HAKING-HAKING 7:4 - KITTA KAREBA MADECENG

⁴ Nanakkedasi Puwangnge lao ri Gidéon, “Maéga senna mupa ana' buwamu. Tiwii mennang ri saloé. Kuwaro maélo-Ka sisérekko. Rékko makkeda-Ka lao ri iko, ‘Iyaé tauwé harusu'i lao sibawakko,’ harusu'i lao. Iyakiya rékko makkeda-Ka, ‘Iyaé tauwé dé' nawedding lao sibawakko,’ dé' nawedding lao.”

HAKING-HAKING 7:4 ပူးပေါင်းရင်းမြစ်များ

KAJAJIYANG 22:1

Siyagangngaré wettu ri munrinna Allataala mojiwi atinulurenna Abraham. Mangobbii Allataala, “Abraham!” Nanappébali Abraham, “Iyyé Puwang.”

AYUB 23:10

Iyakiya Naissengngi sininna lalekku makkuwatoro tungke' jongkaku. Rékko riojika pada-pada ulawengngé, pabuttiwi matu makkedaé mapaccingngi atikku.

MAZMUR 33:16

Dé' napakala arungngé nasaba battowana tentarana, dé' nasalama prajuri'é nasaba awatangenna.

MAZMUR 66:10

Oh Allataala, Iko pura mojiki pada-pada tau patuléngngéngngi péra'é ri laleng apié.

MAZMUR 7:9

Muadélékiwi rupa tauwé; wérékka adélékeng, oh Puwang, saba' dé' upasala.

HAKING-HAKING 7:5

Nanatiwini Gidéon iyaro sining tauwé ri saloé, namakkeda Puwangnge lao ri Gidéon, “Tau iya lépe'éngngi uwai pada-pada asué, harusu'i mupallaing polé ri tau iya makkaluttué untu' ménung.”

1 SAMUEL 14:6

Namakkedana Yonatan lao ri kalloloéro, “Laono mai talao ri posna tau Filistin kapéré'éro. Ajakké maéloi Puwangnge tulukki. Saba' naullé Puwangnge mabbéré apakalang, muwi sibawa maéga tau iyaré'ga céddé tau.”

1 SAMUEL 16:7

Iyakiya makkedai Puwangnge lao ri Samuél, “Aja' mutattaré ri tappana iya magelloé sibawa matanré watakkaléna; tenniya aléna Uwélori. Dé' uwangangke pada-pada tolinoé mangangke. Tolinoé mitai tappa, iyakiya Iyya mitaka ati.”