HOSEA 4:7 - KITTA KAREBA MADECENG

⁷ Pédé tattamba maégako, pédé madosa tokko lao ri Iyya, éh imang-ngimang! Rimakkuwannanaro Upinrai matu keadaammu: Dé'na naripakalebbiko matu, sangadinna ripakatuna.

HOSEA 4:7 ပူးပေါင်းရင်းမြစ်များ

HOSEA 13:6

Iyakiya engkamuna ri wanuwa iya makessingngé, sibawa messoko enrengngé najinna, mancaji matempoko nainappa muwallupai-Ka.

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

1 SAMUEL 2:30

Iyya, Puwang Allataalana Israélié, pura majjanci riyolo, makkedaé kaluwargamu sibawa appammu tumaningika matu selaku imang untu' mannennungeng. Iyakiya makkekkuwangngé dé' Upuwéloi gau'éro! Saba' iya pakalebbiék-Ka, Upakalebbii matu iyakiya iya pakatunaék-Ka, Upakatunai matu.

MALEAKHI 2:9

Na-Uwébbu tokko matu ripakariyawa ri umma Israélié nasaba dé' muturusiwi élo-Ku, sibawa nasaba mupasilaingengngi tauwé wettunna mupagguru umma'-Ku.”

HOSEA 10:1

Israélié pada-padai pong anggoro iya sara'é buwana. Pédé tattambai asugirenna, pédé maégai mézba iya naébbué. Pédé madécéngngi, pédé makessing towi naébbu tugu-tugu barahala iya nasompaé.

HOSEA 4:10

Manréko matu polé ri akkarobangeng-akkarobangeng iya riyakkasuwiyangengngé, iyakiya tette'ko matu malupu. Musompai matu déwata-déwata acommokengngé, iyakiya pabbanuwamu tette'i dé' natattamba, saba' musalai-Ka untu' massompa déwata-déwata laing.”

HABAKUK 2:16

Makkekkuwangngé narapini lélémmu untu' ripakasiri, natenniya untu' ripakalebbi. Tappinrai matu alebbiremmu mancaji atunang. Napassako matu Puwangnge ménung polé ri énungeng iya mallise'é pahukkungeng ri alému. Ménukko matu sibawa tassulus-sulung.

HOSEA 6:9

Imang-ngimangngé ri kotaéro pada-padai sikalompo makkunrai iya madangngéngngi tau iya laloé. Muwi ri laleng iya mattujué ri onrong iya mapaccingngé ri Sikhem pogau' towi mennang abbunowang! Sininna jaéro napogau'i mennang sibawa nattungkai.

HOSEA 5:1

Makkedai Puwangnge, “Engkalingai, éh sining imangngé! Pénessaiwi, éh tau Israélié! Engkalingai, éh sining tau wijanna arungngé! Purani ripateppa pahukkungengngé ri yasé'mu. Saba', sitongenna harusu'ko mangadélé sibawa adélé, iyakiya sibalé'na mancajiko pada-pada jebba'é ri Mizpa, pada-pada siyo-siyoé ri Bulu Tabor,

EZRA 9:7

Mappammulai toriyolota lettu makkekkuwangngé, idi umma'-Mu madosaki lao ri Iko. Iyanaro saba'na idi, sining arungngé enrengngé sining imatta ricaui risining arung laingngé. Riyunoki, rirampo sibawa ritiwi selaku tawangeng. Purani' ripakatuna temmappettu, pada-pada keadaanna essoéwé.

HOSEA 13:14

Iyaé bangsaé dé' Upassalama'i matu polé ri akuwasanna linona tau maté. Eh amaténg, passanrani saimmu! Pogau'ni jama-jamammu iya paancuru'éro! Dé'na Uwamaséiwi iyaé bangsaé.

HOSEA 9:11

Luttui matu massuwajang arajanna Israélié pada-pada manu'-manu'é; dé'gaga matu mattampu, sibawa dé'gaga ana'-ana' iya rijajiyangngé.

HOSEA 10:6

Iyaro barahalaé ritiwii matu ri Asyur untu' rihadiyakang lao ri arung marajaé. Naccowériwi Israélié rancana iya mébbuéngngi mennang masiri sibawa ripakatuna.

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.