HAKING-HAKING 17:3 - KITTA KAREBA MADECENG

³ Napalisuni Mikha iyaro dowié ri indo'na, namakkedana indo'na, “Kuwammengngi iko ana', leppe'ko polé ri tanro iya puraé upowadaro, uwakkasuwiyangengngi iyaé péra'é lao ri Puwangnge untu' ripaké mébbu dato'-dato' aju iya rilapiriyé péra'. Jaji iyaro dowié upalisui lao ri iko.”

HAKING-HAKING 17:3 ပူးပေါင်းရင်းမြစ်များ

2 TAWARIKH 33:7

Nataroi dato'-dato' barahalaé ri Bolana Puwangnge, padahal passalenna onrongngéro purai makkeda Allataala lao ri Daud sibawa Salomo ana' worowanéna, “Bola-Ku ri Yérusaléngéwé, iya puraé Upilé polé ri yelle'na iya seppulo duwa daérana suku Israélié, iyanaritu onrong iya puraé Upattentu selaku onrong assompang lao ri Aléku untu' mannennungeng.

ASSURENG 20:23

Aja' muwébburengngi alému dato'-dato' péra' iyaré'ga ulaweng untu' musompa rilaik-Ku.

ASSURENG 20:4

Aja' muwébburengngi alému dato'-dato' iya sinrupaé muwi aga iya engkaé ri langié, ri linoé iyaré'ga ri laleng uwai ri yawana linoé.

ASSURENG 34:17

Aja' muwébbu sibawa sompai déwata-déwata polé ri bessié.

YESAYA 30:22

Dato-dato barahalamu iya mallapi péra'é sibawa ulaweng mubuwangngi matu pada-pada roppo'é, namuwakkedato, “Eddé'no polé ri aléku!”

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

YEREMIA 10:8

Madongo sibawa madonggo maneng mennang saba' déwatana banna aju simata, dé' naulléi mappagguruwangngi iya makkégunaé.

ANGIMANGENG 19:4

Aja' musompa barahala. Aja' muwébbu dato'-dato' polé ri bessié sibawa sompai. Iyya'na Puwang Allataalamu.

YOHANES 16:2

Ripassuko matu polé risining bola assompangngé. Napoléi matu wettunna makkedaé tau iya mpunoékko nasekko matu mattumani lao ri Allataala.

ULANGENG 12:3

Ruttungngi mézba-mézbana mennang sibawa ropo'i alliri-alliri batu iya naangga'é mennang makarame'. Tunui lambang-lambang Asyéraé, sibawa ancuru'i dato'-dato' barahalana mennang, angkanna iyaro déwata-déwataé dé'na narisompa matu paimeng ri onrong-ngonrongngéro.

ULANGENG 27:15

Sining tau Léwié: ‘Tattanroi tau iya mébbué dato'-dato' polé ri batué, ajué iyaré'ga bessié, nanasompai sibawa subbu-subbu; nabenci Puwangnge assompang barahalaé!’ Sininna ra'ya'é: ‘Aming!’

HAKING-HAKING 17:13

Nakkeda Mikha, “Nah, makkekkuwangngé mateppe'na Puwangnge pogau'i matu makessingngé lao ri iyya saba' engkana séddi tau Léwi iya mancaji imangngé untu' iyya.”

HAKING-HAKING 17:2

Riséuwaé esso makkedai lao ri indo'na, “Indo', wettunna indo' ateddéngeng sisebbu sératu dowi péra', uwéngkalingai indo' tanroiwi pangana. Engkaniyé, indo' dowina! Iyya ritu ménnauwi.” Nappébali indo'na, “Tennapodo Puwangnge barakkakiko, na'!”

HAKING-HAKING 17:4

Purana napalisu Mikha iyaro dowié ri indo'na, iyaro indo'na nalani duwa ratu batunna polé ri dowiéro, nanabbéréyangngi lao riséddié panré péra'. Nainappa nasuro iyaro panré mébbu séddi dato'-dato' aju iya rilapiriyé sibawa péra'. Nainappa iyaro dato'-dato'é nataro ri bolana Mikha.

HAKING-HAKING 18:30

Dato'-dato' barahala iya natiwié mennanro, napatettonni ri kotaéro nainappa nakka Yonatan, ana' Gérsom, eppona Musa, mancaji imanna. Iyaé wijanna Gérsom tette'i mancaji imanna suku Dan narapi wettunna umma Israélié ripali ri wanuwa-wanuwa laingngé.

HAKING-HAKING 18:5

Namakkeda mennang lao ri aléna, “Rékko makkuwaitu, tulung akkutanangngi ri Allataala aga iyaé allalengetta papolé matu wassélé iyaré'ga dé'.”