HAKING-HAKING 7:1 - KITTA KAREBA MADECENG

¹ Riséuwaé esso Gidéon silaong sininna ana' buwana moto'ni maélé senna. Laoni mennang namakkéma ri seddéna mata uwai Harod. Akkémanna tau Midiangngé engkai ri seddé manoranna mennang, ri lompo seddéna Bulu-bulu More.

HAKING-HAKING 7:1 ပူးပေါင်းရင်းမြစ်များ

KAJAJIYANG 12:6

najalajja'ni Abram iyaro tanaé narapi lettu ri aju makare'é ri More, iyanaritu onrong assompangngé ri Sikhem. (Iyaro wettué naonroi mupi tau Kanaangngé iyaro tanaé.)

KAJAJIYANG 22:3

Maélé senna'ni pappa bajana essoé, Abraham puwé'-puwé' aju untu' akkarobangeng ritunu nanasiyoi iyaro ajué ri lekke'na kaleddé'na. Joppani silaong Ishak sibawa duwa tau atanna lao ri onrong iya napowadaé Allataala lao ri aléna.

MAZMUR 83:9

Makkuwatoro Asyur masséddini sibawa mennang, mancaji ana' buwana wija-wijanna Lot.

PAKKATOBBA 9:10

Jamai sininna tugasmu sibawa maggangka ullé. Saba' matti dé'na gaga pikkirang iyaré'ga jama-jamang. Dé'gaga pangissengeng iyaréga amaccang ri linona tau maté. Na kuwaniro laoko matu.

ULANGENG 11:30

Iya duwa buluéro monroi ri seddé yajanna Salo Yordan ri daérana tau Kanaangngé iya monroé ri Lompo Yordan, mangolo ri yajang, dé' namabéla polé ri ajukajung onrong assompangngé ri More seddéna kota Gilgal.)

YOSUA 3:1

Pappa bajanana, Yosua sibawa sininna umma Israélié maélé senna'ni moto, nanasalaiwi onrong akkémanna mennang ri Sitim, nanalao ri Salo Yordan. Kuwaniro mennang makkéma nanatajeng towi wettunna untu' mallétto.

YOSUA 6:12

Bajana, maélé senna'ni moto Yosua nainappa untu' mabbékkaduwana sining imangngé sibawa tentaraé mabbarisi mattulilingiwi kotaéro ri laleng atturu-turuseng barisi pada-pada esso ri yolona: bunge-bunge'na barisi pengawal ri yoloé, nainappa iya pitu imang iya seppungngéngngi tarompé'é, riyaccinrolai ri imang-ngimang iya mpulééngngi Petti Assijancingngé, na paccappurenna barisi pengawal ri monrié. Na tarompé'é matteru-terui ripaoni.

HAKING-HAKING 6:32

Nasaba makkedai Yoas, “Leppessanni aléna Baal méwai Gidéon, saba' purai nabongkara mézbana,” namappammulai wettuéro nasenni tauwé Gidéon “Yérubaal”.

HAKING-HAKING 6:33

Iyaro wettué sininna tau Midiangngé, Amalé'é sibawa suku-suku bangsa laingngé ri padang kessi seddé alauna Yordan maddeppungenni. Nalléttoiwi mennang Salo Yordan, sibawa makkéma ri Lompo Yizreel.

HAKING-HAKING 6:40

Iyaro wennié napogau'ni Allataala aga naéllau Gidéonro, angkanna pappa bajana éléé iyaro bulu bimbala'é annessana marakkoi, iyakiya tanana marica'i nasaba cinoddo.

HAKING-HAKING 8:29

Labe'na ammusurengngéro, lisuni Gidéon ri kampong assalenna sibawa monro kuwaro.

1 SAMUEL 12:11

Nainappa Puwangnge suroi Gidéon, nainappa Barak, purairo Yéfta, na paccappurenna iyya. Tungke'-tungke'ki pura paleppe'ko polé ri balimmu, angkammu weddikko tuwo sibawa amang.

1 SAMUEL 29:1

Napaddeppungenni tau Filistingngé sininna tentarana ri Afék, na tau Israélié makkémai ri seddéna mata uwai ri Lompo Yizreel.