é jajiyangngi matu séddi ana' worowané iya nasengngé Imanuél.

YEREMIA 31:22

Gangka uppannapa matteruko bata-bata, éh bangsa iya dé'é namatinulu lao ri Iyya? Purana pancaji séuwa iya barué ri linoé, séuwa iya makalallaingngé – sikkalallaing makkunrai linrungiyéngngi worowané.”

YEREMIA 6:20

Untu' aga kamennyangngé iya natiwirengngék-Ka mennang polé ri Syéba, iyaré'ga rampa-rampa polé ri wanuwa mabélaé? Dé' Umaélo tarimai pakkasuwiyanna mennang. Dé' Upojiwi akkarobangeng-akkarobangeng ritununna mennang.

MATIUS 11:3

“Bapa'ga tau maéloé polé situru jancinna Allataala, iyaré'ga harusu'ki tajeng tau laing?”

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

LUKAS 7:19

nanasuroi lao ri Puwang Yésus makkutana, “Bapa'ga tau iya maéloé polé situru jancinna Allataala, iyaré'ga harusu'ki mattajeng séddi tau laing?”

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.

1 TIMOTIUS 3:16

Muwi séddi tau dé'to mulléi massakkarengngi, temmaka loppona rahasiyana agamata: Nappaitangngi aléna ri laleng rupa tolinoé, sibawa ripannessa tongeng ri Rohna Allataala, enrengngé naita sining malaéka'é. Karébanna ripamengngoi ri yelle'na bangsa-bangsaé, sibawa riyatepperi ri sininna linoé sibawa riyakka ménré ri surugaé.

IBRANI 1:6

Iyakiya wettunna Allataala nasuro Ana'-Na iya macowaé muttama ri linoéwé, makkeda makkuwaiyé Allataala, “Sininna malaéka'na Allataala waji'i sompai iyaro Ana'é.”

IBRANI 10:10

Purani napogau' Yésus Kristus iya napuwéloé Allataala makkasuwiyangengngi Aléna selaku akkarobangeng. Iyakiya iyaro pakkasuwiyangengngé Napogau'i banna sisemmi bawang lettu mannennungeng ripaccingi manekki polé ri dosaé.

IBRANI 10:7

Nainappa-Ka makkeda, ‘Iyya'naé, oh Allataala! Polé-Ka untu' pogau'i élo-Mu, pada-pada iya riparisure'é passalek-Ku ri laleng Kitta'é.’ ”

IBRANI 10:8

Bunge'-bunge'na makkedai Kristus, “Dé' Muwéloriwi akkarobangengngé sibawa pakkasuwiyangngé; dé' Muwéloriwi akkarobangeng ritunué sibawa akkarobangeng untu' paddampengeng dosaé.” Makkeda makkuwairo Kristus, sininna akkarobangengngéro riyakkasuwiyangengngi manuru hukkunna agama Yahudié.

IBRANI 2:14

Nasaba sining tau iya nateppué iyaro ana'é, iyanaritu mahlu' tolino iya weddingngé maté, na Yésus muto mancaji pada sibawa mennang enrengngé tuwo ri laleng keadaang tolinoé. Napogau'i makkuwaéro, kuwammengngi nasibawang amatén-Na naulléi mancuru'i Ibillisi' iya makuwasaiyéngngi amaténgngé.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

IBRANI 8:3

Tungke' imang lompo riyakkai untu' makkasuwiyangengngi akkarobangengngé iyaré'ga pakkasuwiyangengngé lao ri Allataala. Makkuwatoniro Imang Lompota; harusu'i mappunnai agi-agi untu' riyakkasuwiyangeng.

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.

2 YOHANES 1:7

Maégani tau pabengnguwang tassiya ri sininna linoé. Mennang iyanaritu sining tau iya dé'é nangakuiwi makkedaé Yésus Kristus poléi ri linoé selaku séddi tolino. Tau sinrupaéro iyanaritu pabbelléngngi, enrengngé Balinna Kristus.