IBRANI 1:3 - KITTA KAREBA MADECENG

³ Aléna ritu mattapparengngi arajanna Allataala iya millakkillangngé; Aléna ritu gambara'na Allataala iya manessaé. Aléna tona piyarai akkalépunna alangngéwé ri laleng saddan-Na iya makuwasa senna'é. Puranana napakkullé rupa tauwé untu' ripaleppe polé ri dosa-dosana mennang, natudangini kadéra apparéntangngé ri surugaé silaong Allataala, Panguwasa iya kaminang matanré.

IBRANI 1:3 ပူးပေါင်းရင်းမြစ်များ

1 TAWARIKH 29:11

Battowa tongekko sibawa makuwasa. Malebbiko, tarompo sibawa maraja. Sininna séuwa-séuwaé ri langié sibawa ri linoé iyanaritu appunnangem-Mu. Iko arung maraja, iya makuwasaiyéngngi sini-sininnaé.

AYUB 37:22

Tappa maridié mompoi ri manorang, sibawa alebbirenna Allataala napabengngai atitta.

MAZMUR 110:1

Mazmurna Daud. Makkedai Puwangnge lao ri puwakku, “Tudanno ri seddé atauk-Ku, narapi sining balimmu Upatunrukekko.”

MAZMUR 75:3

Makkedai Allataala, “Ri wettu iya Upattentué, Maélo-Ka madélékiwi sibawa adélé.

PAKKATOBBA 8:4

Tinda'i arungngé sibawa akuwasang; dé'gaga barani bantai!

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

MATIUS 22:24

Nakkeda mennang, “Bapa' Guru, Musa mappagguruwangngi makkedaé: Rékko séddié worowané maté, nadé' nappunnai ana', padaorowanéna harusu' kawingiwi iyaro jandana, kuwammengngi nawéréngngi wija-wijanna lao ri tau iya matéénnaro.

MARKUS 16:19

Puranana Puwang Yésus mabbicara sibawa mennang, riyakkani ménré ri surugaé. Napparénta kuwaro sibawa Allataala.

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

YOHANES 1:4

Iyaro Saddaé assalennai atuwongngé, na iyaro atuwongngé mabbéréi tajang lao ri rupa tauwé.

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

RIWAYA'NA RASUL-RASUL-E 7:56

Nakkeda Stéfanus, “Itai, uwitai surugaé tattimpa' sibawa Ana'na Tolinoé tettong ri seddé ataunna Allataala!”

ROMA 1:16

Mateppe' senna'ka ri Karéba Madécéngngéro, nasaba iyaro karébaé iyanaritu awatangenna Allataala untu' passalama'i sininna tauwé iya mateppe'é; mula-mulanna tau Yahudié sibawa bangsa laingngétto.

ROMA 8:34

Engkaga tau maélo pasalaki? Kristus Yésus matti bélaki! Aléna ritu iya puraé maté, iyaré'ga mala Aléna ritu iya puraé ripatuwo paimeng polé ri amaténgngé sibawa engkani ri Allataala ri onrong iya makuwasaé.

2 KORINTUS 4:4

Déwata maja iya makuwasaéngngi linoéwé tongkoi pikkiranna sining tau iya dé'é namateppe'ro. Iyanaritu lawa-lawaiwi mennang kuwammengngi mennang dé' naitai tajang polé ri Karéba Madécéngngéro passalenna arajanna Kristus, iya maddapangengngéngngi gambara'na Allataala.

KOLOSE 3:1

Purano ripatuwo paimeng silaong Kristus. Rimakkuwannanaro harusu'ko makkuraga untu' lolongengngi gau'-gau' iya engkaé ri surugaé, kégi Kristus tudang ri seddé ataunna Allataala.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

IBRANI 1:13

Dé' naengka nakkeda makkuwaé Allataala muwi lao ri malaéka'é, “Tudanno ri seddé atauk-Ku, narapi Uwébbu sining balimmu tunru' ri iko.”

IBRANI 10:12

Sibalé'na, Kristus makkasuwiyangeng banna séddi akkarobangeng untu' paddampengeng dosa, iyaro akkarobangengngé makkanréi lettu mannennungeng. Purana nakkasuwiyangeng iyaro akkarobangengngé, tudanni Kristus ri seddé ataunna Allataala, mapparénta silaong Aléna.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 4:14

Iyanaro saba'na harusu'ki makkatenning masse ri angakungeng atepperetta. Saba' mappunnaiki Imang Lompo iya battowaé, iya muttama'énna lettu ri yolona Allataala – Aléna ritu Yésus Ana'na Allataala.

IBRANI 7:27

Dé' napada-pada sining imang lompo laingngé, iya esso-essoé harusu makkasuwiyangeng akkarobangeng nasaba dosa-dosa aléna riyolo, nappa nasaba dosa-dosana umma'é. Yésus makkasuwiyangengngi akkarobangengngé siseng bawang lettu mannennungeng, wettunna nakkasuwiyangeng Aléna selaku akkarobangeng.

IBRANI 8:1

Poko'na sininna abbicarangngéwé iyanaritu: Mappunnaiki Imang Lompo iya pada-padaéro, iya tudangngé mapparénta silaong Allataala Pobbattowaé ri sururugaé.

IBRANI 9:16

Rékko engka sure' warisi', harusu towi engka buttinna makkedaé tau iya mébbuéngngi iyaro sure'é maténi.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 PETRUS 1:21

Naolai Aléna ritu namateppe'ko ri Allataala iya puraé patuwoi paimeng polé ri amaténgngé sibawa arajan-Na. Jaji, Allataala ritu iya muwatepperiyé sibawa lao ri Allataalato ritu mamménasako.

1 PETRUS 3:22

sibawa ménré'ni ri surugaé. Makkekkuwangngé makuwasai silaong Allataala sibawa paréntai sininna malaéka'é, sininna panguwasaé enrengngé sininna awatangengngé.

2 PETRUS 1:16

Wettutta paissengiko pékkugi arajanna apolénna Puwatta Yésus Kristus, dé' tataggattung ri pau-pau rikadong dé'é natongeng. Arajanna Kristus purani riita sibawa mata ulutta.

2 PETRUS 1:17

Engkaki kuwaro wettunna ripakalebbi sibawa ripakaraja ri Allataala Ambo'é. Ri wettuéro riyéngkalingai saddaé polé ri Iya Pommalebbié, iya makkedaé ri Aléna, “Iyanaé Ana'-Ku iya Uwamaséiyé. Napésennangiwi atik-Ku!”

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

1 YOHANES 3:5

Muwisseng makkedaé poléi Kristus untu' leddai dosa-dosana tolinoé, sibawa makkedaé dé'gaga dosa ri laleng aléna.

YUDAS 1:25

Aléna ritu alé-aléna Allataala, Pappassalama'ta naolai Yésus Kristus Puwatta. Aléna ritu Allataala iya malebbié, maraja, makuwasa sibawa riyakkitangi riyolopa nariyolo narapi makkekkuwangngé lettu mannennungeng! Aming.

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 4:11

“Oh Puwang, oh Allataalata! Ikona ritu iya sitinajaé tarima pappojiyang, pappakalebbi sibawa akuwasang! Saba' Iko ritu pancajiwi sininna séuwa-séuwaé, enrengngé nasaba élo-Muto nasininna séuwa-séuwaéro kajajiyangngi sibawa tuwoi.”