HOSEA 5:2 - KITTA KAREBA MADECENG

² sibawa pada-pada kalebbong iya maliyungngé ri Sitim. Rimakkuwannanaro maélo-Ka hukkung manekko!

HOSEA 5:2 ပူးပေါင်းရင်းမြစ်များ

HOSEA 9:15

Makkedai Puwangnge, “Sininna jana mennang mappammulai ri Gilgal. Kuwaniro mappammula-Ka céccéi mennang. Nasaba pangkaukenna iya majaé, Urukkai matu mennang polé ri wanuwak-Kué. Dé' Uwamaséiwi matu mennanna; sininna pamimpinna pura-Ka naéwa.

YESAYA 29:15

Cilakano tau iya makkuragaé subbui rancanana polé ri Puwangnge! Tinda'i mennang sibawa mammekko-mekko, sibawa masengngi dé' muwi séddi tau mitai iyaré'ga missengngi aga iya napogau'é mennang.

HOSEA 6:9

Imang-ngimangngé ri kotaéro pada-padai sikalompo makkunrai iya madangngéngngi tau iya laloé. Muwi ri laleng iya mattujué ri onrong iya mapaccingngé ri Sikhem pogau' towi mennang abbunowang! Sininna jaéro napogau'i mennang sibawa nattungkai.

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.

HOSEA 6:5

Iyanaro saba'na Usuroi nabi-nabik-Ku untu' palettukekko apettuk-Ku makkedaé harusu'ko rihukkung sibawa ripabbinasa. Iya Uwacinnaiyé polé ri iko matajanni sibawa manessa:

HOSEA 4:2

Mattanroi mennang, iyakiya dé' narupaiwi; mabbelléi, mabbuno, ménnau, sibawa malawengngi mennang. Tattambai jaé, sibawa kajajiyangngi abbunowangngé matturu-turuseng.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEREMIA 6:28

Parronta maneng mennang iya matedde atié, sittedde gessaé sibawa bessié. Kédo majai mennang sibawa joppa lao kégi-kégi untu' patassiya karéba iya péjariyéngngi tau laingngé.

YEREMIA 5:3

Sitongenna iya natuntu'é Puwangnge iyanaritu atinulureng. Puwangnge munruko, iyakiya dé' mupaduliwi. Nalolongekko, iyakiya dé' mumaélo ripagguru. Matedde atiko, sibawa dé' mumaélo toba' polé ri dosa-dosamu.

YESAYA 1:5

Magi mumatteru bawang mabbanta? Maélokoga rihukkung lebbi tane'pa? Pennoni ulummu sibawa sining lettang mannanaé, ati sibawa pikkirammu mapeddini.