FILIPI 4:9 - KITTA KAREBA MADECENG

⁹ Pajoppani aga muwaggurui sibawa mutarima polé ri iyya; muwi polé ri ada-adakku iyaré'ga polé risining pangkaukekku. Allataala assalenna asaléwangengngé, sibawakko matu.

FILIPI 4:9 ပူးပေါင်းရင်းမြစ်များ

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YESAYA 8:10

Ebbuno rancana, iyakiya iya manenna dé'gaga kajajiyang matu. Alano apettung, iyakiya dé'gaga akkégunana, saba' Allataala sibawakki.

MATIUS 1:23

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

MATIUS 7:21

“Dé' naiya maneng tau iya mobbiék-Ka, ‘Puwang, Puwang’, mancaji matu anggotana umma'na Allataala, iyakiya banna bawang sining tau iya pogau'éngngi élona Ambo'-Ku ri surugaé.

LUKAS 6:46

“Magi muwobbi-Ka, ‘Puwang, Puwang’, iyakiya dé' mupogau'i aga iya Upowadangngékko?

LUKAS 8:21

Iyakiya makkedai Yésus lao ri mennang, “Sining tau iya méngkalingaéngngi ada-adanna Allataala sibawa napogau'na, iyanaritu indo' sibawa silessu-silessurek-Ku.”

YOHANES 13:17

Rékko muwissengngi iya manennaé, masennanno rékko mupogau'i.

YOHANES 15:14

Iko iyanaritu sellao-sellao-Ku, rékko mupogau'i aga iya Uparéntangengngékko.

YOHANES 2:5

Iyakiya makkedai indo'na Yésus lao risining pattumanié, “Pogau' bawanni aga napowadakko.”

RIWAYA'NA RASUL-RASUL-E 9:6

Iyakiya makkekkuwangngé oto'no namumattama ri kotaé. Kuwapiro matu ripowadakko aga harusu' mupogau'.”

ROMA 15:33

Tennapodo Allataala, iya mabbéré asaléwangeng ri rupa tauwé, sibawang manengngi Saudara. Aming.

ROMA 16:20

Allataala iya mabbéré asaléwangeng lao ri rupa tauwé, masitta'i matu taroi Ibillisi ri yawa akuwasammu sibawa mancuru'i. Tennapodo Saudara-saudara tuli ribarakkakiwi ri Yésus Kristus Puwatta!

1 KORINTUS 10:31

Muwi aga napogau' Saudara – manréi Saudara iyaré'ga ménungngi – pogau'i iya manennaro untu' pakalebbii Allataala.

1 KORINTUS 14:33

Allataala iyanaritu Allataala iya pojiyéngngi ataratorokengngé; tenniya Allataala iya pojiyéngngi akacaungengngé. Pada-pada ripakajajiyangngé ri laleng sininna jema'na Allataala,

1 KORINTUS 4:16

Rimakkuwannanaro uwéllauwi sibawa masero kuwammengngi namuwaccowériwi contoku.

2 KORINTUS 13:11

Paccappurenna, Saudara-saudara, sitinajako marennu, sibawa makkuraga mancaji sukku. Tarimai sininna pangajaku. Sitinajako masséddi ati sibawa tuwo sipammasé-masé. Allataala Iya Pommamasé sibawa mappasidaméro sibawakko matu.

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

FILIPI 3:17

Saudara-saudara iya maneng! Accowériwi contoku. Purani' mabbéré conto iya tongengngé, rimakkuwannanaro pénessaiwi madécéd-décéng sining tau iya maccowériyéngngi contotaro.

FILIPI 4:7

Na asaléwangeng polé ri Allataala iya dé'é nakkullé napahang tolinoé, jagaiwi matu atimmu sibawa pikkirammu iya masséddiénna sibawa Kristus Yésus.

1 TESALONIKA 1:6

Muwaccowériwi kédo-kédota sibawa kédo-kédona Puwangngé. Namuni manrasa-rasa senna'ko, mutarimai sibawa marennu karéba iya riyabbirittangngé lao ri iko. Iyaro arennungngé nabbéréyangngi Rohna Allataala.

1 TESALONIKA 2:14

Saudara-saudara, gau' iya mupéneddingiyé pura toni napéneddingi jema'-jema'na Allataala ri Yudéa, iya mancajiyé appunnangenna Yésus Kristus. Mupéneddingiwi anrasa-rasangngé polé ri bangsamu muto, pada-pada muto iya napéneddingiyé jema'-jema'na Allataala ri Yudéaro polé ri tau Yahudié.

1 TESALONIKA 5:23

Tennapodo Allataala muto, iya mpéréngngékki asaléwangeng, pancajiko tau iya tonget-tongengngé tuwo banna untu' Allataala. Tennapodo Allataala jagaiwi sininna alému, muwi roh, nyawa iyaré'ga tubummu, angkanna dé'gaga akurangenna wettunna Puwatta Yésus Kristus polé paimeng.

2 TESALONIKA 3:4

Nasukkuki mateppe' lao ri Puwangngé passalemmu, makkedaé mattengngakko pogau'i sibawa matteru matu pogau'i aga iya riyappétangngarengngé lao ri iko.

2 TIMOTIUS 4:22

Tennapodo Puwangngé ranrekko. Tennapodo Puwangngé barakkakiwi Saudara-saudara! Salama, Paulus 1

YAKOBUS 1:22

Sitinajako pogau'i aga iya napowadaé Allataala, aja' mumaréngkalinga bawang, angkanna nanallalengiro nabengnguwangngi alému.

2 PETRUS 1:10

Rimakkuwannanaro, Saudara-saudara, akkuragano lebbi rejjing kuwammengngi pangobbina Allataala sibawa pappilé-Na ri ikoro mancajiwi pédé' masse. Rékko mupogau'i iyaro, dé' matu musalai atepperemmu.

1 YOHANES 3:22

Na aga riyéllau polé ri Aléna, talolongengngi, nasaba matinuluki ri parénta-parénta-Na sibawa pogau'i aga iya pésennangiyéngngi atin-Na.