FILIPI 2:2 - KITTA KAREBA MADECENG

² Nah, cobani tonget-tongekko pésennangi atikku sibawa gau'-gau'éwé: Tuwono massiati sibawa pammasé padaé, pada pikkirang sibawa akkatta iya padaé.

FILIPI 2:2 ပူးပေါင်းရင်းမြစ်များ

ROMA 12:16

Tuwono sipammasé-masé séddié lao ri laingngé. Aja' mumatanré ati, iyakiya pappada-padai alému sibawa tau iya mariyawaé. Aja' muwangga'i alému lebbi acca naiya sitongennaé.

1 KORINTUS 1:10

Saudara-saudara! Ri laleng asenna Puwatta Yésus Kristus uwéllauwi kuwammengngi mumasséddi ada maneng; kuwammengngi aja' naengka assisalang ri yelle'mu. Sitinajako masséddi, siati sibawa sinawa-nawa.

2 KORINTUS 13:11

Paccappurenna, Saudara-saudara, sitinajako marennu, sibawa makkuraga mancaji sukku. Tarimai sininna pangajaku. Sitinajako masséddi ati sibawa tuwo sipammasé-masé. Allataala Iya Pommamasé sibawa mappasidaméro sibawakko matu.

3 YOHANES 1:4

Dé'gaga iya mullé pancajika lebbi marennu, naiya méngkalingai makkedaé ana'-ana'ku tuwoi manuru' pappagguruwanna Allataala.

RIWAYA'NA RASUL-RASUL-E 2:46

Esso-esso mennang maddeppungeng ri Bolana Puwangngé; enrengngé sisamai manré sibawa marennu kuwaéttopa pakariyawai aléna ri bolana mennang.

2 YOHANES 1:4

Marennu senna'ka missengngi makkedaé engka ana'-ana'na Indo' iya tuwoé situru pappagguruwanna Allataala, pada-pada iya puraé napparéntang Allataala Ambo'é lao ri idi.

2 TESALONIKA 2:13

Saudara-saudara iya namaséiyé Puwangngé! Tuli harusu'ki mattarima kasi lao ri Allataala passalemmu, saba' pammulanna mupa Allataala pura piléko untu' ripassalama'. Kajajiyangngi iyaro gau'é nasaba aga iya napogau'é Rohna Allataala lao ri iko untu' pancajiko umma'na Allataala iya mapaccingngé sibawa nasaba mateppe'ko lao ri biritta iya tongengngé polé ri Allataala.

KOLOSE 2:5

Nasaba muni mabélaka polé ri iko, angga'ka engka ri yelle'mu. Sibawa marennuka mitako massiati enrengngé masse mateppe' lao ri Kristus.

FILIPI 4:2

Saudara Euodia sibawa Saudara Sintiké! Uwéllauwi sibawa masero kuwammengngi Saudara massiatiwi selaku sining tau iya siatepperengngé.

FILIPI 2:20

Banna Timotius bawang alé-aléna tau kuwaé iya sinyawaé sibawa iyya, sibawa tonget-tongengngi napikkiri' asennangemmu.

2 KORINTUS 7:7

Tassaléwoi atitta tenniya bawang nasaba engkani polé Titus, iyakiya nasaba nalaporo' towi pékkugi atinna risaléwori ri iko. Napaissengiki makkedaé muddani senna'ko méwaka siruntu'; makkedaé massesse kaléko ri pangkaukenna riyolo na makkekkuwangngé macenninni atinna méwaika. Iyaro gau'é naébbuka lebbi marennupasi.

2 KORINTUS 2:3

Iyanaro saba'na uwokii iyaro sure'é lao ri iko. Dé' umaélo célléngiko, nainappa mupamesséika. Padahal iko sitongenna harusu' pérennuika. Saba' mateppe'ka makkedaé rékko marennuka, Saudara tentu marennu maneng towi.

RIWAYA'NA RASUL-RASUL-E 5:12

Nasaba jama-jamanna rasul-rasul-é, maéga anu makalallaing sibawa mappahérang kajajiyang ri yelle'na masaraka'é. Masséddi atini sininna tau mateppe'é maddeppungeng ri Légo-Légo Salomo ri Bolana Puwangngé.

RIWAYA'NA RASUL-RASUL-E 1:14

iya manennaro tuli masséddi atiwi maddeppungeng untu' massempajang. Massempajangngi mennang silaong sining makkunraié sibawa Maria indo'na Yésus kuwaéttopa silessu-silessurenna Yésus.

FILIPI 1:4

Sibawa sises-siseng uwassempajangeng manekko, massempajakka sibawa masennang ati.

YOHANES 3:29

Botting makkunraié iyanaritu appunnangennai bottimpurané. Sellaona bottimpuranéro banna tettongngi ranrengngi sibawa méngkalingai, sibawa masennangngi rékko naéngkalingai saddanna bottimpurané. Makkuwatoniro iyya. Makkekkuwangngé masennang senna'ka.

2 TIMOTIUS 1:4

Uwéngngerangngi amessénna atimmu. Iyanaro saba'na naumacinna senna' siruntu sibawa iko kuwammengngi tonget-tongekka wedding marennu.

RIWAYA'NA RASUL-RASUL-E 2:1

Wettunna narapi Esso Péntakostaé, maddeppungenni sininna tau mateppe'é riséddié onrong.

FILEMON 1:20

Rimakkuwannanaro, nasabbing Puwangngé, coba tulukka; pérennuiwi atikku selaku pada-padatta Saudara ri laleng Kristus.

MAZMUR 122:8

Nasaba sellao sibawa sahaba'ku makkedaka, “Tennapodo saléwangekko!”