HAKING-HAKING 1:34 - KITTA KAREBA MADECENG

^34-35 Bangsa Amorié tette mupi monro ri Ayalon, Saalbim sibawa Bulu Héres, saba' suku Dan ridessa'i ri mennang lao ri daéra bulué, sibawa dé' naripalalo nonno ri daéra tanété mariyawaé. Iyakiya iyaro bangsa Amorié tuli ritenre'i ri suku Efraim sibawa Manasyé enrengngé ripassai mappallaung untu' iya duwa sukuéro.

HAKING-HAKING 1:34 ပူးပေါင်းရင်းမြစ်များ

YOSUA 19:47

Sining tau suku Dan ateddéngengngi sibagiyang polé ri daérana mennang, jaji laowi mennang ri Lésem sibawa gasai iyaro kotaé. Nasittaini mennang, naunoi pabbanuwana, sibawa natudangiwi kotaéro. Naonrona mennang kuwaro sibawa palétté'i asenna kota Lésem mancaji kota Dan, situru asenna toriyolona mennang.

HAKING-HAKING 18:1

Iyaro wettué ri Israélié dé'gaga arung. Suku Dan sappa-sappa mupi daéra untu' mancaji daérana mennang, saba' dé'topa mennang nalolongeng tana silaong suku-suku laingngé ri laleng bangsa Israélié.

HAKING-HAKING 1:33

Pabbanuwana kota Bét-Sémes sibawa Bét-Anat dé'to napaddésu'i suku Naftali. Iyanaro saba'na tau Kanaangngé, pabbanuwa tulénna wanuwaéro monro mupi kuwaro silaong tau Naftalié. Iyakiya, ripassai mennang mappallaungengngi tau Naftalié.