IBRANI 1:2 - KITTA KAREBA MADECENG

² Iyakiya ri wettu paccappurengngéwé mabbicarai lao ri idi naolai Ana'-Na. Naolai Ana'-Naé napancajiwi Allataala sininna alangngé. Sibawa purani napattentu Allataala makkedaé iyatonaé Ana'-Na iya mappunnaiyé ha' mappunnaiwi sini-sininnaé.

IBRANI 1:2 ပူးပေါင်းရင်းမြစ်များ

KAJAJIYANG 49:1

Nainappa naobbi Yakub ana'-ana'na sibawa makkeda, “Addeppungenno kuwaé, ri seddéku. Maéloka paissengiko aga iya mupéneddingiyé matu ri esso mangoloé:

YESAYA 2:2

Ri esso-esso mangoloé bulu-bulu onronna Bolana Puwangnge maccaloli'i matanré sibawa tettong lempu ri tompo'na sining bulué sibawa sining bulu-bulué. Sininna bangsaé mattinro-tinrosengngi lao kuwaro,

YESAYA 44:24

Mappakkuniyé adanna Puwang Pappassalama'mu iya tappaékko sipongenna ri laleng parémmanang, “Iyya'na Puwang iya pancajiyéngngi sini-sininnaé, iya alé-alénaé pallebba'i langié, sibawa tenriduwang napancajiwi linoé.

YESAYA 45:12

Iyya ritu Puwang iya pancajiyéngngi linoé, sibawa pancajiwi tolinoé untu' monroiwi. Nasibawang akuwasak-Ku Upallebba'i langié, sibawa paréntangngi mata essoé, kétengngé sibawa sining wéttowingngé.

YESAYA 45:18

Puwangnge ritu iya pancajiyéngngi langié, Aléna ritu Allataala! Aléna ritu mappancaji sibawa mébbui linoé, mébbui masse sibawa tette tettong. Dé' napancajiwi onrong iya masino-sinoé, iyakiya onrong untu' rionroi. Aléna ritu iya makkedaé, “Iyya'na Puwang, na dé'gaga laingngé.

YEREMIA 48:47

Iyakiya ri munri Upalisui matu keadaanna wanuwa Moab. Iyya, Puwang, pura mabbicara!” Iyanaro napogau' matu Puwangnge lao ri Moab.

YEHEZKIEL 38:16

Nainappa mugasa umma'-Ku Israélié pada-pada anginraja mappo'éngngi linoé. Rékko narapii wettunna, Ukirikko matu untu' tudangiwi tana-Ku. Nasibawang tindakak-Ku molaékko, éh Gog, naissengngi matu sining bangsaé niga Iyya, iyanaritu Allataala iya mapaccingngé.

DANIEL 10:14

Poléka untu' mébbuko majeppuiwi aga iya kajajiyangngé matu matti ri bangsamu. Iyaé pakkitangngé passalenna esso mangoloé.”

DANIEL 2:28

Iyakiya ri surugaé engka Allataala iya timpa'éngngi sininna rahasiyaé, na Aléna pura paissengiwi Puwakku aga iya kajajiyangngé matu ri esso ri munri. Makkekkuwangngé, palaloni atatta pakatajangngi nippi sibawa pakkitang iya natarimaé Puwakku wettunna matinroro.

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

MIKHA 4:1

Ri esso-esso mangoloé bulu-bulu, onronna Bolana Puwangnge, tettong lempui matu sibawa maccaloli matanré naliwengngi sining bulué sibawa bulu-bulué. Mallompéngengngi sininna bangsaé lao kuwaro

ABBILANGENG 24:14

Nakkeda Biléam lao ri Balak, “Maélona lisu makkekkuwangngé ri bangsaku. Iyakiya ri wettu dé'napa ulao, makessinni upaissengiwi Puwakku passalenna aga iya napogau'é matu bangsa Israélié lao ri bangsana Puwakku ri munri.”

MATIUS 13:39

Bali iya tanengngéngngi iyaro ariyaé iyanaritu Ibillisi'. Wettu éngngalangngé iyanaritu Esso Kiyame', na sining tau iya méngngalaéro iyanaritu malaéka'-malaéka'é.

MATIUS 17:5

Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

MATIUS 21:38

Iyakiya wettunna iyaro sining pajjama dare' anggoro'é naita ana'na punna tanaéro, makkedani mennang séddié lao ri laingngé, ‘Iyanaé ahli warisi'na. Laono mai taunoi, kuwammengngi narilolongeng warisi'na!’

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

MARKUS 1:1

Iyanaé Karéba Madécéng passalenna Yésus Kristus, Ana'na Allataala.

MARKUS 12:6

Nigasi wedding nasuro makkekkuwangngé iyaro punna dare'é? Séddi mani tau monro, iyanaritu ana'na iya namaséiyé. Jaji angkanna nasuroni iyaro ana'na lao risining pajjamaéro. ‘Pasti napakalebbi ana'ku',’ pikkiri'na.

MARKUS 12:7

Iyakiya iyaro sining pajjamaé makkedai séddié lao ri laingngé, ‘Iyanaé ahli warisi'na. Laono mai taunoi, kuwammengngi talolongengngi warisi'na!’

YOHANES 1:10

Saddaé engkai ri linoé, ripancajiwi linoé polé ri Aléna, iyakiya dé' naissengngi linoé.

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

YOHANES 1:3

Iya manenna ripancajiwi naolai Aléna, sibawa polé ri sininna iya engkaé, dé'gaga séddi dé' naripancaji polé ri Aléna.

YOHANES 13:3

Naissenni Yésus makkedaé pura nabbéréyanni Ambo'é sininna akuwasangngé lao ri Aléna. Naisseng towi makkedaé poléi ri Allataala sibawa maéloi lisu ri Allataala.

YOHANES 13:32

Rékko ripakarajai Allataala naolai Aléna, ripakaraja towi matu ri Allataala naolai Aléna muto. Na Allataala pakarajai matu sibawa masitta.

YOHANES 15:15

Dé'na Uwobbiko ata, saba' ataé dé' naissengngi aga napogau' puwanna. Uwobbiko sellao, saba' sininna Uwéngkalingaé poléi ri Ambo'é, pura manenni Upaissengiko.

YOHANES 16:15

Sininna engkaé ri Ambo'é iyanaritu appunnangekku. Iyanaro saba'na Uwakkeda makkedaé aga napalettu Roh-é lao ri iko, Natarimai polé ri Iyya.”

YOHANES 17:2

Ambo'é pura mabbéréyangngi akuwasangngé ri sininna rupa tauwé lao ri Ana'é, kuwammengngi nabbéréyangngi atuwong mannennungengngé lao ri sininna tau iya nabbéréyangngé Ambo'é.

YOHANES 3:16

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

YOHANES 3:25

Siyagangngaré ana' gurunna Yohanés mammulani mappangéwang sibawa tau Yahudié passalenna peraturang apaccingengngé.

YOHANES 5:26

Pada-pada aléna Ambo'é assalennai atuwongngé, napancaji towi Ana'-Na assalenna atuwongngé.

YOHANES 5:27

Purani nawéréng Ana'-Na ha' untu' madéléki, saba' Ana'na Tolinoé.

YOHANES 9:29

Riissengngi makkedaé Allataala pura mabbicara lao ri Musa. Iyakiya passalenna tauwéro, dé' riissengngi polé kégi assalen-Na.”

RIWAYA'NA RASUL-RASUL-E 10:36

Naissenni saudara-saudara lise'na karéba iya napalettu'é Allataala lao ri bangsa Israélié. Iyaro karébaé iyanaritu passalenna Karéba Madécéngngé lao-laona adaméngengngé naolai Yésus Kristus, iyanaritu Puwanna sininna tauwé.

RIWAYA'NA RASUL-RASUL-E 2:17

Makkedai Allataala, ‘Ripaccappurenna linoé Upanurungengngi matu Roh-Ku ri yasé'na sininna tauwé. Ana'-ana'mu worowané sibawa ana'-ana'mu makkunraié powadakko matu gau'-gau' iya Upaissengiyéngngi mennang. Sining tau malolomu naitai matu gau'-gau' iya Upaitangngéngngi mennang. Sining tau macowana mannippiwi matu passalenna nippi iya Uwéréngngéngngi mennang.

ROMA 1:4

iyakiya selaku ilahiwi ripannessai Ana'nai Allataala. Iyaro ripabuttiwi sibawa akuwasang dé'é padanna naolai tuwo-Na paimeng polé ri amaténgngé.

ROMA 8:17

Nah, rékko idi iyanaritu ana'-ana'-Na, tentu idi'to iyanaritu ahli warisi'-Na iya tarimaé matu barakka-barakka iya napassadiyaé Allataala untu' ana'-ana'-Na. Tarimaki matu silaong Kristus aga iya puraé napassadiyangengngi Allataala; saba' rékko manrasa-rasaki silaong Kristus, ripakalebbi tokki silaong Aléna.

1 KORINTUS 2:7

Apanréng iya upangoloéro iyanaritu apanréng polé ri Allataala. Iyaro apanréngngé dé' naissengngi linoé, iyakiya Allataala pura passadiyangengngi untu' asennangetta riwettu dé'napa naripancaji linoéwé.

1 KORINTUS 8:6

Iyakiya untu' idi, Allataala banna séddi. Ambo'i iya mpinruéngngi sininna séuwa-séuwaé. Untu' Aléna ritu tatuwo. Na Puwangngé séddi tommi bawang, iyanaritu Yésus Kristus. Naolai Aléna nariwinru sininna séuwa-séuwaé, sibawa nasaba Aléna natatuwo.

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.

EFESUS 1:10

Iyaro rancanana iyanaritu muwi ri surugaé iyaré'ga ri linoé, mancaji séddiwi sibawa Kristus selaku Kapala. Na iyaro gau'é napattépui matu Allataala rékko narapini wettunna.

EFESUS 3:9

sibawa makkuwatoro kuwammengngi naolaka nanaissengngi sininna tauwé pékkugi Allataala, Pabbinruna sininna alangngé, pogau'i rancana-Na iya mappammulaé riyolopa nariyolo narirahasiyakang lao ri linoé.

ULANGENG 18:15

Sibalé'na polé ri bangsata muto maéloi suro lao ri iko séddi nabi pada-pada iyya'é, na harusu'ko mapato lao ri aléna.

ULANGENG 31:29

Uwisseng makkedaé matékuna, iyaro sining tauwé mancaji majai sibawa sampéyangngi aga iya puraé uwappagguruwang lao ri mennang. Nanakennai matti abala, nasaba naébbui Puwangnge macai ri laleng napogau'na aga iya Nattéyangngé.”

ULANGENG 4:30

Rékko nakennako sininna abalaéro namuengka ri laleng asukkarakengngé, lisuko matu paimeng ri Puwang Allataalamu sibawa mapato ri aléna.

IBRANI 1:5

Dé' naengka nakkeda makkuwaé Allataala muwi lao riséddié malaéka', “Ikona Ana'-Ku; iya essoéwé Umancaji Ambo'-Mu.” Dé'to naengka nakkeda makkuwaé Allataala passalenna muwi malaéka' niga, “Maélo-Ka mancaji Ambo'na, na aléna mancaji matu Ana'-Ku.”

IBRANI 1:8

Iyakiya lao ri Ana'éro, makkedai Allataala, “Kadéra arajam-Mu, oh Allataala, mannennungengngi matu! Apparéntangem-Mu iyanaritu apparéntang iya adélé'é.

IBRANI 11:3

Nasaba mateppe'i, na tapahangngi makkedaé iyaé alangngé ripancajiwi ri saddanna Allataala; jaji, aga iya weddingngé riita, kajajiyangngi polé ri aga iya dé'é nariyullé mita.

IBRANI 2:3

Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

IBRANI 3:6

Iyakiya Kristus matinului selaku Ana' iya tanggung jawakiyéngngi Bolana Allataala. Na idi'naé Bolana Allataala, rékko tette'ki masumange' sibawa tette' mateppe' untu' lolongengngi aga iya tamménasaiyé.

IBRANI 4:14

Iyanaro saba'na harusu'ki makkatenning masse ri angakungeng atepperetta. Saba' mappunnaiki Imang Lompo iya battowaé, iya muttama'énna lettu ri yolona Allataala – Aléna ritu Yésus Ana'na Allataala.

IBRANI 5:8

Yésus iyanaritu Ana' Allataala, iyakiya muni makkuwaro, maggurui mancaji matinulu naolai anrasa-rasan-Na.

IBRANI 7:28

Hukkunna agama Yahudié makkai sining tau iya dé'é nasukku mancaji sining imang lompo. Iyakiya rimunri polé ri hukkung-hukkungngéro, mébbui Allataala assijancingeng sibawa tanro makkedaé nakkai selaku Imang Lompo, Ana' iya puraé mancaji Pappassalama' iya sukkué lettu mannennungeng.

IBRANI 7:3

Passalenna iyaé Malkisédék dé'gaga pappakatajang muwi kégi makkedaé mappunnaiwi ambo' iyaré'ga indo' iyaré'ga néné; dé'to gaga pappakatajang passalenna ajajiyanna, iyaré'ga amaténna. Pada-padai Ana'na Allataala; aléna iyanaritu imang iya mannennungengngé.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 PETRUS 1:20

Purani ripilé Kristus ri Allataala riwettu dé'napa naripancaji linoé. Na ri esso-esso macawé'nana paccappurenna linoéwé, poléi ri linoé kuwammengngi naripassalama'ko.

2 PETRUS 3:3

Bunge'-bunge'na, harusu'i muwisseng makkedaé ri esso-esso paccappurengngé, mompoi matu sining tau iya rikuwasaiyé atuwonna ri hawa napessunna muto. Naéllékéllé'ko matu mennang

YUDAS 1:18

Nappaddissengengngi mennang lebbi riyolo lao ri iko makkedaé nacawékiwi paccappurenna linoé mompoi matu sining tau iya méllékéllé'ékko matu, iyanaritu sining tau iya tuwoé situru sining cinnana mennang iya madosaé.