HAKING-HAKING 17:5 - KITTA KAREBA MADECENG

⁵ Mémeng mappunnaini Mikha séddi onrong assompang. Mébbuni siyagangngaré dato'-dato' barahala sibawa silampa éfod nainappa nakkka sala séddinna ana'na worowané mancaji imang.

HAKING-HAKING 17:5 ပူးပေါင်းရင်းမြစ်များ

HAKING-HAKING 18:14

Makkedani iya lima tau mata-mata risuroé riyoloro lao ri sellao-sellaona, “Muwissegga makkedaé risala séddinna bolaéwé engka dato'-dato' mallapi péra'? Engkato dato'-dato' laing sibawa éfod. Coba pikkiri'i aga harusu tapogau'.”

HAKING-HAKING 8:27

Polé ri ulawengngéro, mébbuni Gidéon séddi dato-dato barahala, nainappa nataro ri désana, iyanaritu ri Ofra. Sininna tau Israélié laoni kuwaro untu' sompai dato-dato barahalaéro, angkanna mennang dé'na najampangiwi Allataala. Na iyaro gau'é mancajiwi pada-pada siyo-siyoé lao ri Gidéon sibawa kaluwargana.

KAJAJIYANG 31:19

Iyaro wettué engkai Laban ri padangngé mattengngang goncingngi bulu-bulunna bimbala'na, na iyaro wettué naénnauwi Rahél dato'-dato' pallinrung kaluwarga appunnangenna ambo'na.

HAKING-HAKING 18:24

Nappébali Mikha, “Mulariyangngi dato'-dato'ku sibawa imanna, angkanna dé'na uwappunnai aga-agana, nainappako makkeda, ‘Engka aga!’ ”

KAJAJIYANG 31:30

Uwisseng makkedaé joppako nasaba macinna senna'ko lisu. Iyakiya magi muwénnauwi dato'-dato' pallinrung kaluwargaku?”

HOSEA 3:4

Makkuwaniro gau'na sibawa bangsa Israélié; maitta senna mennang harusu tuwo dé' arunna iyaré'ga pamimpinna, dé' akkarobangeng iyaré'ga tugu-tugu makarame, dé' barahala-barahala iyaré'ga sima'-sima' iya mappaissengengngéngngi rahasiyana wettu mangoloé.

ASSURENG 29:9

nenniya babbang ri mennang, nainappa mutaro passapué ri ulunna. Makkuwaniro carana lanti'i Harun sibawa ana'-ana'na. Mennang sibawa wija-wijanna harusu'i natumaningi-Ka selaku imang lettu mannennungeng.

ASSURENG 28:15

“Ebburengngi Imang Lompoé séddi pattongko aro untu' napaké wettunna maélo missengngi élona Allataala. Bahang sibawa sulanna iyaro pattongko aroé harusu'i pada-pada sibawa bahang enrengngé sulangeng éfod-é.

IBRANI 5:4

Dé'gaga séddi tau iya aléna muto makkai aléna mancaji imang lompo. Mancajiwi imang lompo tauwé, rékko Allataala mobbii untu' iyaro – pada-pada muto Harun.

HOSEA 8:14

Patettongngi tau Israélié sining saoraja, iyakiya takkalupai mennang lao ri Pappancajinna. Napamaégaiwi tau Yéhudaé kota-kota mabbénténgngé, iyakiya maélo-Ka panonno api untu' tunui gangka cappu sining saorajana sibawa kota-kotana.”

EZRA 1:7

Napassuni Korésy mangko-mangko'é sibawa sining énungeng iya ripaké riyolo ri laleng Bolana Puwangnge ri Yérusalém. Iyaro barab-barangngé natiwii Arung Nébukadnézar nanataroi ri laleng bola déwata-déwatana.

1 ARUNG-NGARUNG 12:31

Patettong towi Yérobéam onrong-ngonrong assompang laing ri tompo-tompo bulué, sibawa makkai imang-ngimang polé ri yelle'na kaluwarga-kaluwarga iya tenniyaé suku Léwi.

1 SAMUEL 23:6

Wettunna Abyatar ana' Ahimélékh lari lao ri Daud, enrengngé silaongengngi Daud lao ri Kéhila, natiwi towi éfod-é.

ASSURENG 28:4

Suro towi mennang mébbu pattongko aro, éfod, jumba, kaméja risulang, passapu sibawa babbang. Iyaro pakéyang imangngé harusu'i naébbu mennang untu' Harun, kakamu sibawa ana'-ana'na kuwammengngi weddingngi natumaningi-Ka selaku imang.

ASSURENG 24:5

Nanasuroni Musa siyagangngaré kallolo, sibawa makkasuwiyangenni mennang akkarobangeng ritunu untu' Puwangnge enrengngé géré siyagangngaré saping untu' akkarobangeng pappasidamé.

ABBILANGENG 3:10

Iyakiya Harun sibawa ana'-ana'na harusu'i muwakka untu' pajoppai jamangngé selaku imang; rilainnaé mennang, nigi-nigi cobai pogau'i iyaro jamangngé harusu'i rihukkung maté.”

HAKING-HAKING 17:4

Purana napalisu Mikha iyaro dowié ri indo'na, iyaro indo'na nalani duwa ratu batunna polé ri dowiéro, nanabbéréyangngi lao riséddié panré péra'. Nainappa nasuro iyaro panré mébbu séddi dato'-dato' aju iya rilapiriyé sibawa péra'. Nainappa iyaro dato'-dato'é nataro ri bolana Mikha.

HAKING-HAKING 18:30

Dato'-dato' barahala iya natiwié mennanro, napatettonni ri kotaéro nainappa nakka Yonatan, ana' Gérsom, eppona Musa, mancaji imanna. Iyaé wijanna Gérsom tette'i mancaji imanna suku Dan narapi wettunna umma Israélié ripali ri wanuwa-wanuwa laingngé.

YESAYA 44:13

Panré ajué mukkuru'i ajué. Nagambara'i patta-pattana sibawa puwalé, nasobbi'i sibawa pakkakkasa'na sibawa pancajiwi dato-dato tolino iya mamelloé, nainappa nataro ri lalempolana.

YEHEZKIEL 21:21

Tettongngi arung Babél ri seddéna papeng pajjello lalengngéro. Untu' missengngi laleng kéga naola matu, méllauwi panunju polé ri barahala-barahalana, goso'i panaé sibawa paréssai atinna olokolo iya nappaé riyakkarobangeng.

1 SAMUEL 19:13

Purairo nalani Mikhal dato'-dato' ruma tanggana nanapalénne'i ri onrong atinronna Daud. Nainappa ri bagiyang ulunna nataroi angkalungung polé ri bulu bémbé'é, nainappa naparampaki iyaro dato'-dato'é sibawa parampa.

1 ARUNG-NGARUNG 12:32

Nainappa nataro Yérobéam iyaro sining imangngé ri Bétel untu' majjama kuwaro na aléna paimeng makkasuwiyangeng akkarobangeng lao ri saping ulaweng iya naébbuéro. Nainappa napattentu tanggala seppulo lima uleng aruwa selaku esso maraja untu' Israélié, pada-pada esso marajaé ri Yéhuda. Iyaro essoé laoni Yérobéam ri Bétel sibawa makkasuwiyangeng akkarobangeng untu' ramé-raméiwi esso maraja iya puraé napattenturo.

YEHEZKIEL 21:26

Iyya, Puwang Iya Pommatanré pura mabbicara. Leppessanni passigera'mu sibawa lukkani passapummu. Makkekkuwangngé, tappinrani keadaangngé. Akkani tudangenna tau kasiyasié sibawa wéréngngi mennang akuwasang! Panonnoi sining panguwasaé polé ri alebbirenna!