HOSEA 5:3 - KITTA KAREBA MADECENG

³ Uwisseng maneng sini-sininnaé passalenna alému, éh Israélié! Dé' namakkullé murahasiyangeng séuwa polé ri Iyya. Massompako barahala sibawa dé'na mumatinulu lao ri Iyya. Rimakkuwannanaro, sining taummu dé' nasipato'na sompa-Ka.”

HOSEA 5:3 ပူးပေါင်းရင်းမြစ်များ

YESAYA 7:16

Saba' ri wettu dé'napa narapii iyaro wettué, iya duwa manuwa iya naparéntaé arung-ngarung iya muwétauriyéro risalaiwi matu lobbang.

YESAYA 7:17

Napapoléi matu Puwangnge arung Asyur, nainappa iko sibawa sininna kaluwargamu enrengngé ra'ya'mu napéneddingiwi matu esso-esso pennoé aperiseng iya lebbi maseroé naiya aga iya puraé mupéneddingi sipongenna tabbagé akkarungeng Israélié sibawa Yéhuda.

YESAYA 7:5

Sikongkolo'ni Siria sibawa Israélié nenniya arunna.

HOSEA 1:2

Wettunna bunge'-bunge' mabbicara Puwangnge lao ri bangsa Israélié sibawa naolaka, makkedai Puwangnge, “Hoséa, kawingiwi séddi tau iya pojiyéngngi maccakkuribang, na ana'-ana'mu mancaji towi matu pada-pada aléna. Umma'-Ku pada-padai bainémuro; dé' namatinulu mennang lao ri Iyya, sibawa nasalai-Ka.”

HOSEA 12:1

Makkedai Puwangnge, “Nattulilingi-Ka bangsa Israélié sibawa bellé nenniya pabengnguwang; tette'-Ka naéwa bangsa Yéhudaé, Allataala Iya Mapaccingngé sibawa matinulué.

HOSEA 13:1

Riyolo ripakalebbii suku Efraim angkanna narékko engka parénta polé ri sukuéro, métau suku-suku laingngé ri Israélié. Iyakiya madosai suku Efraim nasaba massompai Baal, rimakkuwannanaro lennye'i matu.

HOSEA 13:5

Ri tana makarossaé ri padang kessi'é, Iyya ritu jagaiko.

HOSEA 5:11

Ritenre'i Israélié; ateddéngengngi ha'na tanana, nasaba mattedde'i untu' méllau tulung lao ri iya sitongennaé dé' naulléi tulungngi.

HOSEA 5:13

Namaingekini keadaanna bangsa Israélié sibawa bangsa Yéhudaé iya majaé, nalaona Israélié ri Asyur untu' méllau bantuwang polé ri arung marajaé. Iyakiya iyaro arungngé dé' naulléi mattulung iyaré'ga pédécéngiwi keadaanna mennang.

HOSEA 5:9

Binasai matu Israélié, saba' narapini essona untu' hukkungngi aléna. Engkalingai, éh ra'ya' Israélié, pasti kajajiyangngi matu gau'éro.

HOSEA 6:10

Ri Israélié Uwitai séuwa iya mappakatau-taué: napanajisi'i aléna umma'-Ku sibawa massompa barahala.

HOSEA 6:4

Iyakiya makkedai Puwangnge, “Eh Israélié sibawa Yéhuda! Aga harusu Upogau' sibawa iko? Pappojimmu lao ri Iyya masitta'i teddéng pada-pada saléwué iyaré'ga cinoddoé ri éléé.

HOSEA 8:11

Pédé maégai mézba napatettong tau Israélié untu' leddai dosana, pédé maéga towi onrong untu' mennang pogau' dosa!

AMOS 3:2

“Polé ri sininna bangsaé ri linoé, iko ritu alé-aléna bangsa iya Uwissengngé sibawa Ujampangiyé. Iyanaro saba'na nabattowa dosamu, sibawa pasti Uhukkukko.”

AMOS 5:12

Uwisseng temmaka battowana jamu sibawa temmaka égana dosamu. Mutenre'i tau makessingngé; tarimako pasoso sibawa leppessangngi tau kasiyasié rigaukeng sibawa dé' naadélé ri pengadilangngé.

ULANGENG 33:17

Mappunnaiwi Yusuf awatangeng sikaju banténg, sibawa tanru saping lai ale iyanaro massebbu Manasyé sibawa mappulo sebbu Efraim. Natanru'i bangsa-bangsaé sibawa nadessa'i lettu ri cappa-cappa linoé.”

IBRANI 4:13

Dé'gaga muwi séddi mahlu' iya tassubbué polé ri pakkitanna Allataala. Sininna séuwa-séuwaé mallusu-lusui sibawa tabbukka ri yolo-Na. Sibawa harusu'ki mabbéré tanggung jawa' ri Aléna.

WAHYU 3:15

Uwisseng aga iya mupogau'é; Uwissekko dé' mumakeccé sibawa dé'to mumapella. Harusu'no sala séddinna!