IBRANI 10:34 - KITTA KAREBA MADECENG

³⁴ namaccowé tokko péneddingiwi asussanna tau iya ritarungkué. Na wettunna iya maneng muwappunnaiyé rirampasa', mutarimai iyaro sibawa masennang atimmu, saba' muwissengngi makkedaé mappunnai mupo séuwa iya lebbi makessingngé iya tahangngé matu mannennungeng.

IBRANI 10:34 ပူးပေါင်းရင်းမြစ်များ

PAKKATOBBA 3:6

Allataala pattentui wettu untu' runtu'i sibawa wettu untu' ateddéngeng, wettu untu' tabungngi sibawa wettu untu' mallabowangngi,

MATIUS 19:21

Nakkeda Yésus lao ri kalloloéro, “Rékko maéloko mancaji sukku, laono mubalu'i sininna appunnangemmu. Wéréngngi ellinna tau kasiyasié, namulolongengngi matu waramparang ri surugaé. Purairo, laono muwaccowéri-Ka!”

LUKAS 10:42

padahal iya pentingngé séddi bawang. Na Maria pura napiléni iya makessingngé, iya dé'é nariyala matu polé ri aléna.”

LUKAS 12:33

Balu'ni appunnangemmu, namuwéréngngi ellinna tau kasiyasié. Ebburengngi alému tase'-tase' iya dé'é nawedding malaung, iyanaritu waramparang ritaroé ri surugaé. Iyaro waramparangngé dé' naulléi teddéng nasaba dé' naulléi pangaé malai sibawa dé' naulléi solangi karat.

LUKAS 9:25

Aga sarona lao riséddié tau rékko sininna linoéwé mancajiwi appunnangenna, iyakiya nasolangiwi sibawa ateddéngengngi atuwonna?

RIWAYA'NA RASUL-RASUL-E 21:33

Laoni iyaro komandangngé ri Paulus nanatikkengngi, sibawa nasuroi tauwé rantéi. Nainappa iyaro komandangngé makkutana passalenna niga iyaro Paulus sibawa aga pura napogau'.

RIWAYA'NA RASUL-RASUL-E 28:20

Na iyanaro saba'na uwéllauwi sitaki untu' mabbicara-bicara sibawa iko; saba' ribalengguka, mala nasaba Pappassalama' iya namménasaiyé bangsa Israélié.”

RIWAYA'NA RASUL-RASUL-E 5:41

Iyaro rasul-rasul-é nasalaini iyaro Mahkama Agamaé sibawa masennang nasaba Allataala pura mangga'i mennang sitinaja lolongeng pappakatuna nasaba Yésus.

2 KORINTUS 5:1

Saba' riissengngi makkedaé rékko bola – iyanaritu watakkalé – iya riyonroiyé ri linoéwé ribongkara'i, napassadiyangekki matu Allataala séuwa bola ri surugaé, iya aléna muto Allataala mébbui sibawa iya tahangngé lettu mannennungeng.

EFESUS 3:1

Iyanaro saba'na iyya, Paulus, massempajangekko. Ritarungkuka nasaba Kristus Yésus, untu' apentingemmu iya tenniyaé Yahudi.

EFESUS 4:1

Iyanaro saba'na iyya – séddiwi tahanang, iya ritahangngé nasaba tumaningiwi Puwangngé – méllauwi sibawa masero ri iko: tuwono situru tudangemmu selaku tau iya puraé riyobbi ri Allataala.

EFESUS 6:20

Nasaba Karéba Madécéngngé ritu, mancajika séddi duta, na makkekkuwangngé engkaka ri laleng tarungkué. Assempajanno kuwammengngi ubarani mabbicara passalenna Karéba Madécéngngéro, pékkugi harusu'ka mabbicara.

FILIPI 1:7

Mémeng ri onronna mappunnaika pappénedding pada-padaéro lao ri iko saba' iya maneng Saudara tuli macawé'i ri atikku. Makkuwatoro nasaba maccowéko tarima silaong iyya, pammasé iya nawéréngngékka Allataala, muwi makkekkuwangngéwé ri laleng tarungkué iyaré'ga wettukku engka ri saliweng untu' méwaiwi sibawa mattahangengngi Karéba Madécéngngéro.

KOLOSE 1:5

Mateppe'ko sibawa mamaséko, saba' mamménasako ri aga iya napassadiyaé Allataala ri surugaé untu' iko. Purani muwéngkalinga passalenna gau'éro, wettunna Karéba Madécéng tongengngé iya polé ri Allataala ripalettu lao ri iko.

1 TIMOTIUS 6:19

Nanallalengiro mappaddeppungengngi mennang waramparang iya mancajiyé modala' iya makessingngé untu' wettu iya mangoloé. Nanallalengiro lolongengngi matu mennang atuwong iya mannennungengngé, iyanaritu atuwong iya tongengngé.

2 TIMOTIUS 1:16

Iyakiya kaluwargana Onésiforus wékkasiyagangngaré'ni napérennui atikku. Tennapodo naéloriwi Puwangngé mappaitangngi paressé babuwana lao ri mennang. Namuni ri lalekka tarungkué. Dé' namasiri Onésiforus ri keadaakkuro.

2 TIMOTIUS 2:9

Nasaba nabbirittangngi Karéba Madécéngngéro, naumanrasa-rasa; mala narapi rirantéka pada-pada séddié tomaja. Iyakiya ada-adanna Allataala dé' nariyullé rantéi.

2 TIMOTIUS 4:8

Namakkekkuwangngé hadiya apakalangngé tajekka. Ri Esso Kiyame', Puwangngé, Haking iya adélé'éro mabbéréyangngi matu iyaro hadiyaé lao ri iyya, nasaba tuwoka simadécéngeng sibawa Allataala. Na tenniya iyya bawang iya maéloé tarimai iyaro hadiyaé, iyakiya sininnato tauwé iya tajengngéngngi apolénna Puwangngé sibawa muddani senna'.

IBRANI 11:16

Iyakiya annessana, nauddaningiwi mennang séuwa wanuwa iya lebbi makessingngé, iyanaritu wanuwa ri surugaé. Iyanaro saba'na dé' namasiri Allataala rékko mennang nateppui Aléna Allataala, saba' Allataala pura passadiyai séddi kota untu' mennang.

IBRANI 13:14

Saba' ri linoé dé'gaga onrong iya mannennungengngé untu' idi; sappaki onrong iya maéloé polé.

IBRANI 13:3

Engngerangngi sining tau iya engkaé ri laleng tarungkué, samanna engka tokko ri laleng tarungkué silaong mennang. Sibawa sining tau iya rigaukengngé siélo-élona, sitinajako méngngerangngi mennang samannato rigaukekko makkuwaéro.

IBRANI 9:15

Iyanaro saba'na, Kristus mancaji Pappasisumpung untu' séuwa assijancingeng iya mabarué, kuwammengngi na tau iya puraénna riyobbi ri Allataala naulléi tarimai barakka-barakka mannennungengngé iya puraé najjanciyang Allataala. Iya manennaro weddingngi kajajiyang nasaba engkana maté, iyanaritu Kristus; na amatén-Naro paleppe'i tauwé polé risining asalanna iya napogau'é mennang ri wettu takkennana mupa assijancingeng iya mammulangngé.

YAKOBUS 1:2

Saudara-saudara! Rékko mupéneddingiwi maddupa-rupang paccobang, sitinajako marasa saro.

1 PETRUS 1:4

Mamménasaki untu' mappunnaiwi barakka-barakka iya napassadiyaé Allataala untu' umma'-Na, iyanaritu barakka-barakka iya Nataroé ri surugaé, angkanna dé' naulléi masolang, iyaré'ga mancaji makebbong iyaré'ga lengngé.

1 YOHANES 3:2

Saudara-saudara iya upojiyé! Idi makkekkuwangngé iyanaritu Ana'-ana'na Allataala, iyakiya keadaatta matti dé'pa namanessa. Iyakiya riissengngi makkedaé rékko poléi Kristus, mancajiki matu pada-pada Aléna, saba' taitai matu ri laleng keadaan-Na iya sitongennaé.