HAKING-HAKING 7:2 - KITTA KAREBA MADECENG

² Makkedai Puwangnge lao ri Gidéon, “Maéga senna ana' buwamu. Dé' umaélo mpéréngngi apakalang mennang lao ri tau Midiangngé, saba' napikkiri'i matti mennang pakalai nasaba awatangeng rialéna, angkanna dé' napojika.

HAKING-HAKING 7:2 ပူးပေါင်းရင်းမြစ်များ

KAJAJIYANG 46:2

Ri laleng séuwa pakkitang ri wennié, makkedai Allataala lao ri aléna, “Yakub, Yakub!” “Iyyé Puwang,” pappébalinna.

2 TAWARIKH 14:11

Nanassempajang Asa lao ri Puwang Allataalana, “Puwang, banna Iko mulléi duwangngi iya malemmaé polé ri iya mawatangngé. Tulukki makkekkuwangngé, oh Puwang Allataalata! Ri alé-Muki sanré sibawa ri laleng asem-Muki massu mammusu méwai pasukang iya battowa senna'éwé. Puwang, Iko ritu Allataalata. Aja' Muleppessangngi alé-Mu ricau riséddié tolino.”

YESAYA 10:13

Mabboroi arung Asyur, adanna, “Iya manennaro upogau'i sibawa akuwasakku muto. Mapanréka sibawa macca. Uleddai sining pakkaséséng ri yelle'na bangsa-bangsaé, sibawa urampasa'i passadiyanna mennang. Pada-pada banténgngé uléjja-léjja'i sining tau iya mapparéntaé.

YESAYA 2:11

Tau matempoé ripakariyawai matu sibawa tau maboroé ripatunru'i. Banna Puwangnge bawang ripakaraja.

YESAYA 2:17

Tau matempoé ripakariyawai matu, sibawa tau maboroé ripatunru'i. Banna Aléna Puwangnge iya ripakarajaé.

YEREMIA 9:23

Makkedai Puwangnge, “Tau maccaé dé' nawedding mabangka nasaba apanrénna, tau mawatangngé nasaba awatangenna, sibawa tau sugié nasaba asugirenna.

YEHEZKIEL 28:17

Tappamu iya magelloé mébbuko matempo sibawa ataromporemmu nassabariko tinda madonggo. Rimakkuwannanaro Uwabbantingekko ri tanaé sibawa Upancaji papparéngngerang untu' arung-ngarung laingngé.’ ”

YEHEZKIEL 28:2

“Eh tolino dé'é namannennungeng, palettu'i lao ri arung Tirus, aga iya Iyya Puwang Iya Pommatanré upowada lao ri aléna, ‘Nasibawang atempong muwangga'i alému déwata iya makkarungngé ri tengnga-tengngana tasi'é. Weddissa mallaga'ko selaku déwata, iyakiya éngngerangngi, bannako tolino biyasa.

DANIEL 4:30

makkedaka, “Itai, anengka héba'na kota Babél! Iyya ritu patettongngi mancaji ibukota wanuwa untu' pabuttiwi akuwasakku sibawa awatangekku, arajakku sibawa aloppokku!”

HABAKUK 1:16

Nainappa nasompa mennang iyaro jalaé sibawa nawéréngngi pakkasuwiyang akkarobangeng, saba' nasibawang iyaro jalaé lolongenni mennang dallé maona sibawa mancajini madécéng.

ZAKHARIA 12:7

Iyya, Puwang, bunge'-bunge' mabbéré matu apakalang lao ri tentarana Yéhuda, kuwammengngi alebbireng iya natarimaé wijanna Daud enrengngé pabbanuwana Yérusalém dé' napakacauriwi alebbireng iya natarimaé pabbanuwana Yéhuda laingngé.

ZAKHARIA 4:6

Iyaro malaéka'é nasuroka palettu'i lao ri Zérubabél pasenna Puwang-ngéwé, “Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.

ABBILANGENG 31:4

Polé ri tungke' suku bangsa Israélié, harusu'ko passadiya sisebbu tau prajuri untu' maju mammusu.”

ROMA 11:18

Rimakkuwannanaro, aja' muangga' énténgngi mennang iya puraé rirette pada-pada takkéro. Harusu'ko méngngerangngi makkedaé banna takkéko bawang. Na tenniya takké mabbéré anré lao ri ure'é, sangadinna ure'é mabbéré anré lao ri takké.

ROMA 3:27

Rimakkuwannanaro dé'na gaga alasang ri idi untu' mammingki-mingki. Magi nakkuwaro? Aga nasaba ripogau'i iya tarokié ri laleng hukkunna agama Yahudié? Tenniya. Iyakiya nasaba mateppe'ki.

2 KORINTUS 4:7

Iyakiya waramparang rohani iya magelloéro ritiwii ri aléta iya dé'é angke'naé iya riyébbué polé ri tanaé. Rimakkuwannanaro manessani makkedaé arajanna iyaro akuwasangngé monroi ri Allataala natenniya ri idi.

ULANGENG 32:27

Iyakiya dé' Umaélo matempo balinna Israélié; ajakké mennang kacéléi sibawa makkeda makkedaé nacaui mennang umma'-Ku,’ padahal iyya ritu pogau'i.

ULANGENG 8:17

Jaji, aja' sises-siseng muwappikkiri makkedaé nasibawang usaha sibawa awatangeng alému namumancaji sugi.

ULANGENG 8:18

Engngerangngi makkedaé Puwang Allataalamu iya mpéréngngékko iyaro asugirengngé. Napogau'i gau'éro nasaba lettu essoéwé matinulu mupi lao ri assijancing iya Naébbué sibawa néné-nénému.

YAKOBUS 4:6

Namuni makkuwaro, pammaséna Allataala iya nawéréngngékki lebbi mawatangngi naiya cinnana iyaro rohta. Iyanaro saba'na ri laleng Kitta'é taroki towi, “Allataala méwai tau iya matempoé, iyakiya sibalé'na namaséiwi tau iya mariyawa atié.”

1 SAMUEL 14:6

Namakkedana Yonatan lao ri kalloloéro, “Laono mai talao ri posna tau Filistin kapéré'éro. Ajakké maéloi Puwangnge tulukki. Saba' naullé Puwangnge mabbéré apakalang, muwi sibawa maéga tau iyaré'ga céddé tau.”