IBRANI 10:2 - KITTA KAREBA MADECENG

² Ebara'na sining tau iya sompaéngngi iyaro Allataala tonget-tongengngi purani ripépaccingi polé ri dosaé, dé'na mennang nappunnaina matu pappénedding madosa sibawa dé'na naparellu akkarobangengngé riyakkasuwiyangenna.

IBRANI 10:2 ပူးပေါင်းရင်းမြစ်များ

MAZMUR 103:12

Sibbéla alau polé ri yajang, sibbéla iyaro Nabbéyangngi dosa-dosata.

YESAYA 43:25

Iyakiya Iyya Allataala iya leddaéngngi dosamu, Uwaddampengekko nasaba makkuwaniro sipa'-Ku; dé' uwéngngerangngi dosamu.

YESAYA 44:22

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

ZAKHARIA 9:11

Makkedai Puwangnge lao ri umma'-Na, “Nasaba assijancing iya Uwébbué sibawa iko, assijancing iya ripaessaé sibawa dara akkarobangeng pakkasuwiyang, Upaleppe'i matu ra'ya'mu iya manrasa-rasaé ri laleng appalirengngé pada-pada tau iya riyurungngé ri laleng bujung marakkoé.

IBRANI 10:17

Makkeda towi Allataala, “Maélo-Ka mallupaiwi dosa-dosana sibawa sining jana.”

1 PETRUS 2:19

Allataala barakkakiko matu, rékko nasaba mainge'ko ri élona Allataala, sabbara'ko manrasa-rasa rigaukeng ri tau iya dé'é naadélé'.