HOSEA 2:2 - KITTA KAREBA MADECENG

² Makkedai Puwangnge, “Eh ana'-ana'-Ku, indo'mu tenniyana bainé-Ku, sibawa Iyya tenniya lakkainna. Rimakkuwannanaro, apparakarangngi aléna kuwammengngi aja' namalaweng sibawa aja' naccakkuribanna.

HOSEA 2:2 ပူးပေါင်းရင်းမြစ်များ

YESAYA 11:12

Maéloi paénré Puwangnge séddi bandéra untu' bangsa-bangsaé. Iyanaro tanranna Napaddeppungengngi paimeng bangsa Israélié sibawa Yéhuda iya tassiya-siyaé ri sininna sulapa'na linoé sibawa tiwii mennang lisu.

YESAYA 50:1

Makkedai Puwangnge lao ri Israélié, “Eh umma'-Ku, muwasengngi Upaddésu'ko pada-pada séddié lakkai paddésu'i bainéna? Rékko makkuwaitu, kégani sure' telle'na? Muwasengngi Iyya balu'ko, pada-pada séddié ambo' balu'i ana'na lao ri passinge inrengngé? Dé'! Ritawakko sibawa riyabbéyang, nasaba dosa nenniya jamu muto!

YESAYA 58:1

Makkedai Puwangnge, “Gorano maggangka ullé! Paissengiwi umma'-Ku dosa-dosana mennang.

YEREMIA 19:3

Harusu'-Ka makkeda makkuwaé, “Eh sining arunna Yéhuda sibawa pabbanuwana Yérusalém! Engkalingai aga Iyya, Puwang Iya Pommakuwasaé, Allataalana Israélié, maélo napowada lao ri iko. Upapoléi matu abala iya battowaé ri yasé'na onrongngéwé angkanna tau iya méngkalingaéngngi tasséleng.

YEREMIA 2:2

mappallebbangengngi karébaéwé lao ri sininna tauwé ri Yérusalém, “Eh Israél, uwéngngerangngi temmaka tinulumu ri wettu malolomu mupa; temmaka battowana pappojimmu wettutta bottimparu. Muwaccowéri-Ka lao ri padang kessi'é molai daéra iya dé'é naritanengi.

YEREMIA 3:1

Makkedai Puwangnge, “Rékko séddié bainé ritelle ri lakkainna, nainappa iyaro makkunraié mancaji bainéna tau laingngé, poro lakkainna dé' nawedding malai paimeng selaku bainéna, saba' iyaro gau'é nasolangiwi iyaé wanuwaé. Iko Israélié, mappunnaino maéga senna canring, masa makkekkuwangngé maéloko lisu lao ri Iyya!

YEREMIA 3:13

Angakui bawanni makkedaé pasalako sibawa purano maronta lao ri Puwangnge, Allataalamu. Angakuini makkedaé ri yawana tungke aju maworongngé purani muwabbéréyang pappojimmu lao ri déwata-déwatana bangsa laingngé, sibawa dé' muturusiwi parénta-parénta-Ku. Iyya, Puwang pura mabbicara.”

YEREMIA 3:18

Masséddiwi matu Israélié sibawa Yéhuda, sibawa silaong lao polé ri wanuwa appalirengngé ri seddé manorang. Lisui matu ri wanuwa iya puraé Uwéréngngi selaku tana manana lao ri toriyolona.”

YEHEZKIEL 16:20

Nainappa muwakkasuwiyangeng ana'-ana'ta, worowané sibawa makkunraié, mancaji akkarobangeng lao ri barahala-barahalaé. Dé'paga nagenne makkedaé dé' mumatinulu lao ri Iyya?

YEHEZKIEL 16:25

Mucarépaiwi agelloremmu. Muwappéddarangngi tubummu lao ri tungke worowané iya laloé, sibawa dé' pajana malawekko.

YEHEZKIEL 20:4

“Eh tolino dé'é namannennungeng, sadiyanoga madélékiwi mennang? Nah, pogau'ni! Paréngngerangiwi mennang sininna atunang iya puraé napogau' néné-nénéna.

YEHEZKIEL 23:43

Na pikkiri'-Ku, ‘Maélo mupiga iyaro sining tauwé macculé cinta sibawa sining cakkuribang iya makelle'énna nasaba alawengeng?’

YEHEZKIEL 23:45

Iyakiya, sining tau malempué madélékiwi matu kaka maranriéro nasaba alawengeng sibawa abbunowang, saba' mémeng pasalai mennang.”

HOSEA 1:2

Wettunna bunge'-bunge' mabbicara Puwangnge lao ri bangsa Israélié sibawa naolaka, makkedai Puwangnge, “Hoséa, kawingiwi séddi tau iya pojiyéngngi maccakkuribang, na ana'-ana'mu mancaji towi matu pada-pada aléna. Umma'-Ku pada-padai bainémuro; dé' namatinulu mennang lao ri Iyya, sibawa nasalai-Ka.”

HOSEA 2:1

Rimakkuwannanaro obbini pada-padammu sibawa aseng “Umma'na Allataala” sibawa “Riyamaséi ri Puwangnge”.

HOSEA 2:5

Cakkuribang indo'mu iya dé'é naissengngi masiri. Makkedai, ‘Maéloka lao risining canrikku iya mpéréngngékka inanré sibawa énungeng, wol sibawa kaing lénang, minnya zaitun sibawa anggoro.’

HOSEA 4:5

Esso wenni mébbuko asalang, makkuwatoro sining nabié. Rimakkuwannanaro upabbinasai matu Israélié, indo'mu.

MIKHA 2:13

Utimpa'i matu lalengngé sibawa tiwiko massu polé ri appalirengngé. Murumpa'i matu pintu-pintu gerbangngé nennniya lao sibawa laluwasa. Iyya, Puwang muto, iyanaritu Arummu, na-Upimpikko matu massu.”

2 KORINTUS 5:16

Rimakkuwannanaro, dé'na taangke'i tauwé situru ukkurang tolinoé. Mémeng engka naengka nariyangke Kristus polé ri tolinona, iyakiya makkekkuwangngé dé'na.