HAKING-HAKING 17:4 - KITTA KAREBA MADECENG

⁴ Purana napalisu Mikha iyaro dowié ri indo'na, iyaro indo'na nalani duwa ratu batunna polé ri dowiéro, nanabbéréyangngi lao riséddié panré péra'. Nainappa nasuro iyaro panré mébbu séddi dato'-dato' aju iya rilapiriyé sibawa péra'. Nainappa iyaro dato'-dato'é nataro ri bolana Mikha.

HAKING-HAKING 17:4 ပူးပေါင်းရင်းမြစ်များ

HAKING-HAKING 17:3

Napalisuni Mikha iyaro dowié ri indo'na, namakkedana indo'na, “Kuwammengngi iko ana', leppe'ko polé ri tanro iya puraé upowadaro, uwakkasuwiyangengngi iyaé péra'é lao ri Puwangnge untu' ripaké mébbu dato'-dato' aju iya rilapiriyé péra'. Jaji iyaro dowié upalisui lao ri iko.”

HAKING-HAKING 17:5

Mémeng mappunnaini Mikha séddi onrong assompang. Mébbuni siyagangngaré dato'-dato' barahala sibawa silampa éfod nainappa nakkka sala séddinna ana'na worowané mancaji imang.

YESAYA 30:22

Dato-dato barahalamu iya mallapi péra'é sibawa ulaweng mubuwangngi matu pada-pada roppo'é, namuwakkedato, “Eddé'no polé ri aléku!”

YESAYA 44:13

Panré ajué mukkuru'i ajué. Nagambara'i patta-pattana sibawa puwalé, nasobbi'i sibawa pakkakkasa'na sibawa pancajiwi dato-dato tolino iya mamelloé, nainappa nataro ri lalempolana.

ULANGENG 27:15

Sining tau Léwié: ‘Tattanroi tau iya mébbué dato'-dato' polé ri batué, ajué iyaré'ga bessié, nanasompai sibawa subbu-subbu; nabenci Puwangnge assompang barahalaé!’ Sininna ra'ya'é: ‘Aming!’

HAKING-HAKING 18:17

Iya lima mata-mataéro matteruni muttama ri lalempola, nanalai dato'-dato' aju iya mallapi péra'éro silaong dato'-dato' laingngé sibawa éfod. Iyaro kallolo Léwié mattengngangngi tettong silaong iya enneng ratuna prajuri'éro ri pintu gerbangngé.

HABAKUK 2:18

Tattanroko! Makkedako lao ri sipoloé aju, “Oto'no!” iyaré'ga lao ri séddié batu loppo, “Tokkonno!” Naulléga séddié dato'-dato' powadai séuwaé lao ri iko! Weddissa jaji iyaro dato'-dato'é mallapii ulaweng sibawa péra', iyakiya dé'gaga nyawa ri aléna. Aga akkégunana dato'-dato' barahalaé? Iyaro banna ébbu tolino bawang. Iya mulolongengngé polé ri aléna banna bellé simata. Siya-siyai atepperenna pakkébbu barahalaé lao ri ébbu limanna, iya dé'é nawedding makkeda-adaro.