HAKING-HAKING 5:2 - KITTA KAREBA MADECENG

² Pojiwi Puwangnge, saba' sining pahlawanna Israélié mattedde'ni untu' méwa, sibawa ra'ya'é rélai lao mammusu.

HAKING-HAKING 5:2 ပူးပေါင်းရင်းမြစ်များ

2 TAWARIKH 17:16

Tau matellué iyanaritu Amasia ana' Zikhri; nakapalaiwi 200.000 prajuri. (Amasia iyanaritu séddiwi sukarélawan iya massompaé ri Puwangnge.)

NEHEMIA 11:2

Ri yelle'na mennang engka iya macenningngé mattette ri Yérusalém sibawa ripojiwi mennang ri ra'ya'é.

MAZMUR 103:2

Pojiwi Puwangnge, éh nyawaku, aja' muwallupaiwi sininna akessingen-Na!

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

MAZMUR 136:15

Iyakiya arung Maséré sibawa tentarana Napatallemme'i; mannennungengngi pammasé-Na.

MAZMUR 18:47

Tuwoi Puwangnge! Ripojiwi pangéwaingekku! Pakarajai aloppongenna Allataala pappassalama'ku!

MAZMUR 48:11

Tassebbo'i asem-Mu sibawa ripoji ri sininna linoé, mapparénta-Ko sibawa adélé.

MAZMUR 94:1

Oh Allataala, Iko ritu Allataala iya makkabale'é, ajjellokenni pakkabale'-Mu, oh Puwang.

MAZMUR 97:8

Masennangngi pabbanuwana Sion sibawa kota-kotana Yéhuda wettunna naéngkalinga apettunna Puwangnge.

1 KORINTUS 9:17

Akkalarapanna upajoppai jama-jamakkuro nasaba éloku, tentu weddikka mamménasa untu' lolongeng saro. Iyakiya uwabbirittangngi Karéba Madécéngngéro mala nasaba riwaji'kangnga. Risuroka ri Allataala untu' pogau'i iyaro.

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

2 KORINTUS 9:7

Tungke' tau harusu'i mabbéré manuru' cenning atinna. Aja' nabbéré sibawa tabbata-bata iyaré'ga nasaba tarapassa, saba' Allataala mamaséiwi tau iya mabbéré sibawa masennang ati.

ULANGENG 32:43

Eh bangsa-bangsa, pojiwi umma'na Puwangnge, saba' Puwangnge hukkungngi sininna iya mpunoéngngi mennang. Makkabale'i lao ri balin-Na iyakiya maddampengengngi dosana umma'-Na.”

ULANGENG 33:21

Tana iya kaminang makessingngé nalai untu' aléna bagiyang appimpingengngé riwéréngngi mennang. Napogau'i mennang sininna parénta-Na sibawa hukkunna Puwangnge wettunna maddeppungeng massibawa sining pamimpinna Israélié.”

FILIPI 2:13

nasaba Allataala muto ritu iya majjamaé ri laleng alému untu' mébbuko réla sibawa mulléi pésennangiwi atinna Allataala.

FILEMON 1:14

Iyakiya dé' umaélo pogau' agi-agi rékko dé'pa nasitujuiwi Saudara. Lebbi upojiwi rékko napogau'i Saudara sibawa macenning; dé' umaélo passako.

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

HAKING-HAKING 5:9

Wettunna nattawareng aléna sining pallimana Israélié sibawa cenning ati, upalettu'i pappakalebbiku iya marilalengngé. Pojiwi Puwangnge!